老馮茶居 (海寶花園)

營業中

休息中

3:00去老馮茶居飲茶茶界每位$5雞叉燒包幾好食唔會癡牙 但係個蠔油汁比較濃味 但係大大件夠飽肚芋頭留心包味道唔錯10幾蚊有三件仲熱辣辣入邊嘅芋頭泥 好香甜做甜點係唔錯嘅燒賣充滿豬肉同蝦肉但係食落唔會好肥膩 Size好似$5雞咁大粒紮實飽滿XO醬煎蘿蔔糕 粒粒都上咗粉 香口得來外脆內軟 每一粒都沾上XO蝦米味道濃郁糯米雞大大件入面有臘腸半條同埋雞中翼鮮竹卷濕濕地吸曬蠔油汁 用料實在充滿芋角外層酥脆但係入面有鹼水味 味道一般鹹水角煙煙人人外脆內軟 入邊嘅肉粒適中 可以encore總結 --地理位置唔錯容易搵-性價比高 所有點心即叫即蒸

呢間茶居既裝修好有懷舊氣息, 好適合打卡留念, 不過因為疫情關係間曬啲板, 所影出黎就冇咁靚🙈 講返食物, 佢既選擇都算多, 而且有啲都係酒樓比較難搵到既傳統點心都有👍🏽 我地坐左咁耐啲客人都冇停過出入, 所以基本上都係限時一個鐘用餐同埋因為所有野都係即叫即蒸, 所以唔可以加單, 想食咩就一次過揀曬佢喇📝 我地揀左大概13款點心同蒸飯, 每款都比想像中大份同埋都係偏高質💯 當中我最鐘意係外脆內軟, 超香鯪魚味既蜆蚧鯪魚球🐟 咖哩汁超濃郁既咖哩蒸魷魚🦑 香濃芋頭味同埋超級流心既流沙芋泥包🍞 同埋好彈牙同埋好香薑味既薑汁桂圓紅棗糕😋 佢啲蒸飯都好大兜同埋個八珍糯米雞既料係超多, 居然有雞翼, 1/4條臘腸同埋大量既嫩滑雞肉, 真係好正🤤 點心大部分都係$20-$30 我個人覺得可接受呢間茶居得兩間分店, 一間係元朗另一間係大埔, 我地今次去既係大埔分店, 已經係晏就差唔多2:30去到都要等起碼半個鐘位, 走果陣都有啲人係度等緊位, 可見佢既受歡迎程度係超高🤳🏽 食物既質素係超高, 絕對唔會令你失望, 而且佢既茶芥只係$5位咋, 真係好平👍🏽

見朋友成日去一定有啲料，疫情小啲人排隊就去試吓！不過都等左15分鐘蝦餃最好係一啖一隻爽脆鮮甜👍🏻芋頭飽好香！如果個皮發酵得好小小軟小小就完美🧐蝦醬腩肉飯肥咗少少！敗筆個姐姐落太多豉油，根本已經夠晒味👍🏻豉油真係唔好亂加潮州粉果皮薄餡靚👍🏻灌湯餃湯甜夠料皮又薄🥰全部即叫即蒸好過添好運👍🏻不過燉奶就真係唔好响呢度食，又唔滑又太甜😅沙茶魷魚鬚好夠味👍🏻👍🏻最後仲買多份外賣走添😊

星期日同屋企人行完山之後就喺大埔搵嘢食😜意外發現呢間喺元朗都有分店嘅老馮茶居， 年幾前同男朋友幫襯過元朗嗰間印象都不錯👍一直記錯左有帶過阿爸阿媽去元朗嗰間食點知原來係冇既😂😂 所以今次就一齊去試下😎一入到去係置身於懷舊嘅設計當中， 阿爸阿媽就覺得好新奇有趣✨坐低冇耐就係咁指住牆上嘅裝飾同我哋分享細個時候嘅經歷， 所以同老人家一齊嚟食都幾好， 又多個話題可以傾下♥至於嘢食方面大致上都好滿意😜 因為本身已經喺大埔掃咗陣街，所以總共只係嗌咗八樣野食。老馮金沙米皇腸 $30 （翻撻指數：😻😻😻😻😻）阿爸阿媽一致推介老馮金沙米皇腸最好食😙 腸粉裡面有一層脆皮包住啲鮮蝦，連埋本身已經混左花生醬既豉油，口感豐富之餘又唔會覺得格格不入， 同埋腸粉皮夠滑，蝦亦大大粒的😎不過真係要挑剔的話略嫌腸粉皮偏厚， 但係我地一致都認為係頭三位最好食既魷香肉餅飯 $35 （翻撻指數：😻😻😻😻）阿妹就最推薦個魷香肉餅飯因為cp值最高😛35蚊大大碗，重點係冇阿妹好討厭嘅馬蹄喺入面， 個肉餅蒸到啱啱好完全唔鞋，啲飯粒就夠硬身沙爹豬大腸&沙嗲金錢肚 $23 （翻撻指數：😻😻😻😻）至於自己就最鍾意沙爹豬大腸同埋沙嗲金錢肚，因為

好耐之前入元朗探親戚，佢介紹附近一間老馮茶居好食，原來佢而家開埋喺大埔，終於有機會去食啦。疫情期間，店內都做足防疫措施，座位用甲板分開晒，都好安全。餐具係用傳統嘅鬥雞碗，好懷舊啊。我哋點左普洱茶，查咩都信囉，不過唔算非常香，不過不失啦。點心方面我哋叫咗叉燒包，餡料都算豐富，而且熱辣辣上枱，幾好食。咖喱魷魚推介，份量都算大包，咖喱味少少辣，非常香濃，魷魚飯啊爽口，底下仲有少少豆卜，吸晒啲汁好正。蝦餃都唔錯，蝦肉大大隻，皮唔算好薄不過亦都唔厚月，通常質素。不過鹹水角就有啲失望，因為上枱嘅時候已經凍凍地，餡料亦唔算豐富，再加上唔夠熱，唔係咁好食。可能因為午市時間多人關係啦，會再俾多次機會佢，整體而言都幾好食，而且裝修好懷舊，不過仲有進步空間，加油！

臘腸滑雞飯 $35雞夠滑，岩岩好，臘腸香，砵仔飯，冇飯焦，可以加少少豬油，但整過唔錯。鮮蝦腐皮卷 $26脆，蝦足料，新鮮炸起，唔係千年油感覺，點喼汁，岩岩好。古法牛肉球 $22新鮮軟滑牛肉球，唔系成日食到，傳統既味道，好食！香煎蘿蔔糕 $18粉同蘿蔔既比例唔錯，食到蘿蔔粒又唔會一夾就散。正宗潮州粉果 $20足料有花生，正常味道，皮既厚道岩岩好，入面既調味可以再重少少。。新鮮而又高質點心，唔係度度食到，好多地方包括酒樓都會有少少雪藏味道。所以值一試！

#黃藍是政見好食是良知 #黃藍是政見黑白是良知<懷舊裝修點心店>老馮茶居 以6,70 年代香港做主題 牆身充滿住懷舊氣息 好似錢莊 舊式士多 廣告 冰室招牌等 不過 太多人食 影埋 d食客唔太好 所以淨係影食物😂難得點心鋪仲要係黃店 點都要支持下既🍴招牌混醬腸粉 20 蚊😁腸粉 用豉油汁墊底 腸粉皮雖然未有布拉腸粉既級別 但都算爽滑 混醬食落感覺帶 d甜醬辣醬 麻油等等 都幾惹味🌶️ 唔錯🍴咖哩蒸魷魚 23 蚊🦑個咖哩汁甜多過辣 成個醬汁唔太黏稠 個人覺得醬汁濃 d正 d ,.魷魚足料彈牙爽口 口感唔錯👍🏻🍴古法牛肉球22 蚊🐂底層既腐皮幾吸汁 生抽入味 牛肉球都算幾彈牙 濃度正常 有少量芫茜馬蹄 增加口感 唔錯🍴蟹子燒賣皇 28 蚊🦐🔥蝦肉落足料 有爽口冬菇 用爽滑既雲吞皮包住 口感唔錯 入面既豬肉應該 少肥肉 幾有口感🐖🍴老馮鮮蝦餃 30 蚊🥟🦐,蝦餃大粒餃皮厚度適中夠爽 入面蝦肉彈牙大隻 加埋竹筍既爽口 好味 推介😁🍴頭湯頂級灌湯餃 36 蚊🥟個灌湯餃外面餃皮包得唔錯 仲有個吸汁竹笙點綴 不過餃皮口感普通 唔夠爽滑 湯個濃度適中 大菜木耳蝦乾都落足料 正常

老馮茶居老馮鮮蝦餃咖哩蒸魷魚薑蔥牛柏葉古法叉燒包價錢💲: $30/ $23/ $23/ $18好味程度😋: 4/5服務🍴: 3.6/5環境🗾: 3.8/5性價比🥢: 4.5/5回頭率😚: 4.2/5-黃店點心唔係周圍有，係大埔就搵到間啦🤗 環境都很舊式香港咁，好有風味🤩 見佢價錢抵食，原來質素都幾好。入面仲坐滿晒架😛 我地就試左幾款，主力同大家介紹4款！-飲茶點少得蝦餃！蝦餃中size，皮都唔係話好薄，但適中，咬落去唔會覺得好厚粉😋入面啲蝦肉彈牙爽口，加埋小小荀，好夠正宗🤓叉燒包就係大個的，有2個。佢都係好傳統味，個餡好多，一mit開就爆晒出來😈 叉燒幾多，加埋個叉燒醬配上個白包，熱辣辣食，正呀😆-另外就係咖哩🦑同薑蔥牛柏葉！2樣份量都好多，見到真係好滿😙 2樣都好夠味，索晒汁！個汁又惹味，唔怕腥🥳魷魚好大塊，牛柏葉細細舊好易咬。除左呢幾款，其實我都食左蝦春卷同芒果布甸，2樣都唔錯架🤪咁的價錢冇挑剔了😏

老馮茶居的裝修佈置令你恍如置身於六十年代老香港一樣，將整個屋邨場境搭建出來，有醬油店、雜貨店、士多、錢莊(收銀處)等等。⁣⁣招牌混醬腸粉 $20⁣腸粉滑，重點係個醬，絕對不是普通將芝麻醬、甜醬、辣醬溝埋一齊既混醬 ，呢款係老馮自家制既一種混醬，鹹鹹地有辣辣地咁，非常好味。⁣⁣流沙芋泥包 $23⁣熱辣辣，鬆軟可口，好香芋泥味。⁣⁣鮮蝦腐皮卷 $26⁣香脆美味，鮮蝦彈牙。⁣⁣薑汁桂圓紅棗糕 $20⁣薑味濃郁，似千層糕一層一層。⁣⁣蝦醬蒸腩仔飯 $38⁣每口腩仔都有濃烈蝦醬味又不會太鹹，白飯一粒一粒乾身不淋。⁣⁣沙嗲豬大腸 $23⁣豬大腸夠軟，沙嗲味十足。⁣⁣老馮鮮蝦餃 $30⁣蝦肉爽甜彈牙，餃皮薄。⁣⁣潮州粉果 $20⁣材料十足，味道正常。⁣⁣老馮茶居 (大埔)⁣大埔安慈路1號海寶花園14號地舖⁣星期一至日 08:00-23:00⁣⁣老馮茶居 (元朗)⁣元朗大棠路66號地舖⁣星期一至日 08:00-23:00⁣

趁住今日休息，和媽咪二人逛下街，當然唔少得陪佢飲茶。而家除咗連鎖集團嘅酒樓，另外仲有好多點心專門店。全部點心，即叫即蒸👍價錢由$20起豉汁蒸鳯爪、沙嗲金錢肚、四寶雞扎、蟹籽燒賣皇、潮州粉果、老馮鮮蝦餃、流沙芋泥包、樣樣都好好味又唔會過咸。特別推介流沙包，紫色外皮，趁熱撕開，內饀軟滑，充滿香芋和椰奶味。粉果皮薄，包著用沙葛韮菜及花生作饀料的，咬落爽口。燒賣皇粒粒健碩，蝦和肉是黃金比例的八比二，啖啖蝦肉滋味無窮。今次媽媽都覺得滿意，仲話下次飲茶嚟呢度就得😄

好耐都冇同過屋企人飲茶，因為唔想去酒樓就黎左呢間黃店！呢到裝修好有懷舊風味，價錢都算平😆————————🔸點心 $224除返開每人都係$75到，好抵食🤓點心質素都唔錯，應該係即叫即蒸，送到黎個到超熱！仲要係黃店，一定會再黎飲茶🥰-我最鍾意食係個雞札，好大舊！食落好juicy，超好味😍😍不過舊雞就有d老😢😢如果可以嫩d就好啦！不過都係好好食🥰🥰評分：🌕🌕🌕🌕🌑————————

有為香港人打氣嘅小黃店💛佢呢度個裝修真係勁有舊式嗰啲茶居風味 同埋出乎意料地佢啲嘢食都幾好食 除左啲包點麻麻地之外🤭😍😍·咖喱蒸魷魚 沙嗲金錢肚 薑蔥牛柏葉$23豉汁蒸鳳爪$20·呢幾個全部都超級好食😋食材好新鮮 全部口感都好好 夠濃味得黎超掛汁 而且佢係真係即嗌即蒸 要等耐少少 但係上檯係真係熱辣辣 超正🤤🤤佢係連下面伴碟個啲豆腐卜都全部索曬汁 勁入味😍😍😍·魷魚肉餅飯 $35呢個又係極力推介 佢係超大個 個肉餅係完全鋪滿曬個籠仔 而且個肉餅做得好好 口感好正 仲要魷魚份量都幾多 所以食落好有咸香味🦑不過因為我同屋企人食 呢個遲啲上 所以無影到相😭😭·蔥花蝦米腸 $20老馮鯪魚球 $23金牌叉燒包 $18·佢個腸粉都幾滑既 而且都幾多蝦米🦐之後個鯪魚球我地本身以為係煎個種 點知佢係蒸既 所以食落無咁香口 但係都OK既🐟個叉燒包就差少少啦 佢個餡比較乾身少少 個包都唔係好夠熱 食落口感比較實 唔係太鬆軟 都係其他點心好食啲🙊🙊🤣·#rbyeat#rby港式#rby小黃店#rby大埔 #rby元朗·📍大埔安慈路1號海寶花園14號地舖📍元朗大棠路66號地舖

外出拍完節目，晚上九點幾番到大埔，我們左去一間特色懷舊裝修的茶居，飲下夜茶。見到門面同餐廳裏面都裝修得好靚，就想入去幫親下，門口等位時服務員就已經說叫野食要快，一次過叫無得加單。已經比我地有個不好的印象。食野都快，因為座位有限一小時要交枱，如果想嘆茶就要另外搵地方。可能服務員比較後生，所以都有面色，食服務就不建議幫親，免得一肚氣。講番食物先，整體來說是不錯的。春巻夠熱夠香脆。腸粉夠滑頂級灌湯餃有虾，小帶子，東菇，用料ok,但我覺得淡左一點。窩蛋牛肉飯超好食推介，價錢$35 在咁多食物性價比最高。牛肉球，鯪魚球 不過不失。希望下次再有機會幫親時，服務會好一點，對顧客有些笑容，用心解決客人問題，才是留客之道。如果服務提升番，應該由ok 變好評。

招牌芋角外皮炸得酥脆，入面軟綿綿嘅芋泥有撈埋蝦米幾惹味，仲有至愛鵪鶉蛋燒賣同紅棗桂圓糕，滿足到食點心既慾望，係整體質素唔錯既黃點心。4個人食點心真係岩岩好，多一個都搞唔掂。______________________________🏠 老馮茶居💛📍大埔安慈路1號海寶花園14號地舖💸 $80 per head

好耐沒食點心，選係平日享受一下。雞扎內有豬肚魚肚冬菇雞肉🥰是傳統的做法，叉燒腸粉好滑，蝦餃的餃皮通透蝦大隻沒雪味😀咖哩魷魚好香食落沒有梘水味👍再嚟土魷肉餅飯，肉餅肥瘦適中，摻入乾魷魚的香味，配上特製豉油，美味。滿足又滿意