不似預期，大失所望 初次造訪麗晶軒，米芝蓮二星水準，而且係我最熟識的中菜，估計會吃出個分別，吃出個好心情。可惜最後不論食物，服務都很一般。 上網查下米芝蓮二星評判標準，二星獲得者代表廚藝高明，值得繞道前行。這也不至於呀，反正沒什麼特別，自己不會特意再來！ 當日同朋友中午來到麗晶軒， 裝修格調清雅，枱與枱之間都闊落。服務員帶...領入座後開始今日午餐體驗。 首先係發覺餐具有的舊，而且隻碟應該洗不乾淨，有漬的。朋友預訂左一隻片皮鴨，係我們的第一道菜，擺滿成張台既配料，然後終於出隻鴨，一個眼見就不是熟手技工既樓面慢慢地，小心地片皮，好不一會兒上碟，每人一片鴨皮，我好快甘夾好配料，一啖過食左，味道還可以。問題係又要等師傅片皮，片完皮之後又要舉手叫waiter幫我們上碟…. 第二道菜我點了個生拆蟹肉粟米羹，有點普通。 第三道菜我比個名佢，怎麼說呢，上湯咸水角，個湯係幾清幾鮮的，咸水角入面既餡料係蝦，waitress在上面加左幾片黑松露，即刻高貴左，幾得意既，每樣野都幾好，但撈埋一齊好似又唔夾🤣🤣 第四道菜係xx炒腸粉（應該係花膠條炒腸粉）記唔翻個名，配合XO醬食，幾野味 第五道菜係醬爆鹿兒島和牛鴨肝黃金盞，鴨肝可以，煎得幾香，外脆內軟，入口即溶，和牛就可以說難吃，完全吃不到和牛的質感，浪費左食材。 第六道菜子薑流心皮蛋，幾好。 第七道菜係黑松露芙蓉炒班柳，食得出班柳係新鮮的，但成個菜冇咩味 第八道菜係甜品，叫了個蛋撻，不過不失。 總括以上個人認為，食物質素唔值米芝蓮二星，而服務更係要彈，全個用餐過程都需要自己不停去搵waiter服務，上菜，加茶，斟酒，感覺好似在酒樓一般，如果真係在一般酒樓我就自己來了，唔使催，哈哈。 老實講係有差距的，係呢個級數既餐廳唔係應該話頭醒尾，專注翻每一枱客人的需要，而今次直頭係可以用怠慢二字形容。始終比得甘高價錢係呢度食野，一定希望得到相應既高規格體驗。更多
246
61
18
4
1
