維港灣餃子坊

營業中

休息中

🥟元朗區餃子🥟🟡黃色經濟圈🟡❇️雙拼餃子（韭菜豬肉餃+芝士粟米豬肉餃)🌀都係傳統嘅韭菜豬肉餃比較好食，材料足夠，豬肉多汁，相反芝士粟米豬肉餃比較平凡，味道不過不失。❇️吉列豬扒芫茜刀削麵🌀第一次是芫荽刀削麵，口感煙煙韌韌，麵身有細細粒芫茜碎，好得意。

見過好多人介紹呢間餃子店好食，今日黎試下，兩個人叫咗一個雙併湯餃：芫茜餃 + 鹹蛋黃芥菜餃、招牌四拼湯餃（芫茜、芹菜、大白菜、韮菜）、椒鹽豆腐同豆漿。每碗湯餃都有一個湯，碗湯好清甜，無味精。每粒餃子都脹卜卜，皮嘅厚薄適中，唔會太薄易穿而漏晒啲肉汁，又唔會太厚覺得無晒口感。芫茜餃配豬肉，味道好清新，食到材料每款材料都好新鮮；芹菜比芫茜更香口，菜同肉嘅比例剛好；最鍾意係鹹蛋芥菜餃，好獨特嘅配搭，每隻餃子都有大大舊鹹蛋，豬肉加上芥菜粒，好有咬口，好爽脆，又有鹹蛋香，但又唔會過份鹹，好有驚喜，超推介呢款餃子。每款餃子都有唔同特色，相對其他餃子鋪，維港灣嘅餃子係特別新鮮，會令人食完想再食。仲有辣菜甫任加，不過湯餃本身已經好好味，唔需要加其他配菜或者醬汁。椒鹽豆腐每粒都係細細粒，一口一粒，外皮好香脆，椒鹽味唔會好鹹，入面豆腐嫩滑，食到豆香味。鋪頭唔算好大，得幾張枱，佈置都好特別，有幾幅大畫。如果黎到元朗，想食餃子，一定要試呢間。

💛維港灣餃子店💛湯餃絕對好食過煎餃，亦都真喺唔建議大家試煎餃😂試咗👇🏻湯餃：大白菜鮮肉；芜茜鮮肉煎餃：泡菜鮮肉；辣菜脯椰菜鮮蝦湯餃正常。泡菜鮮肉同辣菜脯椰菜鮮蝦食落就唔覺有咩分別，所以都唔值得加錢食呢款。煎餃個底唔脆，入面又唔喺juicy，而且整體俾人感覺都好油。總括而言，煎餃真喺唔好食。另外，椒鹽花枝丸又喺另一個問題😂 呢間嘅花枝丸喺魚蛋嚟，都真喺刷新小編認知。不過勝在魚蛋都幾彈牙，所以都可以接受。

身為鹹蛋黃控 見到呢度竟然有流沙鹹蛋黃當然要食！上次就試咗個流沙鹹蛋黃鮮蝦餃 真係好特別😍鮮蝦餃炸到好香脆 咬開爽口 再加埋面頭香濃嘅流沙鹹蛋黃醬 鹹香十足 非常之惹味💕

食完龍鳳蛋治未夠飽，又唔想阻住人地細舖做生意，行前少少有間餃子店，都係openrice熱捧嘅🆙都係黃店🔆韭菜鮮肉煎餃- 水準之作，韭菜香，肉汁甜，餃皮厚薄適中，餃皮煎香可口😋鹹蛋黃芥菜鮮肉煎餃- 略厭有d失望嘅係，粒咸蛋黃竟然係一粒咁瑟縮在餃子嘅一角，而唔係剁碎混入菜肉當中😕因而未能掩蓋芥菜獨有嘅苦澀味😕但食到咸蛋黃果刻，真係好幸福呀😚大白菜鮮肉湯餃- em...最怕有時食到d大白菜餃有少少微酸，而佢就正正係我怕嘅一類😢野生松茸鮮肉湯餃- 驚喜之作‼️好多地方都出黑松露/松茸餃，但落得果丁點菇，好多都有色無味～但呢隻餃菇味香濃，又夠大隻‼️一啖、兩啖、yummy😍😍😍蟲草花雞湯- 每叫一份餃子，無論湯餃/煎餃，都附送一碗。上檯幾靚仔，但唔好有期望🙁雖然尋底有幾條蟲草花咬下，但味道真係淡過水。

一直都唔知呢間餃子鋪係出名，直至朋友同我講先知元朗呢間餃子鋪成日要排隊先食到😅今次同兩位朋友一齊去試，叫左煎餃同湯餃，都覺得幾好食。係皮比較薄，餡多嗰種。因為餓得滯，唔記得影相😅之後先發現鋪頭牆上面有寫呢嗰流沙鹹蛋黃鮮蝦餃，見仲食得落，就叫左。不得了，呢嗰流沙鹹蛋黃鮮蝦餃真係好邪惡！係炸左既鮮蝦菜苗餃，再加鹹蛋黃醬喺上面，但又好好味😋個醬好濃味，就咁食好膩，但係鮮蝦餃鮮甜多汁，balance番，好惹味~

今次嚟試下呢間係元朗比餃出名嘅餃子店☺️ 呢間餃子望落已經睇得出皮薄多餡，餡料填滿晒成隻餃，啖啖肉。特別係野生松茸餃，松茸帶出左肉嘅鮮味，而且充滿肉汁，超juicy😛😛😋😋而四拼湯餃就可以一次過試晒幾款湯餃，4款嘅配搭都唔錯👍😋😋仲有附送嘅老火靚湯，飲落完全冇味精👍👍花鵰雞酒味濃郁，雞肉滑嫩，幾開胃👍👍🥟野生松茸鮮肉湯餃🥟招牌四拼湯餃（白菜、韮菜、香芹、芫茜）🥟江南花鵰醉雞

點了湯餃和煎餃各一餃子個樣望落唔錯但咬開之後肉質偏淋，沒有什麼肉味，而且豬肉的顏色是帶淺粉紅望落好似唔多新鮮。煎餃完全冇脆口的感覺，唔似係即煎的。附送的粉葛湯也沒有什麼特別，沒有那種綿稠的口感。附送的菜脯亦都很雞肋，味道似是加了即食麵的調味粉。食完覺得失望，應該冇下次了。

店的口號 「街坊滿意 · 我地先有價值」，已經對它有好感。花多眼亂，幸好有招牌四併，可一次試多款。 隨餃子有無味精老火湯。餃子沒太多不必要調味，讓客人吃出原材料味道。 座位算舒適，店員有禮，總體不錯，值得支持。

第一次來，環境企理，通通系統足夠。食物方面就麻麻了。二人同行，中午點了兩份湯麵：吉列豬扒刀削麵，自家制，但麵條一舊舊，湯少又唔熱，於是叫服務員幫忙加翻啲湯，好快就加回。吉列豬扒，肉好薄細細件，唔係好夠份量。我就叫咗碗招牌三味餃烏冬湯麵，湯都係唔夠熱，餃子三味各兩隻，又係唔夠熱，有香芹，韮菜，豬肉，味道一般，肉質死實，與超市急凍嗰啲口感差唔多，唔似係新鮮包，是讚岐烏冬，份量少，盛惠$46價錢貴過豬扒麵$36/碗。真係一試無防，再試投降！

今日專程去到元朗，揀咗呢間好多好評既餃子🥟店食晏奏😆舖頭唔大，一眼望得唒，好彩黎到已經係下奏三點唔多人，即刻有位😍 睇完menu，好快就揀好左食咩！今次叫左黑松露同流心芝士鮮肉煎餃。呢到既餃子🥟粒粒都真材實料大大隻，真係名符其實既皮薄餡正! 除左覺得黑松露味可以再出d之外，我同男朋友一至俾好高評價🙂個粉葛湯冇落味精，好足料好夠味，清清地配煎餃食都好正😛我地兩個人驚唔夠飽叫多左個🐷骨湯刀削麵，一樣都係甘夠味，麵亦唔會太淋。我地亦叫左椒鹽粟米🌽$22 平平地咬下個味又幾過癮夠特別，岩唒我地呢啲鍾意試新野既人🤣🤣🤣Overall 呢間黎到元朗又鍾意餃子既你地一定要試下！💛

原本想食附近出名嘅爆漿蛋治但去到發現未開門，於是轉場食呢一間😎******************************❣️黑松露湯餃子+是日靚湯餃子粒粒都好大粒，皮薄餡多，全部都係肉！餃子皮同肉中間有一層黑松露醬，味道香得黎亦都唔會唔會膩！-有試過加佢嘅辣菜甫，但就同黑松露餃子唔係好夾，辣菜甫都係夾返傳統嘅餃子🥟-本身湯餃子已經有一個乳白色濃郁嘅湯底，好飲唔會口渴！另外再跟咗個粉葛湯，清甜下火！******************************但舖頭略嫌油煙味重咗少少，通風可以做得好啲，如果唔係食完都一陣味🤣******************************

招牌三併餃刀削麵（$46），大白菜、韭菜、香芹，各兩隻，整體味道普普通通（不論餃子、刀削麵、湯底），唯一抵讚係餃皮夠薄，如果三款揀一款的話，我個人建議大白菜，因為口感清爽啲。煎韭菜餃+是日靚湯（$42），同樣普通，煎餃不是太香口，而且已經揀咗濃味嘅韭菜，味道都唔太突出。是日靚湯係蟲草花雞湯，味道不錯，但唔熱。蜆蚧鯪魚球（$30），三樣食品中比較好的一款，四大粒，而且厚實，口感強烈。蜆蚧醬少咸微辣，但粒蜆蚧肉就好咸。

今日路過元朗，見到維港灣餃子店，見到取外賣的人不少，店內堂食的人反而較少。想到近日疫情嚴重，還是決定外賣生餃子，在家用膳。這店餃子還選擇很多，我還是較喜歡傳統的味道。店外海報説明：買兩份餃子（一盒12隻），送一盒刀削麵（二人份量），我買了一盒韮菜鮮肉餃，一盒芫茜鮮肉餃。回家準備二人午餐，先煮了韮菜鮮肉餃，再煮了刀削麵，加少量菜，這就成了簡單的抗疫午餐了。食物包裝精美，餃子美味，可惜刀削麵不太對勁，大概是下水太少，我又沒有注意，煮成糊漿麵。對要求不高的我來説，還是可以的。剩下另一盒芫茜鮮肉餃，大概就是今天晚餐的一道菜。

成日都見有人話嚟元朗要食 但當區反而名氣不大 今次就黎試試佢🤓💛呢間元朗手工餃子店有幾款新式餃子 例如鹹蛋魚芥菜餃 甚至係芫荽餃 愛茜人士可以試埋佢個芫荽麵————————————————————————🐕 靚湯（$16）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯特別要提嘅喺煎餃/湯餃都會送一碗靚湯當日係淮山豬骨湯飲落清甜可口 毫無口渴感 就好似屋企煲嘅愛心湯咁寒風下飲啖熱湯暖胃 實在舒暢❄️順帶一提 食湯麵係配豬骨湯🐷雖則冇靚湯咁吸引 但又幾好飲唔似味精湯 同樣清甜濃郁————————————————————————🐕 大白菜湯餃（8隻$42）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯餃子甚為飽滿 肉多菜少🐖🥬味道正常 肉味為主 調味少 頗清淡食時不妨加上辣菜甫吊味呢個價再加碗靚湯 係幾抵食————————————————————————🐕 粟米芝士煎餃（6隻$45）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯似日式煎餃嘅做法 🇯🇵煎脆個底 保留兩側煙韌嘅餃子皮香脆嘅同時又唔會好油膩滿滿流心芝士混入豬肉同清甜粟米粒🧀🌽香濃惹味得很下次會想試佢嗰黑松露餃😛————————————————