結婚前請三思！這20種男人要趁早分手 別因嫁錯老公而後悔！

有種男人經常有意無意「晒命」，晒人工、晒才華、晒物質，自命條件極佳，事事以自己為先，暗示你能和他一起，是他「睇得上你」。呢種男人眼裡沒有你，只覺得自己才是最優越，難以真誠地與人溝通，你真的要向他結婚過一世嗎？

不論出軌原因，一次不忠，百次不用，當男人出軌後被原諒，就會更加大膽，重複犯錯。而習慣花天酒地的男人，在他的眼裡「女人如衣服」，換衫就如同心癮一樣，唔好奢求佢會放棄呢種嗜好。所以男人無論同其他女仔玩曖昧定肉體上出軌，都不值得嫁，及早分手吧！

愛情最緊要講真心，與說話無句真的男人相處，只會令你變得疑心愈來愈重，因為完全估唔到他幾時真、幾時假，信了，只會你失望；不信，又何必繼續走下去？

有種男人戀愛經驗多多，對象換完一個又一個，可能覺得自己有魅力，又可能騎牛搵馬，即使已有伴侶仍然想搵個更好的。這種男人鐘意周圍撩女仔玩曖昧，永遠在尋找「真愛」，其實最愛的只有佢自己。身為女朋友尤其要小心他身邊永遠的紅顏知己，好有可能會撻著，絕不值得嫁！

愛情與麵包，你會選擇什麼？固然遇上對的人很難，但愛情要長久，都要建基於麵包之上。所謂貧賤夫妻百事哀，如果一個男人三餐不繼，個個月連奶粉錢都同供樓錢都成問題，甚至負責纍纍，你跟著佢只會得個捱字。所以女人千萬不能感情用事嫁給窮光蛋，除非自己好有錢，又不介意女尊男卑。

窮都唔係最可怕，最難頂係對任何事都斤斤計較。當男人凡事與你計到盡，拍拖時約會、購物、吃飯、看電影洗費都AA制，連零頭都唔放過，呢種吝嗇小氣的男人心胸一定狹窄而且小心眼，嫁得畀佢，肯定唔餓死都激死。

過份挑剔的男人很可怕！當他對任何事都睇唔上眼，不斷數落身邊朋友，甚至貶低歷任女友，亦肯定會對你嫌三嫌四，因為這種人不懂珍惜和發掘對方的優點，婚後肯定有排你受！

動不動就以粗口問候人的男人，一般都脾氣暴燥，非常容易動怒，婚後一定要飽受言語上的暴力，婚前如果你都忍緊佢，點解仲要同佢一生一世委屈自己？

男人可以無錢，但唔可以無上進心，否則將來日子怎樣過？唔通要靠女人養？日日不務正業無所事事，或做邊一行都不長久的男人，實在嫁不得。

有嫖賭吸毒傾向的男人固然唔洗諗，但即使是酒癮/煙癮太過嚴重，或太沉迷投機炒賣，都會影響夫妻感情，婚後極有可能變本加厲，終日沉淪。這種男人分分鐘惹是非，要你幫手還債或幫補生計，遭殃的只會是你。

機心重的人，一般比較冷酷無情，而且不會真誠待人。他為求達到目的不擇手段，甚至會利用身邊人，包括你！然而一段愛情不應存在任何利用及爾虞我詐，你實在難以睇穿佢對你真心或假意，長遠落去只會令你變得猜疑。實在嫁不得。

雖則世上並無不「花心」的男人，但有「有自制力」的男人，要男人專一並非不可能。江山易改本性難移，婚前喜歡到處留情的花心男，別妄想佢婚後會為你改變，何苦用一生去苦等？記住，只有當男人願意對你專一，才代表他認定你為終身伴侶。

唔浪漫唔細心都算，但要你百分百服從的大男人，開口埋口只會話湊仔係女人的事、洗衫煮飯是女人的事，衣來將手飯來張口，將老婆當工人，收工同朋友食餐飯講個電話都要管你，沒有為你留有私人空間及一絲尊重，嫁得畀佢肯定心力交瘁。