莊思敏34C夠使 拒再隆胸
拿督千金莊思敏四年前接受整容及隆胸手術，日前在《好報》獨家專訪中透露從來沒有為隆胸的決定後悔，亦堅決不拆彈。昨日她表示對現時的34C非常滿足：「依家個胸可以用一世。」
莊思敏非常滿意34C上圍，大方騷畀你睇！
莊思敏接受《好報》獨家專訪，堅稱不會拆彈。
名模莊思敏（Jacquelin）於2010年接受交叉線雙眼皮手術及矽袋隆胸手術，上圍由A隆至C Cup，成為全城熱話。早前她接受《好報》獨家專訪，自言沒有後悔四年前的決定，還堅定稱一世不拆彈。昨日她接受電話訪問時表示對現時身材很滿意：「解決咗以前用Nude Bra嘅麻煩，又對將來生兒育女餵母乳冇影響，所以冇諗過拆。（加建？）每次隆胸只可以升兩Cup，但等啲皮膚拉鬆一段時間係可以再隆，不過再升兩Cup我覺太大，但為升一Cup而開刀又唔值，所以唔會喇！依家個胸可以用一世。」
訪問中，提到以往的戀情多因第三者介入而分手，Jacquelin強調一個很堅持的立場：「我唔會一腳踏兩船，多過一對一關係嘅愛情係唔健康。我好抗拒做人第三者，因為我好信報應。如果對方可以因為你而拋棄正印，咁佢都會因為第四者而拋棄你，咁到時你就係抵死。當然我都試過對已有另一半嘅人心動過，但我唔會畀事件開始囉！」
嘆難搵另一半
現時單身的Jacquelin表示會以尋找結婚對象為目標，但感嘆人愈大愈難找到另一半：「以前細個就話啱Feel就一齊，但人大個咗，會知道有咩人適合你，有咩人唔適合你。我唔介意外貌，順眼就得，亦唔使高過我，事業唔需要好有成就，但要有上進心同做人有目標。」
