王秀琳胸懷兩大痣

曾經同天王郭富城傳緋聞嘅王秀琳（Mango），過往嘅男友全部都好有米，所以就算淡出娛圈，仍然生活無憂；佢o依家仲轉搞飲食生意，升呢做老闆娘添。

平日，最鍾意孖住啲富二代飲飲食食嘅Mango，至叻就係晒嘢，有時晒下自己食咗咩高級餐廳，有時又晒下自己用乜嘢名牌手袋；不過，佢最近晒嘅嘢，宅男一定好想睇！東姑發現Mango為追趕夏天嘅尾巴，於是孖住一班索姊妹同富二代，齊齊去遊船河。Mango今次絕對大解放，兼狂晒胸懷大痣，仲要係有兩粒咁多添，好誘惑噃！

玄學家司徒法正就表示，心口有痣嘅女仔一般會嫁有錢人，「個胸有痣嘅女仔，一般會嫁有錢人，仲會福氣好好添！但係，以呢個女仔胸脯嘅痣去睇，啲痣生嘅位置就唔多好，姻緣比較麻麻。」難怪，Mango要咁落力周圍聯誼啦！

據玄學家司徒法正所講，胸懷大痣人緣好，一生中貴人多，不過以Mango（左）心口兩粒痣嘅分布嚟睇，姻緣就比較麻麻！

同船仲有郭富城御用跳舞老師Sunny Wong，以及佢個名模老婆洪華，一眾型男、索女再加上性感水着，非常吸睛。