近排大台新劇《她她她的少女時代》由田蕊妮擔大旗，仲有曹永廉和李思捷。雖然呢個組合相當新鮮，但最令人眼前一亮的，一定係飾演曹永廉少年時期的20歲童星Jacky仔王樹熹！
登入 瀏覽本網站，可獲取積分換領專屬優惠
點擊查看專屬優惠
3歲入行 今年已入行17年
呢位小童星原來3歲已經入行拍戲，數下手指，今年20歲嘅佢原來已經入行17年，藝齡分分鐘多過而家TVB二、三線嘅藝人。
剛剛喺《她她她的少女時代》飾演少年版曹永廉，喺廁所被欺凌嗰一場戲，真係演得好好，編輯睇嗰陣都仲諗緊到底呢個演員係邊個，點解年紀輕輕可以咁好戲？
原來係已經有十幾年演藝經驗嘅童星，難怪難怪！
仲有喺碼頭同少年田蕊妮談情呢場戲，真係睇到人眼濕濕！充份演出少年為愛奉獻嗰種青澀、勇敢和偉大！
Jacky仔喺2005年劇集《翻新大少》入面飾演歐陽震華個仔「Jacky仔」，當年精靈活潑，而且演戲毫不造作嘅「Jacky仔」非常得人鍾意，而「Jacky仔」呢個名亦由戲內紅到戲外，成為無人不曉的名字！
▲你可能講唔出佢拍過咩劇，但佢演過嘅TVB電視劇你一定會有睇過。呢套與歐陽震華一起演的《爸爸閉翳》，係Jacky仔演藝生涯第一個高峰，即2007年時的作品，大家有冇印象呢？
▲跟馬國明合作過的電視劇，大家說得出是哪一套嗎？
▲還有跟現已少回TVB拍劇的林保怡老友鬼鬼！
▲仲有一句非常出名嘅「去迪士尼做足準備」嘅迪士尼樂園廣告，非常深入民心㗎！
Jacky仔最出名的代表作，怎能不提劉德華嘅《童夢奇緣》呢？
當時飾演B仔，雖然戲份不多，但一出場佢嘅招牌樣已經即刻覺得超有親切感！
而他參演過的劇集仲包括《法證先鋒》、《奸人堅》、《情迷黑森林》、《秀才遇著兵》、《隨時候命》、《十兄弟》等等，合作的全是粒粒大星，只是後來因為專注學業的緣故而減少幕前演出。
哥哥同是童星 長大轉做幕後
Jacky仔嘅哥哥王秉熹（Jeffrey）同樣都係童星，不過佢參演嘅劇集就冇Jacky仔咁多，不過佢就係學霸，讀書叻過Jacky仔好多。
中學已經就讀喇沙書院嘅佢，今年24歲，大學更升讀出名難入嘅浸會大學傳理學院電影系。
而佢執導嘅畢業作品《成長中》更獲得「全球大學電影獎」嘅「浸大電影特別推薦獎」，絕對有望成為演藝圈的幕後新星。
而當年DSE僅考獲21分嘅Jacky仔雖然都心儀跟哥哥同一學系，但就因為分數問題就入唔到，不過最後都入到第二志願城市大學媒體與傳播系，不過佢同哥哥嘅路好似有啲唔同，都想做返幕前。
長大後嘅Jacky仔少咗份童年嘅稚氣，而家面型變得菱角分明，而且都幾靚仔，仲有啲文青feel，大家覺得佢啱啱做幕前呢？