老公開採金礦　蔡加敏仔女想喺非洲讀書

玩具大王蔡志明女兒蔡加敏陪老公馬鴻銘出席活動，馬鴻銘表示在非洲有生意，蔡加敏透露也曾陪對方到當地兩次，她說：「第一次去嘅時候，我同老公都係第一次去，有個人陪就安心啲，去之前唔知非洲係點，聽落好恐怖，但去咗兩星期，飲食方面都可以，食西餐同有機嘅本土菜，幾新鮮，乜都試吓，過程好開心。第二次係同小朋友暑假去，仔女去到當地仲話要留喺度讀書，仲同非洲小朋友好老友，成日問幾時再去，我哋有睇動物同睇瀑布，係唔錯嘅親子之旅，一家人去好開心，小朋友話想每年暑假都去。」

問到老公在當地從事甚麼生意時，她坦言是開採金礦，並說：「同佢之前做開嘅生意好唔同。（有冇睇過開採過程？）有，真係大開眼界，一舊金要花好多時間去清洗。（你係金礦夫人？）唔係。（下次掘埋鑽石？）好呀，我好鍾意鑽石，我都好支持老公投資唔同生意。」