【多圖】曬同神秘猛男騎膊馬合照宣布封盤？　陳婉衡：真係幾Dry

陳婉衡（Alycia）在上月（30/8）在個人Instagram上分享了一張與肌肉猛男的「騎膊馬」合照，日前更上載了一張收花相，並寫道：「Don’t worry, be happy」不少網友都留言讚好，恭喜她終於感情有著落。唔通「女神」真係封盤？Alycia回覆《香港01》說：「其實我同佢識咗好耐㗎啦。」

她續說：「我唔係好明點解個個都恭喜我，其實係純粹同朋友影張相，呢張其實只係一班朋友一齊去旅行，影嘅其中一張相，而扎花都只係其中一個朋友送，佢知我唔開心先送畀我。」又表示她現時還是單身狀態。「單身咗差唔多一年，其實最近都真係幾Dry。有冇好介紹？」問到揀偶條件時，她就笑說：「我都幾揀擇㗎，要專一、我信得過、心地好，個人簡單啲、直接啲、大家又有共同興趣、鍾意做運動，同埋大家個價值觀要一樣、風趣又會氹我開心，係咪覺得我好多要求呢？仲有！我唔鍾意太靚仔，哈哈。」