影片
港鐵荔枝角站 D1 出口, 港鐵荔枝角站 D2 出口
繼續閱讀
電話號碼
27438055
開飯介紹
主打新派粵菜，透過用料和做法將菜式 upgrade，以會員制經營，客人可以企業或私人會員形式加入，每晚播放不同的Jazz音樂，另外更會在不同日子邀請專業歌手到場演唱。
繼續閱讀
附加資料
大公館推出副線火鍋品牌《大公別館》，於餐廳內劃出特定區域享用火鍋，由行政總廚陳偉庭師傅主理，特別設計了八款各具特色的湯底選擇，如招牌極品佛跳牆湯鍋等。
營業時間
今日營業
11:00 - 15:30
18:00 - 23:00
星期一至五
12:00 - 15:00
18:00 - 23:00
星期六至日
11:00 - 15:30
18:00 - 23:00
公眾假期
11:00 - 15:30
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
又到開心星期四放假喇喂！晏晝先同朋友嘆個靚茶再同老婆大人一齊去剪頭髮扮靚靚。就喺荔枝角做嘢嘅朋友所以約咗喺好食又方便嘅大公館嘆茶。都唔係第一次嚟不過呢道古色古香嘅裝修又真係幾鬼靚，仲有好多好靚嘅擺件地方靚嘢食都會加分啲。朋友未到嘆杯靚茶食住個前菜烤麩等，唔好以為餐前小食好hea啊呢個烤麩好入味口感好得㗎。四個人指手畫腳咁叫咗啲點心一齊食！呢個黃椒醬鱈魚餃好好味，不過如果你同我一樣唔食得辣就千祈唔好食面頭嘅黃椒醬，其實個醬先至係靈魂但係辣度實在唔惹少！我都係交俾老婆大人幫我搞掂佢。跟住呢個金瑤菠菜苗龍蝦餃就溫柔好多喇！煙煙韌韌嘅餃皮入面有爽口彈牙嘅龍蝦仲有滑嘟嘟嘅菠菜苗，有鮮味又有菜嘅甜味呢個餃好食喎。不過呢粒黑魚子流心鵪鶉蛋燒賣仲頂癮！燒賣入面有一粒鵪鶉蛋當然唔係以前茶樓實的的嗰啲啦！咬開之後入面係隻流心嘅鵪鶉蛋，食落去除咗有肉香仲有蛋香，加埋黑魚子嘅鹹香呢粒燒賣真係好鬼和味。我兄弟姊妹多細個飲茶想食灌湯餃好難喇！不過有質素嘅灌湯餃而家都唔係周圍食到，大公館呢個瑤柱冬蓉灌湯餃我係有信心嘅。灌湯餃外皮唔會好厚入面除咗冬瓜蓉仲有好鬼鮮味嘅江瑤柱，加埋個清甜上湯呢個灌湯餃我鍾意喎。嚟呢度梗係要食返個樣可愛到不得了嘅黑毛豬咸水角！鹹水角個皮幾香脆入面嘅餡係用黑毛豬肉，食落嗰朕肉味梗係濃香啲。飲茶食腸粉是常識吧！我哋就叫咗口感豐富啲嘅龍皇脆米腸粉，又薄又滑嘅腸粉皮包住脆米同埋蝦肉，入口先係滑嘟嘟然後又脆卜卜咁好過癮。不過講到今日嘅驚喜肯定係呢條麻辣鴨紅雞絲春卷！諗都冇諗過麻辣鴨紅可以做春卷餡，食落去有小小嘅辣味但又脆卜卜咁，呢個口感同埋味道又真係幾得意喎。最後叫咗兩個甜品點心！呢個係金沙冬蓉手袋酥成個手袋仔咁好鬼cute，酥皮入面原來係鹹蛋黃冬瓜蓉，食落鹹鹹甜甜嘅味道都幾吸引㗎喎。嚟呢度飲茶金箔懷舊芝麻卷係唔可以唔食嘅！入口又爽又滑仲有勁濃嘅芝麻味真係好鬼正。
繼續閱讀
車爸爸每星期得一天假期所以我會安排好節目給他！擁有中國胃的他飲茶絕對是午餐的好選，Quota不多的我們當然要選一間有質素的來幫襯。位於荔枝角的大公館我們也挺喜歡，這天就約了朋友一起來嘆嘆茶。很喜歡大公館的瑰麗中式裝潢，就連餐牌也一絲不苟非常吸引。點好茶後選上大家喜歡的點心！不消一會美美的點心便來到我們檯上，此刻肚仔已經忍不住怪叫了。金瑤菠菜苗龍蝦餃$84綑上金邊賣相美絕！咬下去外皮煙靭內裏滿滿鮮甜味道，加上清新的菠菜苗平衡得非常吸引。這個黃椒醬鱈魚餃$92味道非常合我心意！辣勁十足的黃椒醬配襯香滑的鱈魚帶出鮮上加鮮的味道，可說是我近年品嚐點心當中最為驚喜的味道。黑魚子流心鵪鶉蛋燒賣$92雪白燒賣上綴以黑魚子徒添矜貴！鵪鶉蛋躲在燒賣內弄破後蛋液如湧泉般流出，點心師傅計算蛋黃流心程度很到位超讚，吃下非常有口感嘴巴表示超滿足。從小至大也喜歡吃灌湯餃所以點來瑤柱冬蓉灌湯餃$78回味一番！內裏除了有清香的冬瓜蓉外還有惹味江瑤柱，加上濃郁的上湯這個灌湯餃味道合格有餘。黑毛豬咸水角$88的外層炸得香脆不油內裏則煙韌可口，餡料用上無臊味的黑毛豬肉味特別鮮香誘人。這個麻辣鴨紅雞絲春卷$76太合我口味了吧！香脆的春卷皮內裏包裹著麻辣鴨紅，這溫柔的麻香味道實在叫我回味不已。龍皇脆米腸粉$78面層滑嘟嘟的腸粉好透薄，脆米內藏著彈牙的鮮爽蝦肉入口很有層次。最後我們還點了兩款甜品來慰甜胃！金沙冬蓉手袋酥$76這手袋造型的賣相太討人歡心了吧！外層酥脆不油內裏餡料是甜美的冬瓜蓉，是既熟悉又有新鮮的感覺和味道。最後還有金箔懷舊芝麻卷$64！充滿光澤的芝麻卷口感爽滑芝麻味超香濃，加上金光四射的金箔作點綴賞心悅目又好吃。大公館食材和廚師團隊也非常高質喜歡吃高質點心的朋友可以去試試啊。
繼續閱讀
想於春日享受一場視覺＋味覺沉浸式體驗，今晚黎到大公館同一眾好友品嚐春日菜式🍴由來自米芝蓮三星級餐廳且榮獲多項烹飪賽獎項之行政總廚陳偉庭師傅率領烹飪團隊主理‼️取材全球優質食材，帶來色、香、味多重享受既巧手佳餚，彰顯匠心巧思及手藝，今晚一大班朋友都食得好開心好滿足，值得推介比大家😘💗🥢淮山合桃山渣盒精緻手袋造型原來係山楂片，欣賞師傅心思及手藝！包裹著香滑淮山蓉及濃甜合桃，兩者味道完美融合，香甜味美！🥢鮮花椒慢煮蟶子皇第一次試慢煮蟶子皇，與傳統高溫熱水燙熟之烹調方式有別，估唔到口感係咁嫩滑彈牙！外層有爽甜萵筍，再以竹籤串起，賣相好可愛！菜式特別加入鮮花椒同煮，帶出蟶子皇鮮甜味同時令味道增添點麻辣香，層次更豐富～🥢玫瑰蜜餞燒雲腿有無諗過雲腿配玫瑰蜜餞？味道清香，食落雲腿又夠JUICY，而外層既饅頭皮更是酥脆不油膩，惹味可口，一口咬下雲腿、玫瑰蜜餞香氣四溢，帶來多重滋味～🥢花膠小青柑燉水鴨湯喜愛燉湯既朋友必試呢款花膠小青柑燉水鴨湯！選用新會小青柑，只保留其殼，填入水鴨肉及豬肉，獨特柑香令湯汁充滿豐富果香，飲落啖啖柑香怡人～同時加入厚身爽口花膠，養顏一流～而且燉水鴨更可養陰益胃，絕對係滋補之選！🥢百花羊肚菌炒龍蝦球上枱時有原隻龍蝦殼作裝飾，充滿氣派！特選新鮮龍蝦球，爆炒後依然Q彈滑嫩，龍蝦肉厚飽滿，肉質口感細膩鮮甜！搭配百花羊肚菌，羊肚菌內釀入鮮香墨魚，味道鮮美，香氣醇厚，散發滿滿菌香～🥢龍井煙燻脆皮白鱈魚特選法國白鱈魚，先經過煙燻處理、沾上薄脆漿，用龍井茶煉制茶油炸香，外酥脆內嫩滑，鮮明茶香＋煙燻香，賦予獨特風味，絕對有驚喜！🥢金勾魚湯玉銀環別緻玉銀環原來係來自日本既大根蘿蔔，柔軟清甜又多汁！中央位置釀入清香菠菜苗，面頭放上鮮味香濃虎蝦乾，底更有濃甜魚湯，鮮香奶白、味道醇厚～🥢鳥巢鵪鶉蛋鹵肉拌手工麵先將滷肉用香葉、八角等香料慢熬而成，再加入鹵水醃製過既流心鵪鶉蛋～中間有經過炸香處理既絲狀茶樹菇，打造成超可愛鳥巢！底有手工淮山麵爽滑彈牙，健康又滋味！🥢雪燕牛油果燉牛乳選用北海道3.6牛乳，口感特別綿密～中間有滑順牛油果醬，面頭再加入晶瑩剔透既雪燕，口感細滑帶彈性，營養價值高，推介比一眾女士們！🥢金沙冬蓉手袋酥將香口芝麻、鬆化椰蓉、濃香金沙鹹蛋黃及清甜冬瓜蓉釀入手袋狀麵皮中，製作考究，炸得金黃酥脆，內餡鹹香可口～ 春日盛宴🌟每位$788（週一至週四限定）每位$1088 (週五至週日及公眾假期）
繼續閱讀
前幾日同朋友去咗位於荔枝角嘅高級中菜館「大公館」，品嚐佢哋新推出八道菜嘅「春日盛宴」，由屢獲殊榮的烹飪團隊以時令食材，加上當代烹調手法為傳統粵菜賦予全新形象，色香味俱全呀🥰！🌸春日盛宴前菜:🌹玫瑰蜜餞燒雲腿以香脆多士夾住帶有玫瑰蜜餞味嘅雲腿，咸香中帶點玫瑰味嘅香甜，好特別！🤍鮮花椒慢煮蟶子皇蟶子好爽口，外層包上清甜嘅萵笋，加上鮮花椒帶點麻香點綴，食落好清爽！❤️淮山合桃山渣盒外層以山渣薄片砌成小手袋，內裏就包上合桃同淮山蓉，酸酸甜甜，底下仲有一片爽脆嘅淮山呢！💚花膠小青柑燉水鴨湯呢個湯好清甜，以小青柑釀上鴨肉同豬肉，好有特色，加上大大片嘅花膠，好滋補！ 🦞百花羊肚菌炒龍蝦球賣相好吸引，有原隻龍蝦殻做裝飾，而龍蝦已超肉，好彈牙，肉質鮮甜，配上羊肚菌同爽脆蘆筍，味道一流呀！💛龍井煙燻脆皮白鱈魚白鱈魚脆漿好薄，炸得外脆內嫩滑，配上炸龍井茶葉和炸珍珠葉，更加香口！🐟金勾魚湯玉銀環以日本大根配上虎蝦乾、菠菜苗，大根好清甜又入味，加上虎蝦乾令魚湯更鮮甜！🧡鳥巢鵪鶉蛋鹵肉拌手工麵以炸茶樹茹絲做成鳥巢般，配上鹵水流心鵪鶉蛋，台式鹵肉同手工淮山麵，好惹味呀！甜品🥛雪燕牛油果燉牛乳燉牛乳好滑又香濃，上層加上牛油果蓉同滿滿collagen嘅雪燕，好養顔呀！👜金沙冬蓉手袋酥外型設計成一個金黃色嘅小手袋，好可愛呀，而內裏包上鹹蛋黃同冬瓜蓉，酥脆又香口！
繼續閱讀
其實同屋企人都食咗幾次㗎啦 不過係而家先寫食評呢間餐廳都幾啱一家人嚟食 做生日飯都不錯點解擺呢個係第一張相？因為係必叫嘅甜品 雖然睇落好普通 但食落好重嘅芝麻味 又唔使點咬 每一層都好薄 如果想試嘅話，最好同餐廳留咗先 因為我試過有一次賣晒 食左HKD2033. 4個人食並沒有受過餐廳任何邀請試食呢個龍蝦脆米湯泡飯 係四至六位用 所以大家要量力而為 個湯幾甜 龍蝦好鮮味 仲有脆米 多重口感呢個小食呢就係話梅淮山 淮山好爽口 不妨可以點嚟做開胃小食呢個次次嚟到都要拍片嘅 因為好啱打卡 幾清新既一道小食西班牙火腿米皇浸時蔬菜 呢一個係次次嚟食都會嗌嘅 因為佢會俾你揀唔同嘅菜 睇你鍾意食啲咩菜 自由度高西班牙火腿連埋菜一齊食 好夾 今次叫嘅係菜心另外估唔到用茶葉熏雞都幾嫩
繼續閱讀