「花師奶」驚喜現真身　網民：別怪她！別怪她！

由金剛、小儀主持的飲食節目《街坊廚神》系列長拍長有，最近於10點半時段播出的《街坊廚神重出江湖》亦是收視不俗，可惜咁快又已經播完啦！但今輯最後一集最驚喜之處，莫過於配音員雷碧娜出場做頒獎嘉賓！
Cap嚟見我
雷碧娜驚喜現身《街坊廚神》《街坊廚神》系列每集都會有「學廚PK賽」環節，由金剛小儀鬥廚藝，雖然金剛過去都係輸多贏少，但今次終於爭一口氣，以7:3擊敗小儀！而呢晚的頒獎嘉賓，竟然係一直在幕後為節目擔任旁白的資深配音員雷碧娜，出場時更以佢唱的《別怪她》為背景音樂，觀眾超驚喜！

「街坊女神」現身喇！

據知雷碧娜雖然為節目任旁白，但原來今次先正式同金剛、小儀會面！

估唔到做咗咁耐節目先第一次見。

金剛終於威返次！監製邀請登場人稱「雷姐」的雷碧娜雖然接受過唔少訪問，但甚少喺電視節目中現真身，難得今次在《街坊廚神》亮相！

雷碧娜接受傳媒訪問時表示，原來係監製覺得佢都做咗五輯節目，所以不如出一出鏡！

唔止「花師奶」1976年麗的藝員訓練班入行的雷碧娜，擔任配音工作已有40多年，由佢聲演的角色數之不盡，最深入民心一定係《我們這一家》花師奶！另外仲有《火影忍者》鳴門、《全職獵人》小岡、《棋靈王》進藤光以及《咕嚕咕嚕魔法陣》勇者仁傑等，呢把聲音確係陪住好多小朋友成長！
《火影忍者》鳴門《棋靈王》進藤光無綫熱播劇《延禧攻略》中，如果大家係聽廣東話配音版的話，其實皇太后都係由雷碧娜配音！撰文：東方新地


[圖擷取自網路，如有疑問請私訊]