老馮茶居 (荃灣千色匯)

營業中

休息中

前日(17-7-2022 Sun)朝同老公買餸食早餐,由於我想飲茶,於是走嚟,嚟到時只係10:15am都已經有人等位,我攞咗飛先等,等咗15分鐘至有位,係一張喺收返食具櫃隔離嘅位,個女仔問介唔介意,老公話唔介意.好啦,我哋快啲睇有咩點心先啦,最後決定要:1. $27.00嘅沙嗲豬大腸味道好夠又唔會太辣,豬大腸夠腍身,唔錯.味道:4.8分2. $28.00嘅薑蔥牛柏葉味道對版,牛柏葉正常嘅爽口.味道:4分3.$23.00 嘅蠔皇鮮竹卷略為細件咗啲,內裡係豬肉同蝦仁,味道較清淡.味道:4分4. $33.00嘅黑椒牛仔骨夠入味,牛仔骨夠腍,都係唔錯.味道:4分5. $28.00嘅鵪鶉蛋燒賣正常冇問題,味道亦係清淡.味道:3分6. $20.00嘅香煎蘿蔔糕都有煎脆,蘿蔔糕唔會太散,OK.味道:3.8分7. $32.00嘅老馮金沙米皇腸呢個好耐至到,佢係腸粉包住脆米網,脆米網內有卷住蝦仁,爽口蝦仁份量唔少,一次過食到三個口感,都食到少少鹹蛋黃香,唔錯嘅.味道:5分服務:入去攞飛先,個亞姐問我人齊未?我答齊.但其實喺呢個時間問人齊未有咩作用?係咪人齊就可以即打尖?又唔係,叫到個No.至問都未遲.我

環境極度擠迫，枱與枱之間太迫，唔好講咩懷舊，連咩feel都無，只想快啲走，未坐低，店員已吹著問要開咩茶，坐位近個大垃圾桶都可以俾客坐，隔離位個客仲慘，明明人哋唔飲茶，飲奶茶，都要夾硬俾一壺水人哋，想收人茶錢，要開口叫佢收返壺水先得，都幾搞笑，其實食物都好食，但做到咁，下次真係唔會再幫襯

曾經去過大埔店，見市區都有分店當然要再去幫襯下，下午二點等候人龍依然長長，用餐時間限時一小時，真的要密密口先食得切。 蟹籽燒賣皇 $28 咖哩蒸魷魚 $28魷魚一啲都唔韌，咖哩汁味道濃郁，仲有豆卜吸盡精華。 正宗潮州粉果 $20 金牌炸芋角 $18一碟兩件，外皮酥脆包住滿滿芋蓉。鮮蝦腐皮卷 $26腐皮炸到脆卜卜唔會韌，內有蝦膠同蝦肉，但食完有少許油膩感。 古法千層糕 $26新鮮蒸出很鬆軟，蒸糕與蛋黃餡料一層層分間著，濃郁蛋黃味。 薑汁桂圓紅棗糕 $20薑味濃，很Q彈，個人覺得不算太甜，趁熱辣辣上枱時食用最佳。整體食物質素不錯，可惜炎炎夏日要露天等位較辛苦，為食好西真的要付出一下。

懷舊茶居  |  唔係食味道，係食懷舊🇭🇰感情環境🫖去之前預咗要排隊排差唔多半個鐘/以上，因為茶居嘅舖位比較細，唔係好多枱，所以坐落一定會比較迫少少，但係就係鍾意幫襯良心小店，因為用料一定係好，童叟無欺❤️鵪鶉蛋燒賣🥚食到一半先記得要影😂 而家香港買少見少，蝦膠同豬肉嘅比例做得好，咬落有少少彈牙，連埋鵪鶉蛋，童年回憶即刻翻返嚟芋頭流沙包 因為叫到一枱點心，食到好後先開始食呢個流沙包，佢凍咗都可以照流沙到，好波芋頭味濃，如果鍾意食芋頭包嘅可以一試~牛肉球有少少肥肉喺入邊，牛肉味重，食落比其他酒樓有口感彈牙，師傅可能打牛肉打到起膠，真心推介盅頭飯 (鳳爪排骨飯) 🍚啲飯可能蒸得太耐，有啲爛不過好彩有我最鍾意嘅鳳爪同排骨補救返🥰

老馮茶居嘅裝修用咗六七十年代懷舊香港風🇭🇰入面嘅環境用咗好多心思佈置好適合打卡📸特別在呢度除咗唐茶都有西茶而且茶芥只需$5😲除咗常見點心仲有自家fusion特色點心🌟👼🏻老馮金沙米皇腸 $32材料同外觀上都有啲似炸兩😯不過腸粉入邊變咗包住一條鮮蝦春卷腸粉食落嫩滑加埋內層嘅炸衣中間仲有彈牙嘅蝦肉🍤食落層次感同驚喜都十足！🤩 👅味道:8.5/10🙋🏻‍♂️推薦:8.5/10🌟👼🏻蝦醬蒸腩仔飯🍚 $38蒸飯用咗傳統嘅砵仔去蒸賣相睇落好似平平無奇但飯粒粒粒分明而且蝦醬整到好入味😚加上半肥瘦腩仔肉嘅油脂食落足滿鹹香超級香口加埋飯咁食啖啖勁滿足🫄🏻👅味道:8/10🙋🏻‍♂️推薦:8/10🌟👼🏻鮮蝦腐皮卷🦐 $26外層嘅腐皮卷唔會太厚而且夠脆口配上入面爽口彈牙嘅嘅鮮蝦🍤再加埋酸甜汁好惹味😋👅味道:8/10🙋🏻‍♂️推薦:8.5/10🌟👼🏻流沙芋泥包🥯 $20食流心包最重要係趁熱食！🔥未咬開已經聞到淡淡芋頭香味咬落軟熟而且包嘅甜度岩岩好😙食落啖啖都有好香濃芋頭味可能因為加左芋頭蓉同芋頭粒入面嘅芋泥醬相對無平時嘅咁流心🧐👅味道:7.5/10🙋🏻‍♂️推薦:7.5/10👼🏻鵪鶉蛋燒賣皇 $28呢款懷舊點心真係買少

食物質素一般,員工招呼態度一般,茶居內有位亦不叫客人進入,客人在酷熱天氣企喺個街度等,多位客人入內詢問仍要企喺街等,咁嘅招呼態度就算食物質素再好都只會幫襯一次,款式少味道一般

老馮茶居🫖🥢……….好耐無去飲茶食點心！呢間點心店嘅所有東西都充滿住香港特色懷舊風嘅設計，包括餐廳內外設計同餐具都係！星期日中上午去到都要排隊等下先walk-in 到去食，食到無耐仲愈來愈多人等，外賣order又多到做無停㗎！呢度嘅點心大份足料，食材新鮮，食過啲點心都覺要推薦呀😚……….🫖普洱茶 $10 (每位)🥢金牌炸芋角 $18🦐鮮蝦腐皮卷 $26🐣鵪鶉蛋燒賣皇 $28 🍚窩蛋牛肉飯 $35 🥟老馮鮮蝦餃 $33總結: 老馮茶居嘅點心大件，新鮮，足料！蝦餃同鵪鶉蛋燒賣皇入面有好大隻嘅蝦，有口感和味道之餘，仲食得好滿足。炸物炸到金黃色而且香脆，不會有過份油膩感。窩蛋牛肉飯嘅飯粒粒分明，將生雞蛋混合醬油，牛肉和飯，令到成個飯更美味多汁，下次都想再去試下食其他點心😋……….💰人均 $75/per person (2人)

老豆話要飲茶，咁我就帶佢同阿媽去咗間裝修模仿番六七十年代屋村大排檔嘅食店。我哋星期六下晝去食，去到要排隊等六張枱。我哋3人被安排坐在路中間一間細枱，張枱比較貼其中一張卡位，人哋出入要譲🤨，上食物又要讓🙄，仲要讓埋俾佢上食物同收碗碟😤⋯ 枱好矮，食完餐茶腰骨好攰😫食物款式唔係好多，味道正常。我哋嗌咗六個點心：-金沙米皇腸 （炸米網包住蝦肉春卷，幾香脆）-牛仔骨-蝦餃-鮮蝦腐皮卷-蜆芥鯪魚球（香口彈牙，點埋個蜆芥汁鹹鹹地好惹味）-鳳爪佢有限時1小時用餐。埋單$190老馮茶居 (荃灣千色匯) (荃灣)荃灣眾安街68號荃灣千色匯ll期地下G30-G33號舖

朝早8點幾去食，已經滿座，等位等咗十分鐘。4個人叫咗十幾樣點心，全部上嚟都熱辣辣，即叫即蒸嚟講等得唔算耐。環境裝修幾有心機，地方唔大，除咗卡位，其他位都唔算闊落。食物方面每樣都合格，而且有咖哩魷魚，依家唔係到到有。茶就麻麻哋，好多茶葉碎。

之前去元朗總店已經想幫襯，但大排長龍。今日經過荃灣分店有位，一於支持吓。第一輪先叫5款蟹子燒賣皇（$28），大粒，豬肉蝦肉都好彈牙，好味道。另外辣油都唔錯。金牌炸芋角（$18），外層鬆脆，裡面芋蓉有肉碎，味道很好。雖然係熱的，但食得出係炸完一段時間，因為有回油嘅味道，可惜（唔係即炸，因為落單後唔使一分鐘就上枱）。如果係即炸，一定好味好多。老馮流沙芋泥包（$20），熱辣辣（小心辣咀），流沙芋泥超香濃，甜味適中，好味道。古法千層糕（$26），鬆軟，中間有蛋黃、奶皇、椰絲，味道可以。八珍糯米雞（$28），大隻，餡料有雞翼、臘腸、蛋黃、肉碎，糯米唔會濕淋淋，味道可以。食完再加單叫多4款鮮蝦腐皮卷（$26），外層腐皮堅食到腐皮味，內裡蝦膠蝦肉彈牙，但又係可惜比較油。蔥花蝦米腸（$20），滑，勁多蔥，蝦米亦不少，好味道。豉汁蒸鳳爪（$23），味道正常，另外有2舊索哂豉汁味嘅麵筋。正宗潮州粉果（$20），味道可以，但餡料得沙葛、花生、肉碎，可惜韭菜較少同無咗蝦米，係差咗丁丁。PS：$5@茶錢，免加一。

人手：算是過多，但完全唔知做咩，行來行去，有吉枱又唔安排人入去，門口沒有蓋，落雨老人家等位，入左去幾次，話俾佢聽有七位俾我入咗先得唔得，佢又要返嚟出門口等，都唔知等乜，樓面起碼四至五個，吉枱已經執乾淨，係都冇人安排。坐低之後，又係自生自滅，冇人開茶，但係你有收茶芥囉。蝦餃：正常，不過不失，唔太大粒，個辣椒油就好正。千層糕：3小舊，硬的，份量少。咖喱魷魚：最好味，厚肉。炸芋角：外皮凍，內少少暖，咸到呢！一路食一路要吐骨，老人家小朋友要小心。

老馮茶居第一次食是在大埔，食完咁懷舊風既茶樓，先知荃灣間咖啡灣執左轉手開左老馮茶居既第三間分店。鍾意飲茶既我就梗係唔放過啦，結果等左成個鐘先入到去，可能系放lunch，我見好多OL姐姐都排隊等位⋯開系尼度都幾好，鄰近千色店，等得耐可以入去千色店行下。揀左幾款食完會翻食既點心俾大家⋯ ⦁老馮金沙米皇腸 $32用滑嘟嘟既腸粉皮包裹住炸左既米網春卷。內脆外軟既口感好豐富，仲要包系最入既鮮蝦好彈牙爽口。 ⦁ 老馮流沙芋泥包 $20一籠先得兩個，仲要新鮮熱辣，輕輕一搣濃濃既芋泥流沙慢慢流出來，除左流沙，入面仲會有好細粒既芋頭粒。比起平時既流沙奶黃包口感仲豐富。 ⦁ 鵪鶉蛋燒賣皇 $28其實尼個同有d酒樓既鵪鶉蛋燒賣差唔多，不過食加好少酒樓仲會有，見到尼間有就一定會嗌。回憶感滿滿⋯ ⦁咖喱蒸魷魚 $26魷魚配上濃濃的咖喱香，入味之餘又唔辣，加上大大件得黎又彈牙。 ⦁豉汁蒸鳳爪 $23果豉汁好香好濃，鳳爪完全入晒味，肉質爽得黎唔難咬。 總結一下，每枱有90分鐘時間，出餐都快既，15分鐘內基本上到齊晒。食物質素尚算唔錯，大大份之餘又好味，價錢又唔算太貴。除左排隊等位，基本上冇野可以挑剔。

本身兩個人嚟飲早茶，入座時係安排咗四人座位，但係洗完碗碟之後突然放咗個透明夾板上張枱，話繁忙時間會分開比多兩個人坐，張枱本身都唔大仲要再分一半啲嘢食完全放唔到，全部向上咁樣搭，重點係間鋪其他所有兩個人坐嘅四人枱都唔需要搭枱，淨係我哋啲枱需要搭，我估原因係我哋都係後生，之後嚟嗰兩個搭枱嘅又係後生女好蝦啲？要搭枱又唔一早講，洗晒啲碗飲緊茶先來話要搭枱，如果早啲講我會轉第二間！同埋冷氣都唔係好夠，見有啲位置明明放唔到咁多張枱格硬寒啲枱入去，所以見到其他位置有啲食客入去個座位同離開個座位都要店員幫手將成張枱推出嚟先走到，真係大開眼界。食物質素正常，價錢都唔貴，但呢個環境唔會再嚟第二次！

有日想食點心, 買左外賣番屋企食本身想叫流沙奶黃包 不過呢間無叫左流沙芋頭包 我想講癲復我既印像流沙芋頭包係勁勁勁好食!!!有佢 就可以唔食流沙奶黃包!!!其他野食都好好食XO羅白糕 好惹味唯一唔好食既係 牛腩腸粉牛腩同腸粉兩樣都係分開 一D都唔夾

上次去完元朗食，可以話係一試難忘🥹 但今次嚟荃灣食真係有啲失望🫣 唔怪得之我住荃灣嗰Fd話好普通😫 係我眼中必叫嘅老馮金沙米皇腸$32居然賣晒‼️已經大打折扣😫 因為呢嗰係我係元朗同大埔分店都覺得好高水準嘅一樣🤭入面包住蝦肉春卷，入面仲脆架‼️ 但我無得食🥹如果呢間值得一讚嘅係金牌炸芋角($18)，其他都好普通😫 但值得一彈嘅係薑汁桂圓紅棗糕($20)，無乜味😅 凍鴛鴦好難飲😅 XO醬蘿蔔糕炸得未夠時候，XO醬又少🥴 因為冇金沙腸，所以叫咗叉燒腸，但係今次連腸粉我都覺得唔好食，個皮太厚😫#老馮茶居 #荃灣 #點心 #炸芋角 #XO醬 #蘿蔔糕 #叉燒腸 #紅棗糕 #凍鴛鴦 #係元朗食真係好高質架 #果次仲等咗成一個鐘 #今次夜晚嚟荃灣 #唔使等 #裝修真係幾好嘅 #但食物質素差咗啲 #淨係靠宣傳唔係好得掂 #希望可以改善下