內地訪談節目「女人30+」請嚟30歲以上的女藝人分享自己嘅生活。38歲嘅秦嵐亦成為座上客。目前依然單身嘅佢，大方談論自己對婚姻同愛情嘅睇法。秦嵐話自己會心急，屋企人會催，亦會通過相親嚟尋找意中人。但佢衡量愛情嘅準則從冇變過，亦唔會將就，閱盡千帆，依然會耐心等待，將自己託付俾真心相愛嘅嗰個人。
登入 瀏覽本網站，可獲取積分換領專屬優惠
點擊查看專屬優惠
38歲對於一個獨身女人嚟講係一個點樣嘅年紀？舊年因為劇集「延禧攻略」大爆紅，演皇后「富察容音」嘅秦嵐被媒體用「翻紅」呢個詞嚟形容。曾經喺「還珠格格」中演過「知畫」，「又見一簾幽夢」中演「綠萍」，係瓊瑤電視劇中御用嘅壞女二。到接到富察皇心弓心后呢個角色嘅時候，秦嵐仲講笑話要演一個從頭到尾都咁好嘅女人，竟然有少少唔習慣。
無論係綠萍，知畫定係大家最熟悉嘅皇后娘娘，秦嵐喺劇中嘅角色都係苦命嘅女人，為咗愛犧牲過太多。而喺現實中嘅秦嵐，感情路亦如角色一樣咁曲折，但唯一唔同嘅係，現實中嘅秦嵐對愛情仍有憧憬。
曲折的愛情經歷
黃曉明、陸川喺秦嵐承認嘅唯二兩個圈中男友，兩段關係都係認真戀愛，持續咗好長一段時間。秦嵐同黃曉明15年前因為「還珠格格3」相識相戀，4年戀情因為各自事業發展而中斷。黃曉明之後同Angelababy結婚，仲生咗一個仔小海綿。
同黃曉明分手三年之後秦嵐同內地導演陸川拍拖，呢段戀情四年後同樣告吹，而陸川喺15年都同主播女友拉埋天窗，仲生埋仔。
△陸川一家
漫長的尋愛路
前度們已經成家立室，留下秦嵐一個人獨自走上尋找真愛嘅路，喺延禧未播出之前，佢嘅感情生活仲未有咁多人關注，延禧播出之後，大家發現劇中溫柔賢淑嘅皇后娘娘竟然仲係單身，難免感到驚訝。每逢接受訪問，總會有人問佢，屋企人有冇催你快啲揾返個男朋友/老公？有冇著急結婚生仔？
喺內地電視節目《女人30+》上，秦嵐冇其他受訪者般堅強，佢反而坦白地話：「家人肯定有催我，媽媽一直不停催我，時間過得太快嘞，一眨眼10年就過咗去，我都好想揾到一個人陪我過下半生。」
佢都承認自己有去相親，但一直未揾到心儀嘅對象。秦嵐感歎時間過得太快，當你專注喺事業上嘅時候，忽而之間人就已經老咗，身邊亦已經物是人非。
秦嵐話早幾年爸爸曾經患上心血管疾病。需要四處揾朋友安排去北京做手術，秦嵐就話自己當時感覺成個人孤立無援，不知所措：「我當時覺得自己真係長大咗，因為當屋企有事發生，真係需要我去承擔呢個責任，我當時就好想身邊有人幫助我，同我一齊面對。」
好在最後都揾到朋友安排爸爸做手術。當你發現自己開始可以獨立處理身邊各種大小突發事件，可以成為屋企人嘅依靠嘅時候，對愛情反而唔再咁急切渴望。秦嵐亦是如此，正耐心等待白馬王子出現。
節目上秦嵐表示自己宜家好鐘意一個人買菜煮飯煲湯，獨居生活都要過得精緻有味道。
秦嵐仲講笑話，以前諗過如果遇到未來嘅老公，佢會找打對方一巴掌，鬧佢點解咁遲先出現。但係宜家覺得遇到未來老公，我就請佢坐下來，飲啖水，然後問佢「做咩咁遲先出現啊？嚟咗就唔好走喇。」
愛情與年齡無關
秦嵐係圈中少有承認有做醫學美容嘅女明星，佢坦認自己年齡唔細。如果唔做醫美皮膚就會鬆垮，好難維持年輕時嘅模樣。佢又話好明星真人都瘦到好似隻鬼咁，其實現實中並唔好睇。
但佢話年齡同愛情其實並冇關係，活到60歲依然可以追求愛情。相比起一段合作式婚姻，佢更想要真正嘅愛情，所以佢先唔會將就，將自己隨便交俾另一個人。
秦嵐覺得，宜家對自己嚟講，結婚係真正合適，真正相愛，而唔係依靠老公去支撐屋企，去做頂梁柱。喺對愛情同婚姻嘅期待之前，佢更加明白一個道理，人係獨立嘅個體，先愛自己，再愛人。遵循內心感覺，