動作新片首映同為張家輝預祝生日 譚俊彥笑回《新聞女王》致敬狄龍傳聞 張家輝 陳偉霆 William Chan 譚俊彥 Shaun Tam 梁洛施 Isabella Leong Chrissie Chau 周秀娜 等主演嘅動作新片呢日舉行首映禮,導演兼監製 林超賢 仲同演員老闆一齊為下月初踏入59歲生日嘅家輝預先慶祝,不過壽星就話自己一向都唔會大事鋪張,仲同老婆 關詠荷 討論過係咪唔太適合做呢一行咁話。 相隔8年之後再同林超賢合作搞到斷手指,佢又搞笑話每日清潔鼻孔時雖然有啲唔方便,不過同時見到屋企嘅各個獎座就非常感激呢一次合作喇。 其中一場家輝同導演喺山洞取景,不過就先後不慎受傷,家輝就指動作電影損傷係常事,仲大讚William夠晒拼搏,佢仲話呢部電影係自己職業生涯嘅里程碑呀。 至於Isabella今次一樣動作連場,搞到娜姐都心思思想一齊拍,仲多次向導演自薦呀。至於《新聞女王》當中阿Shaun嘅車房技工造型,被指致敬爸爸當年演出嘅經典電影,但係阿Shaun就話觀眾呢個聯想非常有趣喇。 #爆裂點 #張家輝 #陳偉霆 #譚俊彥 #梁洛施 #周秀娜 #林超賢 #生日 #斷手指 #受傷 #自薦 #狄龍