《聲夢傳奇2》十強正式現身 記招前哨戰10月決出勝負 分為紅藍兩隊又以多種唔同方式比賽過嘅《聲夢傳奇2》學員,十強已經正式誕生,離10月初嘅決賽得返大約半個月時間,呢日佢哋就一齊現身記者會同大家見面,又即場Battle為決鬥之前熱身。 佢哋文鬥武鬥乜都有齊,不過 #XiX 嘅 #Kiele #鄧曉殷 呢日因為確診缺席,就令成員有少少失落,仲話非常擔心佢嘅情況呀。打入十強嘅各位學員,嚟緊將會以一對一即時淘汰方式PK決戰,選出最後5強進入決賽,而 #Jasmine #任暟晴 同 #Sabrina #趙紫諾 呢日都話,最唔想會喺PK賽撞到有強勁實力嘅XiX喎。 早前佢哋同元祖《聲夢》學員一齊拍攝合唱歌《Hat Trick》嘅MV,不過有人就發現少咗Sabrina嘅身影,仲有佢退賽嘅傳言,呢日有大魔王之稱嘅佢,就親自解釋原因何在喇。 至於 #Janees #黃洛妍 早前喺比賽嘅表現驚為天人,仲被內地觀眾改名尊稱為黃老師,呢日佢就話非常感謝大家嘅支持喇。而 #Pamela #趙小婷 就大讚Janees 平易近人唔係惡嘅老師嚟呀。 男子組方面呢日即席拗手瓜,其實佢哋私下不知幾老友 #Duncan #侯雋熙 #Sean #文佐匡 就話大家一直都互相支持, #Zayden #彭家賢 仲話會大家互相討論,連出賽作品都會互相商量,非常團結呀。 #聲夢傳奇2 #十強 #XiX #任暟晴 #趙紫諾 #黃洛妍 #趙小婷 #侯雋熙 #文佐匡 #彭家賢