【酒後切勿駕駛！】KOL「玻璃朱」朱庭萱涉醉駕被捕 傳撞傷一菲籍男子 獲准保釋候查

 

請Like我哋個Page：

生活提案事務所 Lifenews HK

「玻璃朱」朱庭萱今日驚傳被捕！

有消息指出，根據警方資料，一名姓朱的女子，今日凌晨揸車途經灣仔，期間撞倒一名菲律賓籍男子。警方接報到場，要求該名女子進行酒精呼氣測試，證實其體內酒精含量超標，該女子亦涉嫌酒後駕駛被捕。現時該名女子獲准保釋，但涉事私家車就被扣查，佢亦需要喺2月下旬去警署報到。

（圖片來源：Instagram @chubonnie）

朱庭萱係一名飲食作家，開設煮食博客「玻璃朱城」，因此成日被網民稱為「玻璃朱」。佢近年多次發表出位言論，包括自稱曾經同黃宗澤拍拖，又曾經批評MIRROR外貌，話佢哋嘅樣「行落旺角大把」，又笑鏡粉係「井底之蛙」，一直備受爭議。

（圖片來源：Instagram @iamkingjer）

今次驚傳佢涉嫌酒駕被捕，唔少網民都紛紛抽水，重提楊明被控不小心駕駛一事，問佢「點解要做酒精呼氣？學楊明嘛」，又話佢「唔係成日沖（衝）出嚟話人犯法架（㗎）咩？」，質疑佢知法犯法。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！