囍運燒臘餐廳小廚 (已結業)

今日又嚟到旺角開會，見到呢間餐廳有焗豬扒飯就試試佢。lunch time 門口都幾多人食外賣，入面都full。佢可以免費轉意粉，無包野飲，盛為$5x。你見佢個樣都好似正正常常，無錯，佢表果面係OK，但撥開個面，下面全部都係意粉，基本上無配菜咁滯，醬又唔夠，好乾。呢個故事教訓你，食焗豬真係要食返一哥。

其實地點方便，燒味唔差，位置間隔足夠，只是重些江湖味：我指職員😉外型MK些，粗聲粗氣些，但應到你，落到單，又快上枱，你想點先😆我都幾好蒸飯，見午餐有金銀蒜豉汁蒸排骨飯，放棄燒味飯：賣相好得，汁又溝得好，排骨肥瘦剛剛好55蚊有湯有熱飲有圖有真相

我明白圖片只供參考...亦唔抱太大期望，但現實差太遠吧個醬溝左水咁，又冇乜蛋，餡又放得唔多，包提早烘完擺喺度淋哂，見到都唔想食仲喺menu 寫住推介，超伏呀...

見夜晚寫外賣自取9折，附近又無開，得佢有開，叫左個外賣酸菜魚返屋企食，一返到去拆開，個賣相好差，試啖湯，個味奇怪到不得了，衰過譚仔酸辣湯底，又唔酸又唔辣，啲魚又散又碎，夾到夾唔到，都唔知係咪啲頭頭尾尾黎，無一塊魚係完整，魚質唔滑唔嫩口，差都形容唔到，酸菜呢，酸菜魚係無酸菜，有魚腐，芽菜，最慘係仲要貴，80幾蚊，中晒伏，9拆左都仲要81蚊，茶餐廳價，完全唔可以接受，係唔值，唯一係杯檸茶正常，啲飯無問題，但個餸完全唔對路各位小心

今日同朋友黎到旺角行街見肚餓就喺朋友嘅推介下試新嘢就去左呢間茶餐廳食下午茶見到個manual有焗豬 作為焗豬黨嘅我梗係二話不說點個焗豬扒飯黎食焗飯要等耐d是常識吧 等左10分鐘上菜就咁睇 賣相真係唔錯 見到非常足料但係惡夢係食落口先知首先 非常咸然後 炒蛋飯底好乾同好柴其實太多數市面上嘅蕃茄醬都係偏咸通常爬多兩擔飯都可以balance返個味道但佢個醬又咸 個飯又柴兩樣野擺落口真係頂唔順最後食唔晒個飯就埋單跟餐嘅熱檸茶 正常發揮 算係我今次體驗嘅沙漠中一點綠個飯底都可以做到咁差 我真係第一次見個廚嘅手勢真係有咁上下特色但可惜我唔識欣賞 永不翻食

叫外賣，點知個蔥油雞扒雙強飯令本尊岀奇地意外，一塊乾到乾柴烈火嘅雞扒加隻煎蛋，$63蚊，個雞扒又乾又鞋食到攝哂人牙la，又咸到乜咁。大佬你搶都專業少少ya！ 個牛河叫正常少少，啲肉都一般茶記肉，味道以鬆肉粉為主，再配上碎濕濕嘅河粉要用刀叉而用唔到筷子夾嘅地步，可想而知師傅的造詣深厚🤷🏻‍♀️都係果句，無下次，請都唔食！

呢問嘢簡直一肚火，招呼冇我都唔怪你，但夜晚10：00小貓三幾隻都可以同我漏單， 累我白等20分鐘，冷氣又唔夠，最后問個伙記點解咁耐，個伙記睇下部電腦同我講話冇落單喎！咁你仲食唔食，我立即起身走人，永不幫襯。

經過旺角人山人海去咗路邊搵間茶餐廳休息吓順便食個下午茶頂頂肚行入去嘅時候冇為意右手邊係垃圾站入到餐廳冷氣不足坐咗入去5分鐘都已經一路流汗💦當時戴住口罩 😷 都覺得好焗好熱兩個人一人叫咗一份下午茶🫖食物上菜時 我哋除低口罩 隱約聞到一浸叔叔地嘅味道應該係冷氣機或者店舖唔乾淨發出嘅怪味～😅當我哋攞餐具準備起筷🥢枱嘅旁邊係放餐具嘅櫃桶隨手拎起刀叉 🍴 都係有污跡😅😅衛生環境不如理想😅😅😅加埋而家係疫症 大家都比較注重衛生環境睇嚟呢間餐廳都要多加留意👀1）朱古力西多士 $352）XO醬楊州炒飯 $45兩個食品都可以稱為劣食😅😅炒飯粒粒分明 但係乾身到就嚟哽死而且似係餸頭餸尾炒埋一碟上菜時 點旁邊仲有好多飯😅😅有啲得人驚

今天下午相约了朋友在旺角朗豪坊看戲，所以我們約了在朗豪坊門口等，因看戲是朗豪坊，所以最好是朗豪坊商埸吃，因預時間入埸，易就些同不用太趕，第一站，我們行朗豪坊商埸餐廳看看吃甚麼，行了幾圈，我同朋友都不合意，因已下午時間，價錢貴了些，我同朋友想選間便宜些餐廳吃，離開朗豪坊之後，我想了一會朗豪坊下一條街，有一些餐廳，行了一會，揀了這間餐廳，因價錢同環境，我們坐下看了一會餐牌，自己選了肉絲炒麵配凍檸茶，朋友選了日本醬油叉燒炒滑蛋飯，肉絲切得幼细，很有肉香味，麵炸得軟硬適中，很有口感同大碟，试了一口朋友飯，醬油鲜甜，叉燒肥瘦適中

下午茶餐，燒味配粉麵一碗$48，已經不算很便宜，更糟糕的是我從沒吃過那麼難吃的燒味！叉燒完全變味，像是已經放了幾天開始變壞的那種味道！這個價錢我在其他茶餐廳已經可以吃到相當不錯的下午茶餐，但這間簡直是挑戰我的忍耐劣食的極限！我從來沒有試過雖然肚子餓，但也覺得無法忍受劣食，寧願挨餓都不再吃下去！更絕配的是，伙計服務態度特差！問多幾句餐牌就不願意多說多答！完全沒有心向你推薦有什麼招牌菜，像是不想做生意似的！唯一收銀態度還可以！永遠不會再光顧！

今日又係早起去做Gym既日子，十一點出到旺角行過見到呢間餐廳卡位有位即刻入左黎，諗住試下新野，因為平時食早餐都唔係食呢間叫左個五香肉丁公仔麵，炒蛋轉煎蛋配火腿多士，飲凍奶茶多奶另一個叫左XO醬炸菜肉絲米轉公仔麵，配炒蛋火腿多士，飲熱奶茶多奶我覺得啲公仔麵偏淋，如果可以彈牙多少少就好，但好抵讚既係湯底好夠熱，食到最後都係熱辣辣既跟多士係好有誠意既同埋都好食，本來諗住唔食既，食下食下點知食晒但杯奶茶唔係好夠茶味，有好大既進步空間

星期日工人放假，又是早上叫外賣時間。Food Panda每次一些叫pandabox的優惠，三個早餐加外賣費也不用100元，十分抵。食物方面，合格有餘。早餐款式間間都一樣，因此分勝負看細節。第一，咖啡是即磨咖啡，加分；第二，蛋是炒滑蛋，不是＜永興冰室＞早餐那款無味蛋；第三，米粉也是用幼細那種米粉。服務方面也是外賣走餐具那個問題，我每次也在Food Panda這些app註明走餐具，但餐廳都是牛皮燈籠，「點極都唔明」，而且應用程式本身by default也是走餐具的，奈何香港的餐廳都缺乏環保意識。某些地方政府立例禁膠餐具，希望餐廳留心多點客人的環保要求。

今早相約行家係砵蘭街囍運食早餐，以往旺角茶記一般都人山人海，一張檯坐足四人，疫情下舒服得多了，二人一檯食得衞生又安心。📋早餐選擇花款頗多。🍴仿鮑魚片火腿絲通粉先呷一口湯底超濃，通粉軟韌度剛剛好有嚼口，仿鮑汁鮮味。🍴西煎雙蛋烤多士雙蛋煎得有技術，不過略欠蛋味，多士香脆可口。👍☕️熱齋啡即溶咖啡味道還好，勝在熱辣辣。🍴叉燒通粉叉燒肥瘦適中都算淋身。🍴餐肉煎蛋多士厚薄均勻的餐肉香煎過非常惹味。☕️茶走朋友的茶走奶茶，即係花奶改煉奶，呢個唔啱我啲肥人。🤣🤣

Noisy environment and the bad service at all Everytime I go to Cha chaan teng, always ordering roasted chop chop fried rice, cause I do think the taste of the dish can simply tell you how good or bad of the restaurant. The portion of pork chop is a bit less than other restaurant, the taste isnt badOrdered chocolate but the color very light, really not like a chocolate lol, and I asked the waiter, they shouted back lol, in fact, it's not only the outlook, even the taste isnt a chocolate...menu:Se

晚餐不貴，有湯有餐飲，都只是五十多元。點了鐵板黑椒牛柳炒麵。先來蓮藕湯，有數件蓮藕，但鹹極，故沒有嚐盡。鐵板牛柳炒麵，熱辣辣，香噴噴，配料和牛份量足，但是亦感過鹹了。還有熱奶茶，只是一般，不感香濃，也不覺滑流，茶味一般。除了價錢合理和座位不逼外，相信不會選擇這間。反而走前幾步的那間味道更好啊！