人血饅頭食得多會唔會滯？問吓班黃區議員啦！話說西貢區議會，兩名黃議員、「將軍澳民生關注組」嘅陸平才、柯耀林強行動議，以周梓樂、陳彥霖之名命名兩個公園。事件引發各界震怒，連彥霖媽媽都反對（請按此重溫）。在昨日的西貢區議會會議，有關動議引發成班黃議員互罵，甚至有人公開承認「在座邊位唔係食人血饅頭入嚟嘅？」真係道出真相。

會議上，成班黃議員唔知係咪因為眾怒難犯，齊齊將矛頭指向陸、柯二人。議員葉子祈將塗有紅色顏料嘅一大袋饅頭拋向二人，諷刺佢哋食「人血饅頭」，唔顧死者家屬感受。

柯耀林知衰，改口話唔一定要用人名命名公園，可學台灣的「二二八紀念公園」，以日期命名公園云云。此神建議即獲黨友護航。

「議席票數靠食人血饅頭而來」

但其他黃議員知恥近乎勇，有人大罵「唔通改成數字就唔係講緊佢屋企人咩」，有人引網上聯署指有二萬多人反對，有人認為任何命名應諮詢居民。更爆的是，同屬「將軍澳民生關注組」嘅李嘉睿臉皮薄得滯，惱羞成怒話在座所有人都係靠「人血饅頭」躋身區議會，「所得嘅議席、票數，全部都係食人血饅頭、消費手足而來嘅」。最終，互插鬧劇落幕，討論暫停，短期內唔會交區會處理。

自知食「人血饅頭」而獲得高薪的議員職位，黃議員們應該好好報答手足至係嘛，豈料他們正經事冇做過幾多年，就熱衷於互罵、互串、互窒、互插。不過，相信好多人都唔會失望嘅，因為本來就對佢哋冇希望嘛，對吧？

原圖：大公報

http://www.takungpao.com.hk/news/232109/2020/0304/422286.html