playhouse喺近呢幾年越嚟越受歡迎，帶小朋友去playhouse不但可以比小朋友喺玩樂中學習，仲可以比佢哋好好放電！
今次小編就精選咗總共10間playhouse推介，新界九龍港島區都有，啱晒住喺唔同地區嘅你～
- CHILDLIKE 童心樂園
- Chill Kids Club『大型超級親子天地』
- Happy Theory playhouse 室內遊樂場
- 香港荃灣帝盛酒店 - Kids Zone
- 香港Kiztopia兒童室內遊樂場
- Triangle Plus 親子歷險攀爬樂園
- 2Gather兒童室內遊樂場
新界區playhouse推介:
1. CHILDLIKE 童心樂園
CHILDLIKE童心樂園位於荃灣愉景新城，樂園佔地約8000呎。
樂園提供多個遊戲區域，總共有15個玩樂區域比小朋友盡情享受。
（圖片來源：Klook）
遊戲區域包括滑梯、波波池、大型沙池、滑軌區、迷宮區、跳彈床、氣球區、小型車區、旋轉木馬、換裝舞台、角色扮演廚房超市、角色扮演服裝區、角色扮演警察局、角色扮演消防局、MR體感遊戲同小船漂流等。
遊戲區域涵蓋各種唔同嘅遊戲體驗，比小朋友盡情玩樂同探索。
（圖片來源：Klook）
其中嘅MR互動體驗專區，係全港首次引入MR混合實境技術遊戲體驗。
結合咗VR同AR技術，令玩家能夠360度感受真實虛擬嘅互動體驗，令遊戲更加真實同刺激。
（圖片來源：Klook）
CHILDLIKE 童心樂園｜詳情（按此預訂可享優惠）：
- 地點：新界荃灣青山公路荃灣段398號愉景新城L1, 1029-1030（地圖）
- 營業時間：星期一至日 11:00-20:30
- 價錢：HK$260起 / 1位成人+1位兒童(價錢為2小時體驗)
2. Chill Kids Club『大型超級親子天地』
Chill Kids Club 位於機場附近，室內兒童遊樂場佔地32,000平方呎。
遊樂場最特別係設有大型落地玻璃，小朋友同家長可以近距離觀賞飛機升空。
（圖片來源：Klook）
場地被劃分為2個主要區域，分別係「放電專區」同「幼兒專區」。
並提供咗18個唔同主題嘅遊樂設施，適合0至12歲嘅小朋友盡情玩樂。
（圖片來源：Klook）
18個主題遊樂設施旨在激發小朋友嘅想像力同創造力，同時刺激幼兒嘅感官發展同四肢訓練。
包括粉色天地、拱形滑梯球池、親子農場、室內巨型沙池、創意積木區、彈床區、賽車場、充氣滾輪、軟墊障礙賽等。
每個設施都有其獨特嘅遊戲體驗，小朋友可以選擇自己喜愛嘅活動，同時係遊戲中學習同成長。
（圖片來源：Klook）
Chill Kids Club『大型超級親子天地』｜詳情（按此預訂可享優惠）：
- 地點：香港國際機場航天城東路6號 K11 ATELIER 11 SKIES 二座6樓（地圖）
- 營業時間：10:00-18:30（每月各有不同，請留意網站最新公佈）
- 價錢：HK$48起 / 1位成人 , HK$224起 / 1位兒童（1 - 12歲）
- 12歲以下入場兒童必須有成人購買入場門票陪同。1歲以下幼兒免費
3. Happy Theory playhouse 室內遊樂場
Happy Theory playhouse位於荃灣海之戀，佔地面積達3000平方呎。
呢個遊樂場專為6個月大到8歲嘅小朋友設計，提供豐富多樣嘅娛樂設施及學習體驗。
（圖片來源：Klook）
場內設有7個主要遊樂區域，每個區域都有獨特嘅設施同活動，旨在促進小朋友體能發展同智力成長。
設施包括繩網、滑梯、木沙池、透明爬行通道、攀石牆等。
呢啲設施可以激發小朋友嘅動手能力、平衡感以及協調能力。
（圖片來源：Klook）
小朋友可以通過同其他小朋友互動及合作，培養社交技能以及團隊合作精神。
同時，遊樂場提供一啲智力遊戲及益智玩具，令佢哋可以喺遊玩中學習問題解決、創造力同思維能力。
（圖片來源：Klook）
Happy Theory playhouse 室內遊樂場｜詳情（按此預訂可享優惠）：
- 地點：荃灣海之戀商場 3樓 3014至3015號舖（地圖）
- 營業時間：星期一至日 10:30-20:00
- 價錢：HK$76起 / 1位成人 , HK$132起 / 1位兒童（1 - 9歲）(價錢為1小時體驗)
4. 香港荃灣帝盛酒店-Kids Zone
荃灣帝盛酒店有一個專為兒童而設嘅遊樂天地—Kids Zone。
Kids Zone內設有五個唔同主題嘅互動遊樂區，每個區域都為小朋友帶來獨特嘅體驗。
（圖片來源：Klook）
超級英雄主題區，小朋友可以化身為自己心愛嘅超級英雄。
仲有波波池天地，呢個區域設有波波池，小朋友可以盡情玩樂同探索。
小朋友仲可以扮演救火英雄，體驗消防員救火嘅刺激場景。
（圖片來源：Klook）
對於鍾意公主同華麗派對嘅小朋友，公主華麗派對主題區將會帶比佢哋一個夢幻般嘅體驗。
佢哋可以著上華麗嘅公主服裝，參加精心設計嘅派對活動。
Kids Zone仲設有小小城區，模擬一個小型城市嘅場景。
小朋友可以扮演唔同角色，如醫生、老師、商人等，體驗城市生活嘅樂趣。
小朋友們可以喺遊戲中盡情展現想像力同創造力。
（圖片來源：Klook）
香港荃灣帝盛酒店 - Kids Zone｜詳情（按此預訂可享優惠）：
- 地點：荃灣帝盛酒店 葵涌健全街28號 , 3/F（地圖）
- 營業時間：星期一至日 11:00-19:00
- 價錢：HK$80起 / 1位兒童(價錢為45分體驗)
5. 香港Kiztopia兒童室內遊樂場
Kiztopia提供結合咗「玩樂、學習、美食同親子遊樂」嘅一站式全新體驗。
遊樂場佔地12,000平方尺，擁有多達15個遊樂體驗區。
（圖片來源：Klook）
以8個原創角色為主題，設施包括刺激腎上腺素嘅大型攀爬區、2層樓高嘅滑梯、色彩繽紛嘅巨型波波池、創意角色扮演同具有挑戰性嘅障礙訓練場等。
（圖片來源：Klook）
每個遊樂區都設有特定嘅學習目標，旨在幫助培養共7種成長智能。
包括圖像、身體、邏輯、人際關係、音樂、自我以及文字智能。
小朋友喺玩嘅同時，仲可以通過各種活動同遊戲培養唔同方面嘅智力以及技能。
（圖片來源：Klook）
香港Kiztopia兒童室內遊樂場｜詳情（按此預訂可享優惠）：
- 地點：新界沙田新城市廣場一期 PLAY PARK LB08-LB09（地圖）
- 營業時間：星期一至日 10:00-20:00 （最遲入場時間：19:00）
- 價錢：HK$158起 / 1位小童(1-12歲)及 1位成人(18歲以上)
6. Triangle Plus親子歷險攀爬樂園
Triangle Plus親子歷險攀爬樂園位於香港荃灣PLAZA 88，佔地30,000呎。
樂園由六個具有挑戰性同多元化設施組成，仲設有Triangle Cafe餐飲區。
（圖片來源：Klook）
Triangle Plus親子歷險攀爬樂園由專業攀岩教練團隊帶領嘅攀岩活動，小朋友可以喺遊戲中學習新技能，體驗最原始嘅快樂。
樂園使用嘅產品同材料均獲得歐盟標準認證，仲設有專業教練提供指導，安全性無庸置疑。
（圖片來源：Klook）
樂園提供安全、有趣同具有挑戰性嘅環境，比小朋友通過攀岩活動培養自信心、協作能力同身體協調性。
同時，家長們都可以係餐飲區休息同享受美食。
（圖片來源：Klook）
Triangle Plus親子歷險攀爬樂園｜詳情（按此預訂可享優惠）：
- 地點：荃灣PLAZA 88（地圖）
- 營業時間：星期一至五 11:00-23:00 ，星期六至日及公眾假期 10:00-21:00
- 價錢：HK$318起 / 2位入場人士(價錢為2小時45分體驗)
7. 2Gather兒童室內遊樂場
2Gather兒童室內遊樂場係一個近萬尺嘅室內遊樂場。
遊樂場提供咗多個唔同嘅玩樂專區，等小朋友可以盡情享受樂趣。
（圖片來源：Klook）
呢到有多個唔同嘅遊樂區域，包括旋轉木馬、繩網攀爬區、跳彈床、動力沙池區、露營體驗區、煮飯仔體驗區、化妝體驗區、駕駛區、海綿池攀石投影區、Babygym同大型釣魚區等。
提供唔同嘅遊戲和體驗，令小朋友可以係安全又有趣嘅環境中玩樂同探索。
（圖片來源：Klook）
另外，2Gather兒童室內遊樂場仲設有飲食區，等家長同小朋友可以喺玩樂過程中享用飲品同小吃。
可以喺遊樂場內度過一整天嘅時光，同時享受美食同休息。
（圖片來源：Klook）
2Gather兒童室內遊樂場｜詳情（按此預訂可享優惠）：
- 地點：沙田石門安群街3號京瑞廣場一期162舗（地圖）
- 營業時間：星期一至五 11:00-20:00 ，星期六至日 10:30-20:30
- 價錢：HK$130起 / 1位成人及1位兒童（1-10歲）
九龍區playhouse推介:
1. 香港 Bouncetopia by Kiztopia 室內遊樂場
Bouncetopia by Kiztopia面積超過8,000平方呎，係全球最大嘅Bouncetopia門店之一。
遊樂場內主要以兒童充氣彈跳城堡為特色。
（圖片來源：Klook）
遊樂場內擁有多個遊戲區域，包括彈床、滑梯、攀爬架、彈跳區同其他互動元素。
Bouncetopia嘅設施同遊戲區域都經過精心設計，旨在提供充滿挑戰性同刺激性嘅遊玩體驗。
小朋友可以通過跳躍、攀爬、滑行等活動，鍛煉身體協調能力同運動技巧。
（圖片來源：Klook）
除咗充氣彈跳城堡，遊樂場仲提供其他多種遊樂設施，比小朋友能夠盡情享受。
Bouncetopia仲提供棉花糖機，比小朋友可以親自體驗製作棉花糖嘅樂趣。
製作棉花糖唔止比小朋友感受到自己動手做甜點嘅樂趣，仲可以培養他們嘅手眼協調能力同細微動作技巧。
（圖片來源：Klook）
香港 Bouncetopia by Kiztopia 室內遊樂場｜詳情（按此預訂可享優惠）：
- 地點：啟德AIRSIDE 4樓 401 & 422店（地圖）
- 營業時間：星期一至五 12:00-20:30 ，星期六至日 10:00-20:30
- 價錢：HK$128起 / 1位小童(1-12歲)及 1位成人(18歲以上)
2. Kids Kids Car「兒童動靜皆宜天地」
Kids Kids Car「兒童動靜皆宜天地」有3個主要園區。
包括安全使用兒童電動車、模擬職業體驗遊戲區同活動四肢嘅樂園天地。
有專為兒童設計嘅電動車，比小朋友可以喺安全環境中體驗駕駛嘅樂趣。
透過呢個體驗，小朋友可以培養駕駛技巧同交通安全意識，同時增加佢地嘅自信心。
（圖片來源：Klook）
模擬職業體驗區提供咗模擬各種職業嘅活動，例如模擬醫生、消防員、廚師等。
透過呢啲小遊戲，小朋友可以體驗唔同職業嘅工作內容，啟發佢哋嘅想像力同探索精神，同時都可以培養佢哋社交能力。
（圖片來源：Kids Kids Car）
歡樂小天地提供咗各種活動四肢嘅遊戲設施，例如攀爬架、滑梯、彈床等。
小朋友可以盡情運動同娛樂，同時增強身體素質同協調能力。
（圖片來源：Kids Kids Car）
Kids Kids Car「兒童動靜皆宜天地」｜詳情（按此預訂可享優惠）：
- 地點：尖沙咀廣東道 33 號中港城（地圖）
- 營業時間：星期一至五 12:00-19:00 ，星期六至日及公眾假期 11:00-20:00
- 價錢：HK$99起 / 1位
港島區playhouse推介:
1. Sooper Yoo
Sooper Yoo係位於港島西嘅大型室內兒童遊樂場。
遊樂場旨在通過各種刺激身心嘅遊戲，啓發小朋友嘅思維同培養佢哋肌肉發展。
提供咗多種具有創意同挑戰性嘅活動，比小朋友可以係遊戲中發揮想像力同創造力。
（圖片來源：Klook）
（圖片來源：Klook）
Sooper Yoo主要特色之一係大型攀爬障礙迷宮，迷宮設計獨特且刺激，小朋友可以挑戰自己嘅平衡同協調能力。
遊樂場仲提供比小朋友同科技互動嘅運動比賽。
包括模擬一級方程式單車比賽，等小朋友可以體驗到高速競速嘅刺激或者同虛擬動物賽跑，激發小朋友嘅競爭精神。
呢啲遊戲鼓勵小朋友通過參與運動同科技嘅結合，培養佢哋創意思維同解難能力。
（圖片來源：Klook）
另外，仲設有Now Virtual Studio，小朋友可以扮演小主播，進行口頭表達同演講，體驗成為明星嘅感覺。
有助於培養小朋友嘅表達能力同自信心。
（圖片來源：Klook）
Sooper Yoo｜詳情（按此預訂可享優惠）：
- 地點：香港堅尼地城卑路乍街8號西寶城一樓（港鐵香港大學站C2出口）（地圖）
- 營業時間：星期一至日 10:00-18:45
- 每節開始時間 ：10:00 / 12:15 / 14:30 / 16:45（每節2小時）
- 價錢：HK$195起 / 1位成人及1位兒童（4歲或以上）
放假除咗可以帶小朋友去playhouse，你地仲可以去下Glamping、Party Room、工作坊！
想知仲有邊到室內地方適合帶小朋友去放電？即刻按此了解更多！