租樓程序｜代理佣金慳錢法＋租金講價攻略

租樓如果想慳一筆，要唔要同業主／代理討價還價？搵到啱心水租盤，有咩竅門可以令業主減租？地產代理佣金又可以點樣減一啲？我們又同大家分享一下！

代理佣金點慳？

經地產代理租屋，代理佣金一般為一個月租金，由業主和租客雙方平均承擔，因此租客要準備相等於半個月租金的代理佣金，簽約時支付。是否一定要給代理佣金呢？答案好簡單，不找地產代理，就可以慳返呢筆花費囉！

事實上，搵樓網上就有不少業主自讓租盤，租客如果有時間有精力，當然可以找列明自讓的租盤，直接聯絡業主睇樓租樓。如果無時間、無精力、無從入手，咁就要畀佣金給代理為你效勞啦！

租金講價攻略

租客遇見心水租盤但覺得租金太貴？只要配合天時地利人和，同業主傾傾，也有機會可以心水租金租到心水租盤：

• 區內多個新盤落成入伙：租盤供應數量急升，租金議價空間自然大增。例如近年的康城、啟德，都係新盤集中地。

• 一筆過交半年甚至一年租：業主風險驟降，自然更願意減租。

• 安排自動轉帳：可考慮向業主提出以自動轉賬交租，以表誠意及向業主派定心丸。

• 市場環境處周期性低位：多留意區內近期租務成交、及財經地產新聞，遇上整體樓市受挫，減租的可能性更大。

租樓程序｜上一步：如何避免遇上凶宅、假業主？

租樓程序｜下一步：簽租約：生死約原來有得傾？

租樓程序｜延伸閱讀：租樓8大注意事項 避免中伏！