Facebook

【當年今日】珍寶海鮮舫大火
相信大家都知道香港有個食海鮮嘅靚地方，就係喺香港仔嘅「珍寶王國」。「珍寶王國」由珍寶海鮮舫同太白海鮮舫兩艘畫舫組成。喺60年代尾，太白海鮮舫嘅經營者、商人王老吉諗住建造一隻大啲嘅海鮮舫，於是投資1400萬，以宮殿形式興建高4層、長250呎、闊30呎嘅珍寶海鮮舫。

珍寶海鮮舫喺1971年幾近完工，原本諗住喺11月開幕，不過喺嗰年10月30號裝修期間，近三樓櫃面嘅燒焊工人唔小心引起火警，火勢迅速蔓延，成艘海鮮舫陷入火海，亦不時傳出爆炸聲。當時海鮮舫停泊喺海中心，著火後其他船隻難以靠近救人，百幾名工人被困，有部份工人懷疑走上頂樓後跳海逃生，不幸墮下船舷或者撞到欄杆而亡。大火最終造成34人死亡、42人受傷，後來王老吉無能力繼續投資，最後將海鮮舫嘅業權賣咗俾賭王何鴻燊同新世界發展創辦人鄭裕彤，珍寶海鮮舫最後喺1976年10月先至正式營運。

而演員周星馳响《食神》套戲入面，就係同谷德昭喺太白海鮮舫入面比試廚藝，因為呢一個幕，令「珍寶王國」名揚中外。

圖片嚟自網絡。
#當年今日