72
19
2
Telephone
23880798
Opening Hours
Today
08:00 - 22:00
Mon - Sun
08:00 - 22:00
Public Holiday
08:00 - 22:00
Public Holiday Eve
08:00 - 22:00
Above information is for reference only. Please check details with the restaurant.
Recommended Dishes
一早就聽過唔少人讚老馮茶居,全港有幾間分店,每間分店都幾高評價。一間高人氣,又經濟嘅小店,其實我一早已經想嚟試😅。星期五晚7點嚟到大埔分店,好好彩唔駛等位可以直入,雖然門口寫住限時60分鐘,不過當晚即使我地已經過哂鐘,都無人要求我地離座🙊。我個人覺得一定要食嘅:蝦餃 $33呢個有驚喜,內有兩隻彈牙蝦,而且有蝦味,又無乜肥豬肉,真材實料😋。沙嗲金錢肚 $27金錢肚個色比其他茶樓淺色D,炆到又淋又入味,食完再點多一盤。😏燒賣皇 $28呢個燒賣都幾驚喜,入面有1隻大蝦,而且豬肥膏又唔多。五柳炸雲吞 $30又一驚喜之作,雲吞皮脆卜卜就緊架啦,最估唔到個蝦肉餡大大舊!! 😯點埋個甜酸汁,無得輸!!🤤金沙腸 $32一層薄腸粉包住炸網蝦,外滑內脆,一定要食!!牛柏葉 $28味道正常,牛柏葉爽口。可以食:XO炒蘿蔔糕 $28呢個外表望落平平無奇,但內心好熱血!! 我個口比佢熱到甩左層皮😂!! 味道正常,調味適中,炒得夠均勻。馬拉糕 $18呢個馬拉糕好有空氣感,甜度適中,唔係好油,所以食落比較乾身。黑椒牛仔骨飯 $48呢個飯雖然係全餐最貴嘅單品,不過份量唔少,牛仔骨係其他餐廳嘅兩倍。飯蒸得夠乾身,粒粒分明,不過吸收唔到牛香,我估食番肥少少嘅排骨飯會好D。個人唔中意嘅:金牌炸芋角 $18一客得兩件,其實唔平,但而家好少酒樓做呢款炸物,芋頭愛好者嘅我滿心期待。可惜,雖然有芋香,但芋泥比例少,豬肉較多,內夾雜豬軟骨,我唔by呢個口感,而且偏鹹,唔好味。🤢招牌牛腩腸粉 $38本身以為係腸粉夾牛腩,點知原來係腸粉淋上牛腩🙉,所以腸粉還腸粉味,牛腩還牛腩,無朋友做。腸粉好滑,好似食緊超寬身嘅河粉。流沙芋泥包 $23我妹好中意食呢款包,每次都會點佢。可能因為我拎果隻包已經穿左,所以完全唔流沙,而且芋餡亦偏少,無乜芋味,失望😥。咖喱魷魚 $28魷魚雖彈,但個咖喱汁太甜,我唔中意。貪心嘅我初初見到餐牌得兩版仲以為無乜野揀,但原來揀揀下已經叫左18個點心,我地四個都食到好飽🤣呢度嘅點心全部都熱辣辣好加分😍 (我真係好耐無食過咁熱嘅點心),無加一,共消費$521,以呢個價錢,食到咁高質嘅點心,真心抵。
continue reading
如果你係繁忙時間黎到,就要有心理準備可能要等返下了,做人最緊要有良心,有得良心啲野食自然有啲保證,唔同其他黑心餐廳茶樓咁環境上細細間,少少迫,但係裝修絕對冇求其,入到去就好似返左舊公共屋邨既氣氛,一堆一堆人交頭接耳唔再係望住自己電話,大家飲啖茶食個包有講有笑,呢種感覺先係飲茶既感覺,當然你要求好舒服要高級餐廳咁就唔會有啦食物方面基本上所有我都食過,質素係水準之上,每樣都好好,奶黃包熱辣辣真係會流心,馬拉糕鬆軟口感依感,鳳爪入味,可以啜啜啜,牛柏葉爽口索索聲
continue reading
好耐冇去過食 終於考完試可以周圍去玩去食 😂😂飲茶就唔一一介紹啦 單放係最後俾大家參考講下幾樣我鍾意嘅先😎不過水準差左🥲🥲牛肉球飲茶必叫😎冇其他地方個啲咁多肥油大大粒又圓 不過冇咩味😫牛肉腸🤔我都好like 入面餡好多不過好似細條左?😳😳入面冇芫荽😍😍😂😂不過牛味就唔重可接受 少失望 不過唔肥就得啦😂😂鳳爪🤔反而今次係咁多樣野食比較好味多汁又有肉 易食到!😎黑椒牛仔骨😑哇 希望講完唔會俾人blacklist 🌚🌚🌚明顯地黑椒遮唔新鮮嘅味好唔得🌚🌚嗯 薑汁燉鮮奶 嗯 $20 應該係少?🌚味道正常嘅 冇咩姜味😂好啦 我都會照嚟食 起碼好過大酒樓嘅😂😂
continue reading
今日星期日,下午3點左右, 我就第一次來老馮茶居,門口大概等位要需時10至15分鐘。入到去裝修環境未算太好,廚房衛生環境有點差。座位比較狹窄,坐得唔算太舒服。不過嘢食嚟嘅速度大概都要15分鐘左右,可能係即叫即蒸嘅關係。鵪鶉蛋燒賣成粒都無味,我都唔知自己食緊啲咩鮮蝦腐皮卷味道OK,皮夠趣博博,大蝦肉較少蝦餃入邊冇馬蹄同無荀,扣晒分,冇蝦肉味,都係唔知自己食緊咩四寶雞扎冬菇冇冬菇味成舊都係冇味呀,舊雞仲要有骨嘅,我真係第一次試,真係唔好意思,扣分蝦醬蒸腩仔飯呢個係今餐最好食嘅嘢啦,飯粒粒分明,終於有豬肉味,唯一推介就係呢個飯我想講
continue reading
之前都有食開,以為人多伙記照顧唔到所有客人,態度麻麻唔緊要。點知有日叫外賣時,剛拎起餐牌男伙記已經呼呼喝喝,好惡,同時前枱同我哋講緊野,話要30分鐘,唔夠20 秒,我哋想係counter 落單時,男伙記佢叫我地出去等,仲話要40 分鐘至有,要唔要就罷既態度, 仲話都唔知你哋想點。 20 秒都冇,我哋已經決定唔落單。
continue reading