平時好難訂到Weekend位,而每隔幾個月會去一次連續每年均榮獲米芝蓮三星評級嘅嘅龍景軒,望哂維多利亞海景及九龍半島靚景。餐廳內裝潢古樸,都係一間幾中國風佈置嘅餐廳! 入到餐廳店員Ching 提供手袋架及好細心咁詢問我地有冇食物敏感或特別喜好問題 幾貼心,客人感覺被重視。 今次選擇週六去,所以餐廳提供「假日特色點心」。 平...日大受歡迎之原隻鮑魚雞粒酥留番1月時再黎食(已booking下次),今次就order同樣極受歡迎之龍景軒Signature崧子叉燒菠蘿包 ! ***崧子叉燒菠蘿包 菠蘿包味道軟熟香甜,上層皮真係好鬆化,叉燒口感juicy得黎實用,不過有少少扣分位就係洋蔥粒太生,搶去大部份味道,而且令口腔仍留有味道。 ***龍景軒炒飯 亦係Signature之一,飯粒炒得乾身而且有蛋香! (唔需要叫一窩,可以叫半份,分兩碗夠兩人食) ***炸子雞 基乎每次去必點,員工會好貼心問你去唔去骨,當然係好個人選擇,我就叫左冇去骨,雞肉仍然嫩滑,配菜嘅蓮藕片都炸到脆卜卜。 ***假日特式點心 顧名思義就係睇每個假期嘅時令特別款點心,咁岩去嘅時候係帶子餃,出奇地正常好味,因為有時的確幾怕食到腥味!因為早前食過嘅蝦子星斑餃..的而且確係樣子精美但味道較一般,蝦子味道偏腥(個人問題)。 食到接近最後,餐廳都會有少少精美甜點送俾每位客人,令呢個午餐時間完整美滿。更多