《一本便利》800期終結篇！~下期改名《FACE》！

HappyBirthday！終於來到《便利》800期大日子，心情既不捨又興奮。不捨，因為今期係《便利》最後一期；興奮，全因自下期起，《便利》正式改名《FACE》，用全新面貌同大家見面，讀者仲可以撕去今期封面，由5月29日起到全線7-11、OK便利店及各大報攤，免費換《FACE》創刊號一本，送完即止，認真抵到爛！

要回顧《便利》最經典之作，又點少得靚女呢！《便利》係全港搜刮靚女至強年青人雜誌，不論星界、模界，連素人校花都一網打盡，當中有未紅前名模周汶錡、舒淇；還有呢期紅人蒙嘉慧、待產徐子淇、潮人徐濠縈……

1994年青春

94年，入行兩年的周汶錡為《便利》示範3款夏日時裝，當時的Kathy面圓圓兼pose幼嫩。







《便利》真係好潮

講到香港炙手可熱的名模，非周汶錡（Kathy）莫屬！34歲的她，現時站穩香港十大topmodel，行騷入場費3萬元起計，原來她早於92年、19歲入行，跟其他model冇分別，都為《便利》當過唔少fashion版模特兒：「早期《便利》都真係好潮，內容資訊又快又新，好多人鍾意睇。」

周汶錡除了出任各大小名牌、珠寶首飾、纖形公司等御用代言人外，近年還殺入電視圈，擔任無飲食節目主持人，由《回味無窮》、《近廚得食》到《原裝入口》，節目一輯接一輯，食過翻尋味，更順勢出書《周汶錡香港之旅──

周汶錡除了出任各大小名牌、珠寶首飾、纖形公司等御用代言人外，近年還殺入電視圈，擔任無飲食節目主持人，由《回味無窮》、《近廚得食》到《原裝入口》，節目一輯接一輯，食過翻尋味，更順勢出書《周汶錡香港之旅──玩味香港島》和《周汶錡臺北之旅》，財源滾滾來。

《便利》今期回顧，找來周汶錡94年拍下的經典模特兒照，少女時的她面圓圓，笑容燦爛可愛，相當青春！



2007年索爆

周汶錡親手畫了幅賀咭送給《便利》，她知道《便利》改名後笑說：「希望《便利》轉名做《FACE》後，能夠行多潮流路線，家後生仔鍾意睇潮流多。」多謝晒！

1995年食我

1995年食我　蒙嘉慧

雖然《溏心》撬常在心牆腳失敗，但現實中有伊麵錫蒙嘉慧，其實早於95年初出道做model時，已經幫《便利》拍硬照，仲夥拍名模周倩圯演繹騎呢語言tee，當年20歲的她樣子跟現時差不多，但眉較粗，雖然件EatMe誘人tee，不過pose略嫌生硬，其後仲同郭富城拍個one2free廣告走紅添！



1995年噴血　舒淇

95年，於台灣推出一輯全裸寫真成為全城焦點舒淇，當時只有19歲、被喻為徐若瑄第二的「台灣小妖精」，仍未在港為人熟悉，被《便利》率先介紹並拍了輯激爆索相，仲遠赴台北，追擊她的300呎平房，隨即成為「晶女郎」，片約不斷，仲做埋黎明嫂，又埋影后，身價飆升至150萬薪酬接拍荷里活電影，成為國際級影星，前途無限！



1993年冶艷　蔡少芬

91年港姐兼無實力一姐蔡少芬，當年因搞了個百萬生日會，成為城中熱門話題。一直備受無力捧，93年更替《便利》影了輯靚相集，更當上封面添！至今Ada演技被肯定，形象既高貴又健康添。



2000年純情　徐子淇

正在待產中恆基少奶徐子淇，14歲初入行簽了Elite模特兒公司，15歲即開始替《便利》拍下不少索女相，仲做埋封面，00年時17歲更影埋《EasyGal》索女相，訪問她當年即將拍TVB新劇《新鮮人》飾演自閉女角色。徐子淇嫁入豪門，據聞預產期5月尾，分分鐘同《FACE》一齊出世！



1994年可愛　徐濠縈

嫁為E神嫂後，專注相夫教女潮媽徐濠縈，94年替《便利》影了輯夏日便服相，當年充滿少女味阿徐跟現在判若兩人，經常做可愛嘟嘴表情。96年認識Eason後淡出娛圈，因為衣品味走在最前，加上受老友Wyman感染，成為潮人icon。



1994年爽朗宣萱

一入行就簽約無的宣萱，剛同無結束14年長約，改為部頭合約拍劇，性格爽朗男仔頭的宣萱，95年在《壹號皇庭IV》擔正女主角而竄紅，事業剛上軌道的她，原來早在94年，已不時抽空替《便利

1994年爽朗宣萱

一入行就簽約無的宣萱，剛同無結束14年長約，改為部頭合約拍劇，性格爽朗男仔頭的宣萱，95年在《壹號皇庭IV》擔正女主角而竄紅，事業剛上軌道的她，原來早在94年，已不時抽空替《便利》影fashion相，係我影樓常客。當年仲有babyfat的她，住短褲上陣，認真青春無敵呀！



施念慈：搞校花好成功



講到《便利》搜刮靚女，當然要數最經典「校花選舉」啦！要數校花中校花，一定係96年校花冠軍港大代表施念慈（Celia），即使已經離開娛圈，但至今校花地位無人代替，「都係多得《便利》，令大家咁記得我，一講起港大校花，都會記得施念慈呢個名，好深入民心。」

當選校花後，Celia迅即入電台做DJ，簽約TVB、拍電視劇《寵物情緣》飾演古天樂細妹和維他奶廣告：「選校花年係我lastyear，最開心係選完出唔使搵工，已經好多job主動搵我，好多采多姿。」

即使畢業10年，細細粒的Celia仍慣被人以「校花」相稱：「可能我個樣細，又keep住寫，同大學好有關係，所以街仲會有人叫我『校花』，《便利》搞校花選舉真係好成功，仲帶出好多新面孔添。」Celia現在自組公關公司，幫胡敏珊搞美容院生意，又有股票及炒樓投資，變為小富婆啦！



讀港大時，施念慈日日架紅色寶馬返學，成為大學界一時佳話，當年有22歲的她，還擁有另一架CRX跑車，雖然在單親家庭下長大，但媽媽做地產生意，生活相當富裕。

1996全城哄動

第二屆校花選舉最為激烈，皆因參選質素甚佳，仲搞埋拉票日，選舉當日更在灣仔會展搞頒獎典禮，連無《城市追擊》都來採訪，場面墟！而勁敵沈玉媺，爸爸是紡織商人沈德民，家住山頂，經常出入ball場，01年在美國讀完室內設計回港，更多次為《便利》做封面女郎。





1994校花雛形

由《便利》一手策劃及舉辦的大學校花，始源於94年一篇「大專校花逐個捉」報

1994校花雛形

由《便利》一手策劃及舉辦的大學校花，始源於94年一篇「大專校花逐個捉」報道，為了搜刮出隱藏的校花，《便利》不惜走遍中大、港大和理大。豈料反應空前熱烈，於學界廣泛傳閱，成為界茶餘飯後的熱話，最後由《便利》「特別評審小組」選出，「浸會楊采妮」羅文慧當選。



冠軍　浸會羅文慧



科大王翠玲



港大奚潔恩

1995首辦選舉



繼《便利》在94年搜尋校花，95年在徇眾要求下，首辦第1屆的大專校花選舉，吸引77位大專靚女寄信來參加，公投人數近5千人，勝出的「理大楊采妮」李詩敏，不但獲得1萬蚊獎金，仲有6間經理人、唱片、廣告公司搵她casting，最後簽了經理人安格斯。

1997衝出亞洲



回歸校花被國際組織CARP邀請，到馬尼拉參選第廿屆國際大專校花選舉，「便利校花」揚威海外呀！

其後冠軍黃可欣更遠赴泰國拍攝《便利校花VCD》，亞軍的浸大錢海倫，現在已當上空姐6年，仲有一個幸福家庭，「選校花時好好玩，識好多朋友，仲入埋TVB，做過《全線大搜查》，同埋好多model工作。」



季軍莊妙晶，因參選校花認識港台DJ梁繼璋，其後莊以23歲之齡下嫁43歲的梁。

1998電台轉播



7位校花在九展表演才藝，加埋DJ梁繼璋、梁思浩做主持，成個港姐選美咁，創下過萬人投票紀錄，同期仲出埋第一本校花寫真集。

以3千8百幾票奪得冠軍的「中大鍾麗緹」洪惠美（Maggie），除廣告工作外，Maggie仲蘇民峰在有線主持《峰生水起精讀班》中，跟蘇師傅學風水；至於亞軍的「理大徐子淇」黃佩詩（May），就曾主持亞視兒童節目。

1999-2

1999-2000千禧之選

講明係Y2K，7位校花穿上理工學生設計cyber校服，聯合7間大專的千禧除夕Ball做總決賽，《便利》仲甄選當年港大的兒歌天后李紫昕作〈MissU2000〉做校花主題曲，仲有謝霆鋒、容祖兒、陳奕迅做嘉賓添。

2000年校花冠軍「浸大李珊珊」李璧琦（Becky）當選後，成為全職model，拍了高露潔、婚紗同珠寶廣告，仲行埋catwalk，最近更簽下唱片公司向樂壇發展。





李璧琦

2001直入娛圈



今屆校花同新城、有線、小室哲哉聯手合作，冠軍校花不但有逾萬蚊獎金外，有機會做新城《我芝訂》DJ、有線YMC台VJ、仲去日本做埋小室徒弟，實行玩晒三大傳媒界。

陳嘉容曾幫校花做styling

貴為香港10大名模的陳嘉容（Eunis），唔講唔知，原來早於94年初入行時，經當時在《便利》工作的前無藝人劉曉彤介紹，在《便利》當了一年多parttime，「時《便利》做stylist，仲幫第一屆校花做styling，要周圍行街借衫，提升自己fashionsense，對我日後modeling工作好大幫助。」《便利》800期後換《FACE》，Eunis贈言：「做多fashionpage，少娛樂八卦會受歡迎！」

原來當年上至fashionpage、下至娛樂版藝人至潮形象、服飾，都係Eunis一手一腳策劃，仲幫莫文蔚、彭丹做過形象添。！睇左邊Eunis《便利》工作時幾認真。





2003博士評判



最後一屆校花選舉，決賽於平安夜九展舉行，7位校花中更有來自台灣索女，各人載歌載舞又表演魔術，《便利》仲請得環球唱片總經理、曹宏威博士做評判，為校花選舉畫上完美句號。

2002日本校花



第8屆請埋海外校花參選

第8屆請埋海外校花參選，分別台灣同香港做初選，搵埋當年hit爆九龍皇帝曾灶財幫校花畫graffititubetop，又旺角街頭拉票令全場起哄，最後由日本來港交流生當上冠軍。

彈出素模

《便利》刮星刮模出色，連「捧素人」都有一手，只要係靚女就唔放過，好似性感「百利」salesTiffany、CTI廣告女彈出陳自瑤，同網界WebJ黃榕，都順利殺入娛圈，勁！

百利至激sales

原本任職dancer的Tiffany，01年只有20歲的她因穿上性感bratop幫朋友在百利的時裝店看鋪時，被《便利》記者發現，仲立即上埋封面，「初初你記者搵我都有驚，不過一路有睇開《便利》，所以就應承，不過估唔到會做封面，後來仲有好多人拎住本《便利》落鋪度搵我。」

事後Tiffany沒有再到百利鋪幫手，因為封面一出，即被模特兒公司羅致，仲做埋有線主持，並到台灣拍電影。《便利》令本來做sales的她踩入娛圈，她憶述：「係《便利》令我做model，接好多job。」6年後今日，Tiffany直言歸於平淡，現於一間電影公司任秘書，退出娛圈的她直言不想透露私生活，還希望記者不要重登她當年的大膽性感相添！





Tiffany本是失業，後來在百利當上sales，豈料出位衣做埋《便利》封面。

CTI陳自瑤

晚晚《同事三分親》都見到陳自瑤（YoYo），99年入行做model，但憑住01年一個CTI廣告爆出，眾少男搜刮呢位女郎之際，《便利》率先做封面介紹，做埋大起底，然後迅即在各雜誌同廣告曝光，後來拍埋《四葉草2》，做過女主角，現在更簽約無添！





WebJ黃榕　

憑34B闖入WebJ界的黃榕，橫掃成個界網絡，《便利》率先同黃榕影了輯泳衣照做封面，仲出埋個人書仔《EasyGal》，雖然眨下眼過7年，黃榕話家仲記憶猶新，「《便利》專影靚女嘛，所以好有信心影得靚，一都唔驚，希望《便利》繼續發掘多靚女啦！」



EasyGal首創寫真

《便利》影靚女

我記得有一期封面係有條女透點
果陣我keep起左j足一年, 但係阿媽大掃除同我掉左

old news is so exciting!
d校花

我記得有一期封面係有條女透點
果陣我keep起左j足一年, 但係阿媽大掃除同我掉左

又幾長情

舒淇做左黎明嫂咩

DONALD

DONALD

黃榕

TWINS未紅前私生活暴光

佢紅左之後個d 先正架嘛

未來人

剛剛摷返幾本easy gal出黎

可唔可以叫文奇拎住自己張舊相合照下

愛人結婚了,新郎不是我

沈玉薇去咗邊呢？

一本便利 以前幾好睇
講城中熱話同故事多...
無乜同類雜誌
一轉face 得d 娛樂新聞....
睇8掛野無如睇新地

一本便利 以前幾好睇
講城中熱話同故事多...
無乜同類雜誌
一轉face 得d 娛樂新聞....
睇8掛野無如睇新地

又多踩界相照顧我地d熱血方剛既青少年

[quote]1999-2000千禧之選

講明係Y2K，7位校花穿上理工學生設計cyber校服，聯合7間大專的千禧除夕Ball做總決賽，《便利》仲甄選當年港大的兒歌天后李紫昕作〈MissU2000〉做校花主題曲，仲有謝霆鋒、容祖兒、陳奕迅做嘉賓添。

2000年校花冠軍「浸大李珊珊」李璧琦（Becky）當選後，成為全職model，拍了高露潔、婚紗同珠寶廣告，仲行埋catwalk，最近更簽下唱片公司向樂壇發展。





李璧琦


李璧琦即係翻版明日花

推

入到去睇衫對眼真係控制唔到架喎

入到去睇衫對眼真係控制唔到架喎

條女去左邊

果陣讀U想唔專心都難