【老散智慧】年尾必抽新股︰藍月亮（標基）

港股痛失螞蟻集團在港上市機會後，接力的還有京東集團（9618）旗下的京東健康（6618），在12月1日截止招股。京東健康一手入場費4,000元有找，加上母公司京東集團股價表現持續創新高，相信京東健康的股價有保證，係今年必抽的新股之一。

升幅料拍得住農夫山泉

另一隻我都睇好的必抽新股，就係中國洗衣液一哥藍月亮，市場指藍月亮最快可能本周於港股IPO，計劃募資10億美元。藍月亮必抽的原因，除了因為在内地的市場佔有率龐大，是中國知名的洗衣液品牌，已連續 10 年在中國洗衣液市場排名第一之外，另一原因係概念獨特，上市後將成為香港第一隻洗衣液洗手液及清潔劑股份，齋炒概念都一定吸引班北水買家入市。你睇隻農夫山泉（9633）賣水都賣到成4,800億市值，思摩爾國際（6969）電子煙概念，股價都炒到上50蚊，北水炒家咁鍾意炒内地概念股，呢隻藍月亮的股價表現，一定唔會令人失望。

而且，藍月亮的業績亦令人驚喜，翻看財報公司截至2019年全年業績，淨利年增率達95%至10.8億港元，營收年增率報4.2%至70.5億港元，公司三年毛利率增長超過一成，呢隻股份分分鐘似農夫山泉咁爆升，絕對可以入手。

標基

敢言敢為的小股民，股票投資愛好者

本欄逢周一刊出