【Viu】Tyson Yoshi今日以一身牛仔look出席品牌event，講到有關穿衣配搭，Tyson必定係白背心嘅最佳代言人，佢笑話保守估計屋企有2打白背心，啱晒低調裝扮！

相反「老婆」車身設計就極高調，日前吸引咗班小學生圍觀成佳話，最後被學校校長邀請出席活動，仲搞咗個車身設計比賽！Tyson抵死笑話去道咗歉，指校長、家長方面都好通情達理，自己亦多咗班小fans，唔知Tyson係咪會借出「老婆」畀勝出嘅同學將作品畫上去呢？

Tyson指最近多咗同Jeffrey車聚，問到對方手車掂唔掂？Tyson陰嘴笑嘅表情代表一切，更揚言一定唔會坐Jeffrey車添！好似有啲內情咁喎！

而台灣好友婁峻碩喺IG post咗條片，就係同Tyson輸賭100下push up，最後Tyson慘敗，佢笑話遲啲出新歌就再同婁峻碩battle！而日前小S拉大隊快閃香港拍節目，有邀請Tyson做嘉賓，佢搞笑話嗰日嘅尷尬指數被小S拉到極致，究竟發生了甚麼事？Tyson亦以三字回應被網民發現unfollow kayan9896，快啲去睇足本訪問片啦！