餐廳位於全香港最貴地段 [中環]，太耐無來過中環區，原來有不小商鋪已洗了一輪排， 我好似一個遊客一樣對這區充滿著新鮮感。 朋友為我安排了吃越南晚餐，地是點士丹利街上樓鋪 [品越越式料理] 餐廳尚算寬敞，我們被安排到四人卡位，所以坐得更舒適。 店員好主動加水、落單，反應快，唔需要特別追，感覺唔錯。 我們由湯到主菜都點齊，...先來 [蕃茄蟹肉湯] $78 暖身 店員放上枱時， 湯出晒煙。 就像是家庭式滾湯烹煮方式，如期材料有切件大蕃茄、蟹肉、莞茜，最令我感到興奮是居然加入了肉丸，而且是非一般的口感，應該是蝦肉加上豬肉手打肉丸，入口彈牙不死實，有肉香，加分位! 蕃茄湯味道清新討好，飲完成個人曝笠笠，大愛! 點了兩款串燒， 分別是串燒雞肉 $38 和 串燒菠蘿$42 串燒雞肉用上是雞腿肉，以鹽、黑椒和香茅調味。 雞肉外層十分香脆，內裡仍然可能保微微JUICY口感，我個人認為不須蘸花生醬，原汁原味吃最好味。 串燒菠蘿 $42 可能你會問點解 [串燒菠蘿] 要咁貴 ? 當你睇完張相就會明白，菠蘿份量十足，經微微燒過菠蘿,其糖份會更昇華，一切下去菠蘿汁流晒出黎，菠蘿好肉地又無渣，而且無帶半點酸味，絕對借得一試的串燒。 湄公河大頭蝦 $158 越南虎蝦食得多, 今晚試下大頭蝦。 這類蝦在街市不常見, 相信會用上冰鮮蝦取代，將大頭蝦開邊放上大量蒜泥、牛油焗，真係無理由唔香。 話明食大頭蝦當要是識食食蝦膏，蝦膏好紅又豐富，鮮甜好吃，食極都有，真利害。 蝦肉爽口，肉質雪白，啖啖肉岩我食。 金菠蘿海鮮炒飯 $118 以原個菠蘿上枱，誠意分滿分，相當討好，咁先可以叫 [菠蘿炒飯] 但一點也不馬乎，用料超豐富、份量超多，有菠蘿、鮮魷魚、大蝦、菠蘿粒、帶子粒、雜菜粒、生菜絲, 雞蛋絲等，有別於泰式菠蘿炒飯。 最激讚是用上鮮魷，入口不韌，有驚喜。略嫌炒飯欠乾爽，味道尚可，整體是水準以內。 食到超飽，人均消費約 $215 真心抵食。更多

越食愈超值 星期六路過中環近雲咸街、荷李活道、威靈頓街一帶，發現超多遊客，有鬼佬、台灣客、韓國客、大陸客，中西合壁，包羅萬有。見周圍人山人海，就找個地方歇腳吃飯。就在士丹利街，有間叫品越越式料理，設在一樓，走進試試。店內佈置簡潔，環境舒適。 有個精選一人晚市套餐，超值抵食。套餐$95有大大碗河內生牛肉湯河，配小食香茅雞中翼，...轉越式特飲芒果椰子沙冰(另加$8)。 河內生牛肉湯河粉大大碗，材料有生牛肉、芽菜、蔥粒、紅辣椒粒、九層塔和河粉。生牛肉嫩滑，湯底清香，河粉粗幼適中，入口彈牙，加上蔥粒及九層塔香味，十分惹味開胃。 香茅雞中翼有2隻，唔算大隻，外皮炸得鬆脆，內裡保留肉汁，伴碟沙律菜亦都新鮮，味道不錯。 飲品芒果椰子沙冰，芒果粒新鮮甜美，椰子味十分濃郁，而且賣相吸引。更多

上個月同朋友喺中環食商務午餐，席間友人提到好想去吃頓越南菜，問我可有甚麼好推介。既然友人想食，我當然義不容辭。今個月嘅姊妹聚，就一於由我帶路，去中環士丹利街食越式料理。 老實講，其實我都係第一次嚟中環呢間「品越」，不過對呢間餐廳就一啲都唔感到陌生，因為之前曾多次到訪它位於雅蘭中心嘅分店，所以對店子嘅食物質素，都幾有信心。 餐...廳位於大廈 1 樓， 要走上一條樓梯方可到達。店內地方頗大，環境光猛，裝潢簡潔，用上淺木色為主調，配以優雅的花紋牆紙作襯托，觀感融和舒適。 先讓友人研究一下餐牌，其實我剛才已經喺樓下睇咗 menu，食物選項包括有米紙卷、沙律、頭盤、香茅串燒、燒物、主食、西貢咖哩、蔬菜、湯、招牌河粉、濱海、撈檬、炒粉飯、特色飲品、啤酒、紅白酒及甜品等，款式非常之多。另外亦有精選一人餐、晚市 2 人套餐及晚市 4 人套餐。 先來一客輕食做前菜，看中了這客香芒軟殼蟹米紙卷 ($78)，米紙晶瑩剔透，外皮煙韌，而內裡的餡料就包括有軟殼蟹、檬粉、青瓜、生菜和芒果肉等。先試一件，外皮柔軟、入口帶米香，加上酥香鬆脆的軟殼蟹，口感豐富，再拌以自家製的酸汁，吃起來既清爽又不膩。 喺「精選一人餐」揀咗款河內生牛肉湯河 ($95)，套餐配有小食一款同熱飲一杯。小食可以揀迷你春卷、香茅雞中翼、灼時菜同粉卷拼扎肉，選了香茅雞翼。雞翼一客2隻，啱啱好夠我哋分，唔使爭唔使搶。挾起一看，雞翼 Size 不大，細細隻，不過熱辣辣，而且食落夠入味之餘又夠脆口，咬開外皮，入面的雞肉依然 Juicy。 至於碗湯河，雖然話係一人餐，但係份量睇落都唔野少，絕對足夠兩個人 Share。先擠些少青檸汁，再撒點芳香的九層塔同指天椒，湯頭鮮甜濃郁，入口充滿牛骨香氣，不油不膩。河粉薄而滑，帶少少煙韌，吃至最後仍然彈牙。生牛上檯時仍帶紅，入口有厚度，不嚡不韌，吃時可配是拉差辣椒醬，更有風味。 主菜點了品越燒乳豬 ($188)，乳豬用木砧板盛上，分量極多。先叉起一件入口，外皮很薄，入口脆卜卜，皮下脂肪略厚，而最下層則是肉質纖維幼細的豬肉。豬件食落肉汁好豐盈，帶豬肉的甘香。雖然真係幾好味，不過兩個人食 1/4 隻，的確是有點吃力，建議同多幾個朋友一齊嚟分享。 食完油膩野，最後當然要點番個菜蔬嚟平衡一下，點咗個馬拉盞炒芥蘭 ($72)，店員送上時已經聞到好香，炒得好有鑊氣，芥蘭爽脆青綠，入口微辣，鹹香味十足，既爽口又唔硬身，非常好吃。 套餐配有熱飲一杯，有咖啡、奶茶、檸檬茶、檸檬水可供選擇，不過如果想轉凍飲就要 +$3、轉特色熱飲就 +$8、轉梳打特飲就 +$12、而轉沙冰就加 +$18。這杯芒果椰子沙冰 (+$18) 味道不俗，既香甜又不膩喉，充滿熱帶風情。餐廳環境唔錯，靜靜地，幾啱同姊妹嚟傾下心事。更多

希望吃越南菜的清淡，食材新鮮，清爽，不油膩，香味特別。這家都不錯，而且價格適中，人也不算多，環境服務都好。

中環食一餐越南菜 選擇其實是不太多的 因為越南食品賣得較便宜 而中區的租金也太攞命 這個是老鋪 居然也有清靜閣樓 兩點過後 好地方

位置有點偏, 位於橫街, 還要是樓上舖, 味道還可以, 蕃茄蟹肉湯檬比較出色, 午市有多款套餐可選, 價格以中環來說, 可以接受.

在斜路旁的樓上舖，午膳時間多人得要在樓梯上排隊。內部的裝修算不錯，雖然地方小，枱與枱之間的空間不大，但枱椅的設計都算叫人坐得舒適。美味的越南菜給人清新的感覺，不會太過油，不錯。