未去到小丑既級數都唔好學人講咩抽離唔到，但呢位花旦公關災難級既回應，就真係同小丑冇分別。抽來也抽去，抽身教人掉眼淚？秋生也教過我們，方法演技笨唔係拎嚟做出軌既藉口，學王喜話齋，如果你演個角色係要食便便，又或者做殺人犯強姦犯，咁又點？你係咪又抽離唔到一世做殺人犯強姦犯？

其實根本冇所謂抽離唔到，只視乎你想唔想抽離。拍劇果陣唔覺意過到電，覺得對方吸引，只係入戲需要，嗌完Cut，咪又係各自行開補妝煲煙玩電話？如果你演個角色做人老婆女朋友一頭半個月就已經話抽離唔到，咁你做謝先生個女朋友一年半載，又唔見你話太入戲抽離唔到？又有閒情抽離角色抽身去受其他仔媾？

乾脆承認自己情迷意亂，唔定性，又或者本身個正印滿足唔到你，所以你先忍唔住玩玩吓，點知道行未夠，玩出火，你唔係第一個，亦唔會係最後一個，但其實成年人世界，所有嘢你都可以做，只要承受返個後果就得，偷食就偷食，你賴話自己抽離唔到，同啲男人話飲大咗所以隊錯第條女有咩分別？呢啲所謂藉口，人唔笑狗都吠啦吓話？