逸葵樓7天疫監 政府派福袋當無數 居民:如《魷魚遊戲》無得走|即時新聞|港澳|on.cc東網

逸葵樓7天疫監 政府派福袋當無數 居民:如《魷魚遊戲》無得走

20220128
東網電視
更多新聞短片
葵涌邨疫情大爆發,至今有3幢大廈須圍封禁足,其中由5天「加監」至7天的逸葵樓今早(28日)解除禁令,大批居民一擁而出,急不及待呼吸自由的空氣。不少居民批評政府安排欠妥;早前更有團體訪問邨內受影響居民,發現至少11人因為當局禁足無法上班,而被僱主無情解僱。
政府今早安排逸葵樓居民領取一份「福袋」,內有臘腸、冬菇及鮑魚,惟有居民不滿政府對他們困境不聞不問,「成個星期無得返工,影響生計」,亦有居民不屑政府的小恩小惠,「根本就唔會貪佢(政府)呢啲嘢,防疫把關做好啲好過啦。」
任職維修保養的吳先生表示,曾憂慮會再被「加監」,又形容落樓檢測及禁足恍如劇集《魷魚遊戲》,「入咗嚟就冇得走,之後有居民一個一個咁車走」。他直言當局的禁足安排十分差勁,僅派過一次清潔用品,且只有漂白水,不夠用之餘亦不能噴身,「我哋唔係需要你啲年糕, 我想要啲消毒用品」,又批評膳食不佳,例如「磚頭肉餅飯、無汁排骨飯。」
他又指,居民之間會成立通訊群組互相鼓勵,而公司安排他新年後才上班,但當局至今仍未有通知假紙的發放事宜,「政府尋日開記者會講自己有幾叻,封咗幾多地方,有幾快做到嘢,但冇講受影響人士之後點呢。」
居民陳女士指圍封安排混亂,衞生情況欠佳,當局沒有盡早消毒大廈的各個樓層及升降機等公共地方,認為政府視他們為「白老鼠」,一直實驗但沒有改善。她指,從街坊通訊群組得知,最少有2、3人反映因圍封而失業。
任職營養顧問的高小姐形容放疫監心情開心,原本已打定輸數要「困住過年」,直言「好似喺度等確診咁」。她表示,曾擔心排隊檢測期間會被交叉感染,「日日都要逼,日日都要見咁多人,其實都好擔心」,認為當局應提前發出通告,安排不同樓層的居民在不同時段進行檢測,避免同一時間有多人聚集,「鍾意幾時落嚟就落嚟,咁我哋唔知幾時少人㗎嘛」。她又認為感染Omicron不是很嚴重,但自己十分不願被隔離,「個感覺真係好恐怖」。
居民馮先生則慨嘆葵涌邨已被標籤為「疫區」,逸葵樓則是「疫廈」,「咁嘅情況我出去返工嘅時候,有人問起知我住葵涌,佢哋會有咩感覺呢?會有咩反應呢?」他指,身邊的朋友亦表明新年不要見面,令他更憂慮在工作場所會被排斥。他又批評派福袋是「做騷」,「你講幾多感謝說話都冇用,因為帶畀我哋嘅影響係深遠,而唔係一個禮品包可以補償得到」。
另外,邨內的葵涌商場方面,早上近11時,人流不多,大部分店舖未有開門營業,超市亦人流稀少,只有小部分人選購賀年用品;有麵包店、髮型屋等多間店舖貼出告示,指由於疫情關係,宣布暫停營業,部分更無標明重開日期,僅指另行通知。
《香港疫慌》專頁:http://hk.on.cc/fea/hkdisease