何超蓮IG曬跟男友竇驍啜嘴相 唔通又係「何家有囍」預告？
撰文：秦志鴻
出版：更新：
賭王何鴻燊與三太陳婉珍的千金何超蓮最近似乎心情大靚，頻頻喺IG分享性感泳裝出海相片，實在迷倒不少男網友！不過今日（27/9），超蓮就分享咗一連三張令網友「眼紅」嘅相！先係同「男士」拖手、繼而深情相望、最後一張更加係Sweet爆啜啜！相信呢個高大嘅「男士」應該就係超蓮男友、內地演員竇驍。兩人喺今年4月底時已經隔空認戀，不過一直都愛得低調，今次咁高調咁分享啜啜相，唔通係今年「何家」第三宗「喜訊」先兆？
超蓮之前都標記過竇驍的IG，仲要寫住「望夫石」。（Instagram@laurinda_ho）
預支蜜月？
其實男女朋友去旅行，都只不過係好平常啫！但今次超蓮咁高調曬愛，真係同過往嘅做法非常唔同，以一直以被稱「緋聞男友」的吳克群，超蓮亦從未曾正式認愛。加上今次馬爾代夫之旅並非只有超蓮和竇驍二人，超蓮喺曬愛Post入面亦標註咗佢個攝影師朋友Laiza S，相片入面嘅超蓮同竇驍又着晒情侶衫同鞋，成個配套加埋，真係似十足影結婚相，即使畀人誤會係「結婚」都絕對唔誇張！
最近超蓮都Post咗好多靚相：
+12