名人：蔡加怡大女當細佬係公仔

玩具大王蔡志明千金蔡加怡以總理身份出席東華三院活動，五月誕下兒子Kallan的她，表示這個名字是看書選擇出來的，BB中文名則仍未改。她又指自己產後收身極快，再減幾磅就能回復產前體重。

坐完月已復工的蔡加怡，坦言現時好忙：「日頭要返工，夜晚湊小朋友。（餵人奶？）停咗喇。（兩歲半大女係咪開心？）晚晚都會錫一啖（細佬）先瞓，又會幫手掃風，當細佬係公仔。（再追？）唞唞先，時間好難分配。（擺百日宴？）都係屋企人食飯。（爹哋蔡志明送乜禮物？）佢成日都送。」