《愛的迫降》玄彬孫藝珍搞地下情？韓國節目分析7大證據 你又信唔信？

由玄彬及孫藝珍主演嘅浪漫愛情韓劇《愛的迫降》，雖然劇集已經大結局咗一段時間，不過熱潮仍然未減退。劇中玄彬同孫藝珍嘅互動充滿愛意，唔少劇迷都希望佢哋喺現實中可以成為一對，但二人多次否認，令到粉絲們都好失望。不過近日有好消息傳出，有網民喺美國見到玄彬同孫藝珍行超巿，二人例牌否認，但韓國節目《핫it슈》（hot it show）請咗韓國娛樂記者分析佢哋關係，並提出7大證據認為佢哋係搞緊地下情。

首先係二人行超巿時，佢哋都係選購日用品、酒和食材，如果同朋友一齊食應該會去餐廳而唔係自己煮。所以估計二人打算煮飯仔。

第二，佢哋一齊去美國，雖然話有朋友一齊，但經理人一直都答唔到。

第三，一齊去得外國旅行關係都好唔簡單，好似宋慧喬宋仲基咁。

第四，佢哋行超市冇戴黑超同口罩，感覺唔似係第一次偷偷拍拖，估計佢哋已經試過幾次都照俾人影到。

第五，經常都有「假戲真做」嘅事件發生，好似宋慧喬宋仲基都係因《太陽的後裔》而結緣，佢哋都例牌否認的。

第六，孫藝珍之前有講過一有時間就會談戀愛，只係一直冇被大家揭發。

最後，佢哋憑拍攝電影《協商》而認識，喺宣傳電影時佢哋嘅互動已經引起大家關注。另外，孫藝珍經常喺社交網站上載同玄彬嘅合照，相中嘅玄彬非常配合孫藝珍，完全唔似玄彬本身嘅慢熱性格。

雖然大家講到似層層咁，但佢哋一直否認，真係好希望佢哋可以喺埋一齊。