雅虎香港新聞【大台姊弟戀】傳張振朗高攀一姐胡定欣 疑拍《包青天再起風雲》撻著
大台咩野多？唔止劇多， 仲有戀事多！近年一眾藝人可能工作真係太忙，大部分時間都要留喺電視城，想拍拖、識對象都要揀返自己友！好似馬國明同黃心穎、袁偉豪同張寶兒、陳展鵬同單文柔、 仲有近日盛傳將會奉子承婚嘅鄭嘉穎同陳凱琳等，而最新鮮滾熱傳緋聞嘅仲有張振朗同胡定欣，疑似譜出「張胡姊弟戀」！
31歲張振朗同36歲胡定欣真係好似「漿糊（張胡）」咁痴埋咗一齊？！聽落似煲水新聞，畢竟普遍人都會覺得佢地大纜都扯唔埋！不過電視台之戀再加姊弟戀又真係食正潮流，無嘢係無可能嘅！更何況空穴來風、事必有因，一齊睇下呢單緋聞有咩似層層嘅蛛絲馬跡，再去諗佢地有冇可能發展，信不信由你！
胡定欣同張振朗最近一次同場出現螢幕上，應該係喺男方有份主持的節目《美女廚房》。胡定欣與王敏奕、李詩樺比拼廚藝，明顯略遜一籌， 其中一味餸更未煮熟便上碟。
張振朗試食時未有偏心緋聞女友，更當住胡定欣面把其難食之作掉入垃圾筒。
十段有九段大台戀情都係因為拍劇日對夜對而萌芽的，而胡定欣同張振朗就係被指拍《包青天再起風雲》時撻著。
胡定欣同張振朗在劇中分別飾演雲千羽和展昭，份屬好友，兩人早前都有份跟大隊到內地橫店拍攝。
人在異地自然會放下誡心，趁著工作空檔，胡定欣同張振朗相約去玩，更不避嫌於社交網站分享合照。
大台藝人多，難免分黨分派搞下小圈子 。胡定欣所屬的當然是胡說八道會！早前他們一行多人去支持胡蓓蔚老公單立文（豹哥）的紅館演唱會。 大合照中也看到了張振朗的身影！一向與胡說八道會無關的他被指現身撐緋聞女友場兼趁機與其好友混熟。
張振朗31歲生日在IG大晒一個展昭造型的立體蛋糕，有眼利網民發現蛋糕疑似出自胡定欣整餅師好友Jimmy之手，懷疑除蛋糕是胡定欣托好友造給緋聞男友。
對於傳出緋聞，兩位主角的回應均表示不明所意，當然有人會認為他們倆是例牌否認，只能老套說句，時間可以證明一切嘛！
張振朗有「大台花王」之稱，曾與多名小花傳過緋聞，蔡思貝、陳瀅、劉佩玥、龔嘉欣等通通榜上有名。
今次傳與一姐胡定欣撻著，張振朗可以說是越級挑戰！ 如果屬實，女尊男卑的關係必惹來更多閒話。
張振朗緋聞多多，唯一承認過的戀情就只有他與咪神陳芷尤的一段三年情，可惜兩人公開之時同時亦宣布手已分。
前往瀏覽完整內容:
【大台姊弟戀】傳張振朗高攀一姐胡定欣 疑拍《包青天再起風雲》撻著
更多相關報導:
［娛樂圈好細］分手同台又有乜所謂 胡定欣馬國明《深宮計》照談情
