羅鈞滿「升呢」做老闆：要親力親為
撰文：吳子生
出版：更新：
羅鈞滿早年因負面新聞影響星途，暗然離開無綫後北上發展，經歷過人生高低起跌，人也變得踏實，最近糖水舖新店開張，榮升做老闆，由揀選食材至整糖水，事事都親力親為。「今次開甜品鋪用咗6位數字，都喺小本經營，開甜品鋪真係學到好多野，因為有朋友係果欄從事二十幾年，為左確保食材新鮮，我都會半夜去果欄幫手學習一下批發同零售，希望可以從上游到下游都出一分力。」
彭健新、吳岱融到場祝賀羅鈞滿新店開幕。（吳子生攝）
其實四五年前羅鈞滿有同幾個朋友已經有開糖水鋪既念頭，不過當時係TVB既工作都好忙，無時間去將佢付諸實行。「今次機緣巧合之下遇上幾位係果欄二十多年既朋友，有開甜品鋪既意思，所以好快就一拍即合。」