稻香

Open Now

Now Closed

上次父親節喺淘大稻香食，媽媽話唔錯想再encore，所以今次母親節又係稻香不過就轉咗德福，大家掛住食最後淨係影咗一張相今次係一家五口再加男朋友一起食，驚唔夠食所以我地另外加多三個菜，但結果淨係來咗一個菜，另外兩個完全無落到單🤷🏻‍♀️明明係同一張紙落單⋯⋯說好的蝦球沒有了因為預早比咗訂金就可以將蝦球伊麵升級為龍蝦伊麵，份量好足。不過脆米網卷同菜苗就認真麻麻，菜苗好似食緊草😂😂脆米卷唔及蝦球好食。最後服務方面都真係馬馬虎虎，雖然一來到就可以比到張檯我地，唔洗再等，但係點解上菜要係兩個人之間上菜🤷🏻‍♀️我地明明有兩個吉位🤦🏻‍♀️最搞笑係有個侍應新來嘅唔識又唔問咗同事先，一來就否認咗仲有一個水果盤🤷🏻‍♀️ 叫佢問同事就話自己第一日返工咩都唔識，唔識唔緊要但唔好咁嘅態度仲要落漏單，成個形象壞曬

今晚約左同事係德福食飯，諗唔到食咩好，所以就話去稻香打邊爐。原來呢間有海鮮火鍋任食，雖然每位要$268，比其他中式火鍋貴，但佢包既野食都算多，所以我地就揀左呢個任食套餐。我地今次揀左蕃茄薯仔湯底，清清地但好夠味。象拔蚌刺身同火鍋海鮮拼盤係套餐包埋，每人有半隻龍蝦，望落已經好吸引。刺身同海鮮都好新鮮，全部都大大隻又好鮮甜呢度有3款牛肉可以叫，我地就叫左雪花肥牛同牛小排。肥牛的雪花紋都算靚，肥瘦適中，食落唔會好韌。牛小排就真係太瘦，碌完好硬，叫左一次就算。不過呢度啲牛肉真係有肉味，質素高過同出面啲任食放題。廣島蠔都係必叫，又係好鮮甜。其他火鍋料就無咩大分別，想食的都有齊哂。不過可能當晚太多人，搞到出菜好慢，湯底煲到滾左都未出到第一輪野食比我地。同埋每次加水都係加返湯底，搞到最後個湯底變到好咸

為咗慶祝母親節一家大細去好就腳嘅淘大商場,一齊食晚飯,長輩鍾意食中菜所以就去稻香酒樓.前幾日睇到廣告推介稻香晚餐好抵食，有一蚊一隻雞！四個人可以叫兩隻雞添！我要咗個金銀蒜蒸北海道元貝，元貝肉質非常鮮甜，配埋蒜香加粉絲簡直係perfect match👍🏻👍🏻88蚊4隻抵到漏😛$78就已經食到一條龍躉啦肉質非常鮮嫩，蒸得啱啱好，又唔多骨，好啱老人家食😙😙呢個餸有絲瓜炒木耳炒海蝦，絲瓜非常清爽配上海蝦嘅先甜，好推介大家嗌㗎👍🏻👍🏻👍🏻一蚊雞真心高質，啲皮係卜卜趣嘅啲，肉質都幾鮮嫩大家食到停唔到口呀！絕對推介大家叫呢度平靚正嘅餸🤤🤤

收工一班同事去打邊爐飲飲酒，300幾蚊送海鮮，送刺身（人頭計）。任食邊爐食物都唔馬虎，牛肉唔係肥牛黎，有生蠔，有花膠。送既海鮮併盤亦非常新鮮，但記得開頭主打食左海鮮先，因為太後先煮海鮮可能已經太飽。但我覺得都物超所值既，出面仲有個甜品位任針芝麻糊。

食過唔同稻香，質素一向穩定，服務亦ok。唯今次係呢間德福分店竟然遇上最差服務員；問個位阿姨係咩湯底，阿姨竟然答我地佢第一日番工，唔好問佢；咁請佢搵個識答的同事黎，佢話無人識喎～好野，真係要比個叻佢～

一蚊雞買一隻雞,哈哈,係真係抵食既,雖然抵食到咁,但隻雞又唔差,外脆肉嫩!!!我係到諗會唔會有人真係叫一隻雞咩都哈再叫!!!當晚重叫左幾款小菜,條魚最正,開邊蒸,蒸得剛剛好熟,好滑!!!重有就係冬菇好入味,白灼蝦都好鮮甜!!!

早排因為工作忙碌，都無咩機會陪爸爸媽媽，今日趁游水前有啲時間，就約埋佢哋一齊去飲餐茶，聚下天倫。可惜不似預期，#稻香 嘅食物質素認真有待改善。我明白 #蒸點心 係需要時間，但係啲 #待應 呢度傾傾、果邊傾吓，拎咗我張點心紙兜勻全場先入單😪 等咗大半個鐘，先有人通知我哋 #潮洲粉果 已經賣哂😪 之後上枱嘅 #牛肉球、#鮮竹卷 品質還可以。但係再嚟嘅 #煎腸粉 似乎係咁二煎吓就拎出嚟，個心仲係凍嘅！想點？#雞扎 用料出奇地差，竟然用 #豬皮 扮 #魚肚，面果層腐皮無炸過，直接用嚟包 #雞扎... 口感唔拈囉😪 不過最難頁嘅係碟 #沙嗲金菇肥牛河，睇得出 #廚師 求其炒，#肥牛、#金菇、#沙嗲醬 同 #河粉 根本撈唔勻，唔夠熱😪 平時好少會浪費食物嘅爸爸媽媽都話食唔落😪 而喺我哋後面執枱果個女侍應有意不停地將啲杯碟大力掟入膠盤內，好騷擾啫😪本來想孝順吓佢哋嘅我，似乎好心做壞事... #小秘書 慘慘豬呀👉🏻👈🏻

一年一度既一蚊雞回歸稻香~!上年食過番尋味!今年第一日出番就即刻同老公帶埋爸媽去食啦!每兩人可以叫一隻，我地4個人當然叫爆Quota要2隻!另外仲加左個孖寶，係栗子雞煲孖蒜香蒸帶子~要營養均衡所以叫埋個什菜煲~~首先主角一蚊雞上檯!雖然係春雞size，但2個人share真係岩岩好，仲要熱辣辣兼皮脆肉嫩，唔多肥膏仲好有肉!1蚊1隻真係抵到叫~要提一提係隻雞係原隻上既，如果要切件上係要另加錢，侍應貼心送上一人一對手套方便食~個人認為成隻雞扯開黎食仲有風味~真係超級推介~~~唔知點解好想食栗子所以叫左栗子雞煲~果晚d雞同我有仇!味道方面係好香唔會過咸既，但真係太少了~份量黎講我覺得細左d，加埋我諗半隻雞既份量都冇，栗子就好多，有成十幾粒!蒜香蒸帶子有4隻，4人食剛剛好，爸爸話係雪藏帶子擺上個帶子殼present，個帶子殼係裝飾咋喎~唔知講真定講假~不過蒜蓉帶子呢個配搭從來都冇得輸~所以味道係可以既，不過係普通冇乜驚喜。最後什菜煲都足料~味道唔錯~原煲上溫度keep到夠熱!食完d熱氣野食番d菜自我感覺很良好~

因為相約了團拜於是就選擇了大家都比較方便的九龍灣德福稻香晚飯。當天訂位訂了七點半但已經坐滿了8成枱。環境尚算不錯，不會算很嘈吵，而且坐得比較寬躺很舒服。當天我們一行七人叫了半席金豬龍躉宴，還附加了龍躉2食和蒜蓉炒菜心。乳豬上碟的時候是凍的不太新鮮而且肥膏比較多這個茄子蒸龍躉腩非常惹味，尤其茄子吸收了龍躉的鮮味龍躉亦都非常之新鮮滋味蝦球伊面上碟的時候也是冷的，令到芝士變得一嚿嚿配搭那個蝦球完全難食蒜蓉炒菜心卻令人有點失望菜心有一點路用了大量蒜蓉和味精去掩蓋 不太好吃整體上只是一般的晚餐但是服務員的服務態度還不錯👍🏻

中午時分同同事一齊去飲茶佢哋揀咗稻香 好彩之前book 左位 唔駛等就入得啦發現有好多唔同嘅餐叫咗超多點心最鍾意食叉燒包 又熱辣辣又多餡料牛肉球都好夠味 啲點心好多時嚟到都好熱 佢哋應該真係即叫即蒸最後買單每個人$100 但係已經食到勁飽

來到大年初十二，樹庇熊先生的老同學約了團拜，一行10，去了大家都較方便的九龍灣德福稻香晚飯，始終是過年，訂位只可以揀6點半或8點 半，我們就選了訂早飯的6點半！ 雖然只是6點9左右，已經坐滿了8成枱。入座的大枱有些迫，2邊都會碰到後面的椅。10個人我們就點了10款餸菜 : 金鼎雲萊素燴 – 賣相特別又清新的素菜，是南瓜汁燴雜菇、雲耳、鮮百合及銀杏等黑椒魚唇爽肉窩 – 魚唇有些硬，有大量蔥做配料，很香涼瓜牛肉 – 蒜頭豆豉煮，送飯之選沙薑雞 – 很入味，雞不肥，皮爽，不過配薑蔥油而不配沙薑油有些奇怪龍躉兩味 – 翠帶濃湯躉球 海帶絲煮魚肉，有新意，魚雖然無骨，但很鞋，味道一般龍躉兩味 –紫茄香蒜蒸頭腩 蒜茸很多，不過不是太熱，魚肉仍是很鞋乳豬燒味拼盆 – 配了麻醬粉皮，特別 ; 乳豬和叉燒不錯錦江海鮮豆腐煲 – 熱辣辣的一道菜，豆腐滑，汁香而不油不咸，又一送飯之選花蚌魚肚泡青蔬 - 翡翠苗很嫩翡翠蟲草花 – 繼續是很嫩翡翠苗，不過這道菜很淡 笑笑談談，飲飲啤酒，不經不覺就到了9點3，埋單後大家還意猶未盡，相討繼續去吃甜品呢!

大年三十，屋企人都休息一齊去飲早茶，去到德福稻香，竟然發現做緊所有點心半價優惠，真係好抵食徳福嘅稻香一直都好好態度，嗌人好快就有人應，抵讚！我地叫咗好多個點心，蝦餃~燒賣就梗係唔少得啦，皮薄餡靚，一下子俾小朋友食哂，要encore添！仲叫咗牛肉球，一籠有四隻，都味道幾好，牛肉好嫩，加埋喼汁，真係絕配！為咗飽肚，叫咗叉燒腸同叉燒包，腸粉就做得唔太出色，啲腸粉比較厚，唔夠薄最後叫咗小朋友最鐘意嘅薄撐，呢個有菜脯，蝦米煎出來好好味，值得一試

就快過新年,  間間中菜餐館都好full, 大家都差唔多時候食團年飯。我地一家人係德福二期稻香常客, 因為呢度位置比較方便我地o既長輩, 地方亦算寬敞好坐。今年如常嚟呢度食團年飯, 我地book咗18:00, 28人兩圍檯,嚟到即刻有得入坐唔使等。大時大節其實真係唔建議嚟食叫咗個套餐, 乳豬全體變咗咁樣... 頭大身細估計其他唔見咗既部份係去咗其他套餐o既乳豬併盤度喇...不過隻乳豬其實係好脆好好味, 如果佢比返少少肉我o既話仲正 (圖中o既乳豬得返層皮)其他嘢食有啲都可以接受o既, 只係比起平時淡味咗少少...而且有啲餸係需要點醬料, 問阿姐直接話呢碟餸無醬點。......今日係百無=0=

今晚約咗爸媽食飯，為咗唔想兩老過海於是約佢地去德福食飯，由於我唔熟個邊，所以媽媽提議去稻香，之前都去過飲茶，晚飯都係第一次試，去到去等左一陣就有位，好多人都喺度打邊爐，但我地揀咗食小菜，小菜好少選擇，所以都揀咗好耐先揀咗三個小菜，士多啤梨醬蝦球、勁蔥熱煱雞同花膠海皇豆腐。D餸都好快上枱，先講個士多啤梨醬蝦球，醬汁甜甜但士多啤梨味冇乜，蝦球都算大粒，ok。勁蔥熱煱雞都算幾抵食$68，望落都好似有一隻雞，味道尚可但肉比較「鞋」。至於花膠海皇豆腐，望落個樣真係完全吸引，但都算幾多花膠，就冇想像中咁淡，ok夠味。

又來到食蟹的季節，近年愈來愈流行食長腳蟹，從前吃長腳蟹動輒四位數字，現在普及了，價格也漸漸相宜了，星期六，日晚市才$888，價格合理。長腳蟹約三斤重，即叫即蒸，上菜時附上紅醋。個人認為不醮醋更佳，可原汁原味品嚐蟹的鮮味。長腳蟹肉質結實鮮甜，可供四位至六位成人吃。欖豉蒸沙巴龍躉仔，魚肉嫰滑，但豆豉稍稍搶了魚的鮮味，魚還是清蒸的比較好，但$98來說，是不錯的選擇。晚市孖寶有姬松茸螺肉雞湯配花膠豆腐煲，燉雞湯相當清甜，配料充足。花膠豆腐煲味淡，作為配搭尚可接受。