7
2
2
開飯介紹
招牌豬骨湯拉麵的湯底，以大量豬骨熬煮，而且有4款口味，更不時推出期間限定款式。店舖以木為設計主軸，營造舒適又具有日本風味的環境。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
東港城日式超市內開左一間新拉麵店，感謝祭血拼之後見到6點至9點有餃子(或者汽水) 送咁抵，就坐底左食拉麵。日本魚乾豬骨湯拉麵 $88湯底帶濃香鰹魚香味，原來用左4種鮮魚熬製，豬骨湯白雪雪夠濃厚，唔會死咸，濃郁湯底一般會配較粗同有咬勁嘅麵底，呢度都唔例外，配料有黑目耳絲，紫菜，溫泉蛋1隻，叉燒3片，叉燒用上火炙五花腩，食完暖笠笠，加口清爽麥茶，滿足。蝦味噌豬骨濃湯拉麵 $88另一碗試蝦味噌，一上枱就見到灑上滿滿櫻花蝦粉，蝦香撲鼻，湯底用北海道鮮蝦同櫻花蝦粉，味噌咸中帶甜，配料同樣是黑目耳絲，紫菜，溫泉蛋1隻，叉燒3片。小食叫左芝麻雞翼 $48, 炸得好香脆，連雞翼尖都唔可以放過。龍蝦沙律$38 跟5塊紫菜，可以包住龍蝦沙律食，38蚊有2大球龍蝦肉，感覺賺到了，滿滿龍蝦肉混入蟹籽同沙律醬，紫菜香脆，口味清新，做頭盤配搭一流。個人覺得對比對面的大型拉麵店，呢間鳴虎湯底更濃郁，唔死咸，麵底更有彈性，坑口街坊又多一個美味拉麵嘅選擇。
繼續閱讀
買嘢食嘢都方便嘅東港城，平日下午都係人流也不少。喺一田超市買完嘢出嚟，見到這間日式拉麵店，二話不說坐低依肚先。座位全是吧枱式設計，並圍繞着開放式廚房。拉麵款式唔算多，大概有五至六款左右，最緊要做到專業有水準。鳴海老🦐🦐蝦味噌豬骨湯拉麵加入咗櫻花蝦粉和北海道嫩蝦，味噌湯底帶着一種濃郁嘅蝦殼味道，完全感受到海鮮嘅精華，鹹中帶鮮味。採用直身麵條，軟硬度適中，糖心蛋香軟入味，日式叉燒有三大塊，厚薄適中，烤得焦香，肥瘦相間肉質尚算鬆化。當然還有爽口嘅木耳絲增加口感。波子汽水(可樂味）日式拉麵配波子汽水令到食拉麵嘅氣氛特別濃厚認真😋可樂味唔算太甜，最緊要夠氣夠冰凍！👍🏻鳴虎 （日本魚乾乾豬骨湯拉麵）淨係豚骨湯底已經滿足唔到拉麵控對湯底嘅要求，加入魚乾味道更有層次。豚骨湯底依然有膠質黏性但唔算強，味道醇厚，面層的油份keep到溫度，令拉麵入口更滑溜！😋龍蝦沙律🦞加入左明太子嘅沙律球，略嫌偏鹹，但食到啖啖的蝦肉再配脆口嘅紫菜，配搭不俗。學生惠顧仲有優惠，而且奉送小食～
繼續閱讀
這間店好特別位於商場一田內的舖位，是開放式約左十多個枱式座位可以堂食或外賣，邊行邊聞到拉麵湯香氣，就行完街街坐底食。主要有四款拉麵鳴虎（日本魚乾豬骨湯）綠虎(四國香蔥油)黑鳴虎(博多黑蒜油)鳴海老（北海道蝦味噌豬骨湯）店員服務態度非常好黑虎博多香蒜油拉麵$88黑蒜油湯味夠香濃有叉燒片、木耳絲、紫菜和溫泉蛋一片片叉燒肥瘦均勻，溫泉蛋的流心黃呈現流心拉麵每條都爽口彈牙麵湯底味道剛剛好濃不會油膩每一條麵條都沾上蒜香撲鼻的湯底精華綠虎 四國香蔥油拉麵 $88最愛吃香蔥就必食這個，加入美味四國香蔥油一條條入口感爽彈，煙韌度適中木耳絲很爽口，蔥很多很香，最愛多蔥湯底鮮香而不鹹每條麵條均勻沾上香蔥與濃湯肉質柔軟不太韌炸吉列大蝦即點即炸金黃色脆外皮包住鮮甜既蝦肉食落好脆口，連蝦尾都可以食埋鳴虎拉麵 • Nakitora Ramen 坑口一田分店 東港城2樓222號舖 (一田超市內) |
繼續閱讀
221 瀏覽
上一次光顧堅尼地城的「鳴虎」分店，印象中是一間味道不錯的土炮日式拉麵店，只嫌服務態度有待改善。今日在商場見到她的新分店，決定俾多一次機會。嚴格來講，這間分店並非直屬商場內的鋪位，而是一田超市內的分租食店；這種經營模式不論在香港的崇光百貨、或者日本當地的大型日式百貨公司皆非常普遍。由於只是超市內的小食店，空間只足夠設置開放式廚房，沒有預留空間擺放餐枱餐椅，只佈置了10個左右的吧枱式座位，格局有點似個體戶拉麵小店，只是欠缺了日式古樸風味的裝修。這間「鳴虎」分店其實主力做外賣生意。主打四款口味拉麵：鳴虎、綠虎、黑鳴虎及鳴海老，另外還有幾款小食。從拉麵名字已經大概可以估計是什麼口味，其中的鳴海老口味令編者聯想起「一幻」。鳴虎（$86）係原味豬骨湯底拉麵，拉麵店特別加入了幾種鮮魚，再配合濃厚豬骨湯底熬製而成。賣相同堅尼地城分店的出品看不出有分別，這一點非常重要；一間成功的連鎖拉麵店必定要質素穩定，同一款出品在每一間分店的味道應該做到一模一樣，這樣才能給予客人信心。採用粗身攣曲拉麵，入口彈牙煙韌、軟硬適中。鮮橙紅色的溏心蛋賣相吸引，蛋黃全流心、蛋香濃郁，雞蛋質素高。日式叉燒選用半肥瘦豬柳，先捲好紥實、再用自家醬汁配方浸煮，最後切成厚薄適中的日式叉燒；放上拉麵奉客前稍為用火槍燒香以引出油脂。脂肪鬆化、豚肉算鬆軟，唯獨可調校得再濃味一點。拉麵、溏心蛋及日式叉燒同堅尼地城分店出品的味道吃不出有分別，做到了質素穩定這個重點。至於魚介 / 豚骨湯底，似乎及不上堅尼地城分店；上枱時未夠熱辣辣，豚骨膠原亦未夠豐富，湯底的味道穩定性及不上拉麵麵條及食材質素。入口黏稠度仍然保持適中，迎合大部份香港人口味；但今次多了一點點半凝固的油脂粒浮在湯底表面，莫非因為煲煮過程有失誤，殘留了凝固的油脂？味道方面，魚介鮮味偏淡，未夠突出，豚骨味就相當好；未至於出類拔萃，但已在其他拉麵店的平均水準之上。肉餃子（$38）並非其他拉麵店常見的煎脆底餃子，改用油炸炮制。餡料同其他拉麵店差不多，同樣是免治豬肉、蔥花及薑蓉，不過，味道只是一般。始終還是喜歡煎餃子。龍蝦沙律（$28）這個價錢當然不會有真正龍蝦肉，味道很鹹、亦沒有蝦肉味；好彩有一塊脆卜卜的紫菜減低鹹味。拉麵整體味道不錯，大致都算做到了分店不同、但出品水準穩定，除了湯底的穩定性就稍差。至於服務水準方面，今次的經驗就好過上次堅尼地城分店很多，下單後很快就煮好拉麵，挽回了小編的信心。
繼續閱讀
冬天除了火鍋外，吃拉麵也是快速選擇之選，由於時間關係熱呼呼的總想到拉麵鳴虎於日式超市門外的食店，雖說如此，人流不會過分多，就算是一人食用，也不覺得尷尬拉麵價錢在$88/碗左右，今次吃了日本魚乾豬骨湯拉麵，用四種鮮魚，加上豬骨湯所吸引兩塊叉燒，屬於厚身，輕輕火灸過，油香味重，咬一口沒有油膩感，旁邊的流心蛋絕對合格。還有足料的木耳絲，香蔥拉麵到了當然是先渴一口湯，湯底的魚介味非常濃厚，湯底屬於有點杰身，加上幼身的拉麵，每一口都好夠味小食方面，共六至七款，屬於多種類吧，龍蝦沙律一客兩球，非常吸晴，配上十多塊香脆紫菜，完全足夠包著沙律一起吃，蟹子沙律入口會吃到卜卜的口感，十足十吃著緊壽司一樣另外炸雞是一客四件，即叫即炸，配上沙律醬入口非常香脆，啖啖肉非常滿足
繼續閱讀