找數:談第四隻猛人股國際娛樂(1009)

國際娛樂(1009) 係我o既重倉股,點解咁重倉呢?最重要原因係因為佢係無風險股,新主蔡朝暉已經於10/2買賣完成,即1009已經去到階段4 (無風險階段) ,當時保底價係1.6,我平均價都1.65左右 (但有學生係1.6入到),但今日剛有通告,提價到$1.644,即1.644係新保底價。

點解話蔡朝暉猛人?睇下呢個介紹:「蔡朝暉博士於國際金融服務業及參與投資項目方面擁有近二十年豐富經驗,專長於收購合拼、證券外匯及衍生工具投資。蔡博士曾出任多間在香港聯合交易所上市公司的高層管理人員,包括寰亞傳媒集團有限公司(股份代號︰8075)的執行董事,華脈無線通訊有限公司(股份代號:499)的執行董事及副主席,天行國際(控股)有限公司(股份代號:993)之執行董事,及東方銀座控股有限公司(股份代號:996)之執行董事及行政總裁。此外,蔡博士亦曾服務於香港大型金融集團及機構並出任高級職位。蔡博士以優等生榮譽畢業於美國肯薩斯威奇塔州立大學,主修商業管理,及後取得美國依利諾大學頒發之理科碩士學位,主修國際金融,其後亦於中國人民大學法學院成功完成法律碩士學位課程,並獲授予畢業證書。蔡博士於2013年11月完成香港城市大學博士學位課程,主研金融衍生模型,獲頒授商業管理博士學位。蔡博士為「雲鋒基金」其中一位創辦合夥人,亦是該基金唯一一位來自香港的始創發起人。」

最後呢句堅!「雲鋒基金」其中一位創辦合夥人。「雲鋒基金」係馬雲發起,成大班大陸有錢人夾份o既私募基金,真係粒粒皆星。佢o既投資幾乎全部回報都有幾倍至幾十倍不等,比較出名o既當然係有阿里巴巴未上市時入左股做始創投資者啦。

睇下百度o既介紹:「云锋基金,以阿里巴巴董事局主席马云和聚众传媒创始人虞锋的名字命名而成。除此两人外,巨人网络董事长史玉柱、新希望集团董事长刘永好、银泰投资董事长沈国军、联合金融集团董事局主席蔡朝晖,新奥集团董事长王玉锁、分众传媒董事局主席兼CEO江南春、深圳迈瑞医疗董事长徐航、易居中国董事局主席周忻、中国动向董事长陈义红、五星电器创始人汪建国、七匹狼创始人周少雄、九阳股份董事长王旭宁、优孚控股总裁张幼才等10多位成功企业家都是基金的发起人。云锋基金总部设在上海,并在香港,北京、杭州等多个内地城市设分支机构。」

呢間全中國最強o既基金,蔡朝暉竟然係唯一一位來自香港的始創發起人,你話佢猛唔猛?由此可見佢人脈係超強,能力係高到馬雲虞鋒呢D級數o既人都認可佢。所以我話佢係猛人應該無人反對啦。

買賣殼係「竹門對竹門、木門對木門」的,買得起鄭家o既野,一定有返咁上下。另外,鄭家本身都係食開大茶飯,鄭家純仲keep 住1成幾,會唔會係想賺多轉?都係引人暇想o既。

講返1009單deal,原來係仲可以收多過$1.644。由於提左價,佢要比多D錢,而多出果舊錢佢做左融資,而融資成本(包括利息同手續費) ,根據公平原則,佢比多幾多錢人,根據返收購守則第25條,佢同樣要比返咁多錢小股東,所以D利息同手續費都要計落全購價度。蔡生本身比左錢係買64.77%,同一舊錢只買到57.28% (因為提左價)。所以佢比兩個option,a)一次過比晒錢你;但由於要附合返收購守則第25條,佢一定要比另一個option,b)57.28%係無息(同大股一樣)比你,另外果42.72%係計息比你 (年息10%)。第二舊錢係可以收多10%年利率利息,致於收多幾多日息就係是乎佢幾時還晒錢比聯合證券,deadline係9/11/2017。

題外話,蔡生都係德州撲克王,佢「2012年8月31日 第一屆豪客撲克大賽冠軍獎金 5014.9萬港元。 2013年12月14日無限注德州撲克-超級精英杯 Event 4 獎金約91萬港元」。而1009係做賭場,賭王買間賭場自己玩,真係好make sense o既一件事。

講到咁詳細,應該都夠找數啦!文章已經太長,至於蔡生一般炒法係點?有機會再分析吧。25/6果班都會講下,有興趣報班o既讀者自行PM吧。

免責聲明﹕本文章所提供的資料及分析,純屬個人見解,只是學術用途,並不構成任何邀約、誘使或訂立任何投資建議及推薦,讀者投資時請獨立思考並為自己的投資行為負全責。

Image may contain: 1 person, smiling
No photo description available.