意蠔屋

營業中

休息中

我本身好少寫食評，但係我覺得呢間食店平靚正，所以想推介一下。芝士焗菠菜魚柳螺絲粉，真係鍾意食芝士嘅人應該好鍾意，啲芝士一拉出嚟就起晒絲，芝士味濃，炸魚柳好有口感，螺絲粉配以這個芝士醬汁配搭得好好，真係好好味😋。芝士焗蜆肉珍珠蠔意粉，珍珠蠔都幾鮮，蜆肉好多，幾十蚊一個餐食到蠔，我覺得物超所值。羅宋湯夠濃，好好味😋之前朋友介紹我嚟依間食嘅時候話，芝士焗蠔好好味，因為中午時間又唔係好想食呢啲嘢，下次晚飯時候再去試吓！😉

我本身好少寫食評，但係我覺得呢間食店平靚正，所以想推介一下。芝士焗菠菜魚柳螺絲粉，真係鍾意食芝士嘅人應該好鍾意，啲芝士一拉出嚟就起晒絲，芝士味濃，炸魚柳好有口感，螺絲粉配以這個芝士醬汁配搭得好好，真係好好味😋。芝士焗蜆肉珍珠蠔意粉，珍珠蠔都幾鮮，蜆肉好多，幾十蚊一個餐食到蠔，我覺得物超所值。羅宋湯夠濃，好好味😋之前朋友介紹我嚟依間食嘅時候話 "芝士焗蠔" 好好味，因為中午時間又唔係好想食呢啲嘢，下次晚飯時候再去試吓！😉

以前係附近讀書，成日都會黎食呢間焗飯，過左咁多年，焗飯依然係咁好食！太耐冇食，發現多左好多新菜式，以往最愛係芝士菠菜雞肉焗飯，但因為下午茶套餐入面冇，所以就試下新野！我同個朋友就分別叫左T2 (芝士焗肉醬意粉： $41） 同T3 （芝士焗蜆肉意粉：$41）肉醬意粉超好食，醬唔會話太多，亦都唔會太少，撈埋一齊食，條條意粉都會有食到醬，而且芝士都唔少，一邊食一邊有拉絲既感覺！醬方面唔會話太甜或者太酸，而意粉唔知係咪因為焗既關係，會偏向硬少少，但我個人黎講個硬度係唔錯雖然係tea set, 但同lunch 食既size 係一樣既，感覺唔大份，但因為肉醬加持下超有飽足感，完全當食lunch 咁！到左芝士焗蜆肉蘑菇飯，味道就麻麻啦！蜆肉細細粒，食落有d雪藏既味道，而且有d腥腥地，所以作為飯入面既主菜就略為失望啦。雖然面頭都仲係有好多芝士，但食落去白汁既味道比起芝士更為突出，成個飯變左做白汁撈飯既感覺，所以下次應該就唔會再試呢個啦最後，因為係個tea set, 所以都有杯跟餐飲品，我地就叫左奶茶同埋咖啡，味道就同普通餐廳分別不大，但奶茶黎講，茶比奶味更出，因此鍾意茶濃既可以不妨一試！

因為工作關係要喺大圍食lunch，本身係想食馳名鹽焗雞飯、椒鹽豬扒飯，不過朋友提議食意蠔屋，就下佢😆。舖頭環境超細都幾逼。食物真係不怎麼樣😅味道係極居家feel，其實真係偽西餐嚟，全部不合格❌。好彩唔係太貴，否則一定好激氣。白湯似係南瓜忌廉湯，但個湯杰到芡汁咁厚身，用嚟撈長通粉就啱哂，做湯就堅係咸到腎虧😏。紅湯正常。蒜香辣肉腸天使麵($44)/腸唔辣，仲要係白烚切片。天使麵淥起撈蒜蓉😂咩汁都無😂成碟野勁淡勁無味，我肯定超市買包即開即食嘅意粉醬好食100倍！芝士焗菠菜魚柳螺絲粉($54)/呢個都叫熱辣辣似有焗過，但又係好淡😂汁好稀，認真用白湯撈嚟食肯定仲好味😑。

以前一向有幫襯開意蠔屋，今日外賣左個蒜茸牛柳意粉返公司食, 食到一半竟然發現意粉內有一隻昆蟲屍體。餐廳食肆有昆蟲曱甴其實係正常，但係食物里見到實在不能接受，還望貴餐廳注意一下食物衛生情況

茶餐時間去到呢間鋪仔 入到去只係見到一個男樓面（當然呢段時間入去前都要度下體溫洗下手）一坐低之後我就話叫個焗豬扒飯 個樓面就同我講 先生 呢個時間 茶餐都有焗豬扒飯 抵食d 我之後答佢好丫 唔該 隔左一陣 焗豬扒飯黎到 我望一望 個樣又唔差⋯⋯⋯⋯食落去 味道又ok喎 之後再望下個場 可能真係呢段時間既關係⋯⋯⋯⋯有幾張檯都唔俾人坐 但係我見到個樓面都好耐心咁解釋俾其他客人知點解唔可以坐呢到 我一路食一路望住佢一個人走黎走去 收錢 撿檯 送餐 聽電話 我真心希望呢段時間會快d完🙏🏻

原本想正正常常去食野 行到門口見到幾好 跟住入去坐低 個金毛女樓面勁不衛生 係門口食完煙 手都唔洗就拎餐俾我們 大老 而加咩環境 有注意個衛生嗎？跟住再望一望個廚房 個戴金鏈廚房老口罩都唔撚戴 我同我老婆即刻埋走人 大老你唔怕 我都會怕嫁 以後唔會再去 希望大家唔好再去 小心武漢肺炎 祝你兩個早日俾人炒 衛生署快小小去查佢最後我們都係打工仔 都知做廚房辛苦 但非常時期 你唔保護好自己係你自己 但你都要想下地感受 你祝你早日轉行 做人做到你咁自私 食屎啦

前日去左大圍剪頭髮，經過見到間食焗飯既餐廳，行左入去食，結果我決定以後唔會再去戈度有個金毛既女人，黑口黑面咁，全程以超低音講野，毫無笑容，講野語氣其差，唔講以為去左食解穢酒，以為佢本身性格係cool d啦，殊不知佢同啲同事又鬼咁好笑容，講真，你唔想做既唔好做呀嘛，我黎食餐飯姐，仲要睇人面色😡😡好啦，咁啲野食一般，係大份夠飽，唔好有咩特別要求。。睇過佢FB咩秘制凍檸茶，咪只係一段貨色，杯茶色好濁，見佢門口啲相影到咁靚，結果失望到爆燈🤦🏽‍♂️衛生程度還可以，但真心裝修超舊，諗住打個卡，結果都無打，因為真心似去左舊屋邨既西式茶記咁，野食又唔係特別出色，打卡都唔知tag咩好🤔呢間野請我我都唔會再食🈲

大圍真係好多唔錯嘅小店，今次依間食西餐，店入面都真係好細，得幾張枱，係有少少逼嘅，但睇餐牌，週末夜晚黎講價錢都算幾親民。揀左個E餐，原本係螺絲粉黎不過可以揀轉意粉或者長通粉！包埋餐湯同餐飲另外有個餐牌包埋兩隻生蠔，唔記得左影不過記得都唔太貴，朋友叫左仲話都唔錯添！叫左忌廉湯不過無影到，好好飲，奶味好重好creamy，加埋磨菇碎粒有口感個長通粉就無乜特別，香草汁味唔太濃，所以味道有啲淡，帶子煮得岩岩好，都有三四粒，整體都唔錯嘅！見隔離枱焗飯幾香，下次去要試下

今晚決定左去好耐都無黎過既意蠔屋食晚飯本身鍾意食焗飯，友人又無咩所謂，所以就嗌左兩個芝士焗海鮮飯睇下個menu, 個飯原來已經要$55一個(我n年前食仲係$42) 唔緊要,大家都明白點解既~ 係呢個社會節奏過得咁快既香港，如果唔係特別出色既餐廳，唔係間間都可以做到咁多年，呢間算係咁等左大概二十五分鐘就有得食. 一如以往,d芝士汁都係非常之多,一啖汁送一啖飯剛剛好,唔會食到最尾得飯無哂d汁海鮮都算多，都有基本魷魚柳果d,同埋隻蝦幾大碌，不過就有少少冰鮮feel

今次去咗大圍分店嘅意豪屋食飯，咁當然要食佢哋嘅芝士焗蠔啦，芝士嘅份量一啲都唔孤寒，真係落足料，隻蠔都算係大隻，大約有一隻手板咁大，同埋都處理得幾乾淨，唔會食到沙！價錢大約係$25/1隻，唔算貴！

以前一直也是這間餐廳的擁躉， 今日經過再去食返以前的味道。 其實仲有十分鐘就到下午茶時間，不過見午餐和下午茶的價錢相差不大， 因此就叫了午餐一試。( 以前一向都是趁兩點半來吃下午茶的)雖然午餐有八個選擇，但是頭三個最平價的都是辣的…… 我點了C餐，辣蒜香蟹棒雜菌天使麵。店員沒有問我要紅湯還是白通就自動送上了紅湯， 都沒有所謂了，反正我本身都是想揀羅宋湯的。羅宋湯酸酸甜甜帶少少微辣， 面頭的油不算多不過蘿蔔和菜都比較硬身，似是剛剛放落去的。辣蒜香蟹棒雜菌天使麵， 蟹棒有五條， 不是最好吃的雪場蟹棒，但都不太差，不是平價的日式蟹柳。 雜菌都有不少， 天使麵煮得剛剛好， 而且份量也不會太少。 反而整碟天使麵偶爾會吃到一兩粒硬的蒜頭碎，但沒有太多的香蒜味， 辣味則十足。其實食物還過得去的， 最失望的就是我杯凍檸茶， 平常也不走甜， 算是能吃得比較甜的我， 都覺得今天杯檸茶絕對會飲到得糖尿病！ 檸檬沒有檸檬香而且一點兒酸味也沒有， 我就算只喝最上面在冰旁邊的茶，也只喝得到甜味， 好像飲糖水一樣！午餐連凍飲加三蚊總共$48, 個人覺得非常一般， 感覺跟之前不同了，好像廚房和侍應都換了人， 不知道這

今日行過大圍見到間平時無乜留意既餐廳意蠔屋睇食評個個話焗飯好食晚餐食左個 番茄芝士豬柳焗飯唔係炒底唔在講，食落啲飯淋既根本同勺個白飯，加啲番茄芝士汁上去差唔多侮辱左焗飯兩個字，咁難整得難食既野都可以摧毀失敗女友叫左個 蒜香辣蟹肉西蘭花千層麵起哂水，睇見完全唔開胃得個辣字，特登加15蚊轉個千層麵完全哂哂無味環境迫硤呢樣唔怪你，香港地地方細但係地下痴冧冧食物質素完全同價錢唔相稱咁樣既性價比完全唔會有下次總結完全唔想再入黎食！

收工又泥左食下午茶Σ（ﾟдﾟlll）今次專登揀之前未食過既!!!睇下係咪都一樣咁好食先🤔😳我呢嗌左碟芝士焗肉醬豬扒飯!!配凍檸茶!成個餐連飲品都只係33蚊咋超級抵食！食落口同之前一樣好熱辣辣！同芝士味超級超級重呀啖啖飯我都食到拉絲！真係好滿足喔！條芝士絲仲可以拉到好長喔男友就嗌左呢碟白汁焗蠔仔磨菇飯我試左啖都覺得好好食喔！連我平時唔太中意食蠔既人都覺得好食喔男友仲食到好幸福好滋味咁哈哈最後，我地再嗌左碟芝士焗薯角其實都好熱辣辣幾好食的，同外脆內軟，都不錯啦不過比起之前食過的肉醬芝士焗薯條，我地就覺得薯條香啲了啦個人會喜歡吃薯條多點喔！(^з^)-☆下次再食呢間的話，我再試試不同食物吧

係大圍咁耐，真係第一次食意蠔屋！超多人幫襯，等左約15分鐘先有位～午餐叫左一客「焗芝士海鮮飯」，賣相相當唔錯價錢唔算貴，但係用料十足，有蝦、蟹柳、帶子、魚塊，估唔到$56一份午餐都咁足料而且好好味值得再次光臨