蔡思貝拍劇前先上堂 與何廣沛同演中醫師 蔡思貝 Sisley Choi 同 Matthew Ho 何廣沛 都有份演出嘅新劇《你好,我的大夫》好快就會開拍,呢部以中醫為題材嘅劇集開工之前,就先安排一班有份演出嘅演員上堂學習基本嘅中醫知識,而曾經扮演過幾次醫護人員嘅Matthew,就話中醫學博大精深,所以見識吓再拍就會事半功倍喇。 而Sisley就話,知道有中醫業界希望可以幫到濫藥嘅年青人覺得非常衝擊,仲對中醫嘅知識非常有興趣添。平時多數都以短髮形象演出嘅佢,又話其實只係因為角色需要而剪短,不過最近留長髮就反而令一班朋友覺得好奇喇。 001ericackw 同 Lincoln Hui 許俊豪 都有份參與呢部新劇,喺日本生活好長時間嘅Erica,就覺得食中藥對自己身體比較好。而Lincoln就話自己因為青春期生暗瘡問題嚴重,而有好多睇中醫經驗,仲話希望有得學針灸添。 不過 游嘉欣 Ka Yan Yau 就非常擔心自己要被針插頭,反而 Danny Hung 孔德賢 就繼續嚇佢,仲講笑話要我幫你針灸,你幫返我啪骨咁話添 #你好我的大夫 #蔡思貝 #何廣沛 #陳嘉慧 #許俊豪 #游嘉欣 #孔德賢 #中醫