昨晚十時放工想同男友去据扒,在網上search就來到這裡難得在同區十點後仲有地方据扒已經好開心,仲要食得好滿足=)好的~1. 十點幾去到冇乜人,好靜,超正!2. 環境好靚, 張sofa好舒服. 下次去飲杯o野坐吓都好3. 點了推介項目"牛肋骨"及"燒肉眼扒",兩個set都ok, 但以前者好味d 有待改善的﹕1. 可能個場冇乜人,除了一入來落單之外,其餘好似叫極都冇侍應理2. 東亞信用咕結脹有田螺送,但係冇殼又唔好食3. 好奇怪,落漏單,上奶茶時冇上tea spoon4. 餐湯冇得揀,且有鹹咗少少anyway, 我們都好enjoy. 食得好飽好開心
繼續閱讀
12
3
3
以上資料只供參考, 請與餐廳確認詳情
o係灣仔返工之後，幫襯過3 次呢間野，結合黎作一個食評講真，一路都係覺得扒王o既o野物非所值架喇，但我諗呢間以扒王水準黎講都算係中上。服務，幫襯左幾次都覺得佢服務幾好，經理阿叔招呼周到。服務、環境同衛生都值得畀4 分咁跟住講到重點- 食物。我諗呢樣野一直都係扒王為人垢病o既地方... (真荒唐，點解扒王仲有咁多人幫襯...) 幫襯3 次試o左幾樣o野，一次係食過平D o既餐，o個個主菜反而係3 次中最好... 另外兩次都係食一個過百蚊o既牛扒餐，非常唔掂，舊扒唔知點解可以煎到好似柴頭咁乾晒，見到下面有篇食評話舊扒似"煲湯牛肉"，諗落都真係好似；食過個鵝肝，但又係偏"火農"o個隻；焗蠔，都整得可以總括黎講，又不至於畀一個喊面(否則我去完1 次唔會再去)，但掂唔掂，就真係見仁見智。我feel 到整平餐同整貴o野o既應該係唔同師傅，我想話，整貴o野反而仲整得難食，咁你咪即係趕走你D "貴客"... 加上佢D 平餐都已經唔算平，加埋一成六十皮，都冇可能日日幫襯。阿李大老闆或者呢間舖o既經理阿叔，如果你見到呢篇食評，我會嚴重地建議你應該即刻兜o左整貴餐o個個大廚，多謝。
繼續閱讀
其實一早已聽過扒王之王的大名，無論同事、同學及朋友、識食唔識食都異口同聲對呢間野給予劣評。因為冇錢，所以一直冇食。尋日終於有幸得嚐....我與同學均點了安格斯牛柳(報紙登廣告果隻)。侍應反應慢，俾錯湯都算。最火滾係主菜：安格斯牛柳。上菜時，賣相還可以，但夠牛柳就真係同報紙一樣「咁大舊」。所以要好小心切。我們二人都要的是六成熟，但老砌下去之後至少八成熟以上...算。吃下去，乜野叫做難食，即時feel得到。唔「臨」失敗；冇味，失敗；有渣，更失敗。感覺就好似老媽子用來煲湯的瘦肉。真係食之無味，棄之可惜。茶餐廳同大家樂都冇佢咁差。加埋杯餐茶，我叫凍檸檬茶，冇叫少甜，佢就整杯少甜俾我(隻杯仲要裂，搞到成枱水)。由於趕時間，所以怱怱走人，每人一百元，真係想叫佢回水。扒王之王，巴西燒烤，自己煮都好過佢...
繼續閱讀
星期六和兔公主在放工去書展見到書展仍是人山人海的樣子於是和兔公主先食晚飯不幸地走進了鷹君中心的扒王之王這扒王之王裝潢比一般的扒王之王美麗而價錢亦比一般的扒王之王昂貴點菜時已有叫喚侍應之苦完全一派港式快餐態度你有你叫喚他有他垂頭收卓子擺放餐具幾經艱難才有侍應為我們落單兔公主點了厚身薄切肉眼扒而魔鬼點了爽豬扒放餐具時侍應完全忘了給兔公主放切牛扒的刀又是港式快餐一把牛油刀走天涯的態度上菜一看我的爽豬扒不提也吧那根本不是豬扒而是幾塊豬肉堆在一起而兔公主厚身薄切肉眼扒有一條明顯的脂肪在旁完全是西冷牛扒的外表切開一看肉質結實令人難以相信那是肉眼扒一咬下去六成的牛扒有9成的牛皮口感忍不住叫經理過來經理說我們已切得較碎因此不能肯定問題他會問一問廚房我心想我們不把那小得可憐的牛扒中那四份一的脂肪切走我們如何進食最可惡的那只是推托之詞到我們結帳時經理也沒有來交代一下於是我有心在結帳時叫經理過來問仔查詢得怎樣他還好意思告訴我今天較忙未有時間入廚房我告訴他做不到的不要回答客人在簽帳時tip一欄我填了一毫子因為他們的食品質素特別是服務態度最多只值一毫子
繼續閱讀