您的購物車沒有添加商品!
正常嚟講,客廳同房面積愈大,就需要愈大匹數嘅冷氣機。購買嘅匹數一定要同面積配合,先唔會曬咗。大家要注意嘅係匹數同製冷量(BTU)只係唔同冷氣機嘅冷凍能力量度單位,可以參考吓下面張圖。
面積 (平方呎) |
匹數 |
冷氣能量 (BTU/h) |
50 - 70 | 3/4 | 6,500 - 7,200 |
80 - 100 | 1 | 8,000 - 9,000 |
110 - 150 | 1.5 | 12,000 - 14,000 |
同樣匹數嘅冷氣機,BTU/h越大,就愈凍。不過,如果大家住或者返工地方經常受西斜影響或喺頂樓,所需嘅冷氣匹數亦可能比一般單位高,因此買冷氣機都要考慮呢個因素呀。
移動式冷氣同一般冷氣都係用冷熱交換嘅原理,所以制冷嗰時需要散熱同排風。一般廠商會附送排風管讓用家可以將熱氣排至室外,達到室內降溫嘅效果。
一般窗口機都要可能要接駁排水管,因為空氣含有水份,經過冷凝器同管道會化成水點,但係移動式冷氣機一般都會有自蒸發系統,用家使用就唔需要為排水問題而煩惱啦!
屋企空間細,家電最好就梗係多合一、一機多用啦!移動式冷氣機都可以滿足呢一方面嘅需求啦!好多機款都可以做到空氣淨化、抽濕等功能!甚至一啲高階型號可以做到製暖!一年四季都用到!免除收納煩惱啦!
Dometic 多美達 MA-900C 1.0匹 移動式冷氣機
問:移動式冷氣機係咪一定接駁排風管?
答:係!因為如果熱氣唔排到室外,熱氣就會喺室內不停循環,就會影響室內降溫效果。
問:移動式冷氣機係咪要用個桶接滴水?!
答:唔一定,因為移動式冷氣機一般都會有自蒸發系統!