喺香港離地工作時，很多時都會使用「動力操作升降工作台」或者「流動式工作台」，使用嘅時候，除左圖中嘅注意事項之外，究竟仲有咩要留意？喺決定選用邊種工作平台前，應充分考慮該工作嘅性質、相關構築物嘅設計、實際工作環境同限制。有需要時應尋求專業人士意見，選用最合適嘅工作平台進行離地工作。

「動力操作升降工作台」除咗需要由曾接受適當訓練人士操作，亦都要留意：

工作台應裝有聲響示警裝置，以便於底部高度不平時，發出警報提醒操作員

每次使用後記得熄匙同將鎖匙妥善交比相關人員保管

而使用「流動式工作台」時就要留意：

無製造商提供嘅原廠配件以加強其穩定性下，禁止喺斜坡、樓梯、不穩定、凹凸不平地面或者有機會令工作台比移動中嘅物件撞擊嘅地點搭建或使用

必須嚴格依從製造商使用手冊內有關流動工作台的高度與底邊比率及其他安全建議

不可任意把流動工作台加高至超出製造商嘅建議高度

使用時應先鎖緊所有腳輪，而移動期間嚴禁停留於工作台

仲有仲有使用前必須圍封工作範圍，記得根據返升降台的負載決定可於工作台上的人數，身處工作平台任何時間工人必須將重心保持喺平台範圍內。要時刻留意天氣情況同埋嚴格依從製造商使用手冊裡面嘅相關安全建議呀

如果大家想了解多啲，可以瀏覽以下由勞工處網頁下載高處工作安全概覽!

（Pinky ）

#築夢女生 #DreamGirls #地盤術語 #地盤梯具 #高空工作 #地盤安全