平時行多2步都叫死既我今日居然一反常態同我既朋友去左一日outing, 我宜家成個人都好累, 好紅, 因為我曬傷左, 不過好值得, 因為如果要自己去大鴉洲的話真係一d都唔易除非你自己特別book一架船入去啦, 同埋另外要有熟路既人帶你行先好, 因為個度真係好荒蕪.
我地今日行既路好似未比人完全開發左咁, 雖然都見到條路, 但係路既上面都生滿左草同花, 我真係第一次行d咁既路, 有d路既草仲差唔多長到去我既大腿.
今日天氣好好, 雖然有32度但今日不停都有風吹住, 所以我唔覺得太辛苦, 另外行高D既時候見到周圍既景色真係好靚, 完全未比人污染.
船停定之後我地企左一陣就已經見到海豚, 初初只係見到一,兩條, 後來越出越多, 佢地係海到玩水, 好得意, 不過佢地比我想像中細條, 可能我平時見既都係海洋公園個D多啦.
差不多到回程既時候有一隻水警船埋左黎, 平時鍾意同交通警BYE BYE既我今日就去撩下水警叔叔啦, 我問佢可唔可以比我上去佢地既船到睇, 佢當然唔比啦, 但我當然唔會咁易放棄同佢\"傾計"既機會啦, 我食住上問佢有無可樂飲, 佢問我係唔係真係好想飲, 我當然答佢係啦, 之後.. 佢勁好, 佢真係走去攞左個可樂比我飲, 嘩, 一飲落去成個人真係爽呀, 因為我地今日去既地方真係咩都無既, 無鋪頭, 無廁所, 無其他人, 真係咩都無既, 當然我地今日個團人就係唯一係島上面既人, 所以可樂對於個個地方黎講真係一個寶物呀.
今日同個導遊傾開知道佢地原來會搞團去睇螢火蟲既, 所以下次既行程我相信都應該會係JOIN呢個.
有興趣既可以睇下面條LINK. 呢間公司真係搞得唔錯. WELL DONE !
http://www.hklearningbase.com/tour.asp?id=338
主題 :
位於香港西南極的索罟群島,主要由大鴉洲、小鴉洲及多個細小荒島所組成。在清朝嘉慶年間,曾是海盜張保仔據點,停泊船隻達數百艘。大鴉洲、小鴉洲曾有三條村落,村民約150人,以捕魚為主,現已荒廢無人居住。
由於群島位置荒僻,人跡罕至,較為人認識的是在1980年闢為越南船民中心的大鴉洲,當時收容了5,000名船民,並被列為禁區,直至1996年船民中心關閉才重新開放給遊人。在1989年8月27日曾發生轟動一時的船民暴動,當晚所有警察撤離船民中心,船民在島上渡過暴亂失控的一晚。
內容 :
我們在尖沙咀乘搭專船大鴉洲,途中可飽覽港島西、大嶼山東南面、西博寮海峽、坪洲、長洲和石鼓洲等秀麗的景色,到達索罟群島水域後,我們會嘗試尋找中華白海豚的蹤影。 登岸大鴉洲後,我們將考察越南船民中心遺址,訪遊位近西灣的下村,上村內的水塘與及香火不斷的天后宮。 中午在船上簡便午膳後是自由時間,參加者可在碼頭或岸邊垂釣,在偌大的船民遺址放風箏或集體遊戲,然後乘專船返回尖沙咀解散。