一直以嚟，我對 豐田 的士有一項樣色好感到興趣，就係 豐田的士，無論CROWN定COMFORT系列，大部分司機都會喺車頂裝多塊板，如果你比較 豐田 的士嘅原來規格，車頂隔熱板並唔係原裝設計，而係後來改裝。照政府一貫立場，應該唔支持呢種改裝，但香港好奇怪， 豐田 過去多年以嚟，喺的士車頂嘅僭建設計，一直都得到運輪署嘅許可。
正常嘅豐田的士，係應該咁嘅樣
如果 豐田 的士呢項設計，同乘客安全無關嘅話 以運輸署一貫以嚟嘅保守態度，唔應該俾香港成街 豐田 的裝隔離熱周街走，但現實係，車頂呢塊板，幾乎成為咗 豐田 的士喺香港橫行嘅標誌，直至現在。請政府解釋一下，運輸署嘅驗車官，係以乜理由批准 豐田 嘅的士安裝車頂隔熱板，乜 豐田嘅車，就可以唔駛車頂負載嘅問題，其他牌子就唔駛。以我所知，除咗 豐田 ，其他牌子甚少有安裝呢類隔離板。
豐田 喺香港得到嘅唔尋常待遇，係非常之令人懷疑，為顧及公眾利益，係必須將呢啲疑慮列出嚟，以免避免呢啲特權，最終傷害市民嘅生命財產。