電影三級制在1988年開始實施，依電影適合觀眾年齡分為三級，取代以前兩級，即「兒童不宜」及「合家歡」，1995年，再將第二級，細分為IIA及IIB。不過，普通人真係好難介定咩嘢定為IIA或IIB。

至於三級片，第一套列為呢級別的是《黑太陽731》，當時好想去睇，但自己又不夠秤，無綠欣賞。大家都認為一定有棵露或血腥暴力成份，不過原來粗口片都列為三級，近期楊千嬅一套《志明與春嬌》，都係滿口三字經，竟然也列為三級，如果撇除粗口的話，一定可以合家欣賞。

其實，香港早年電檢制度，因世界冷戰因素，也同政治扯上關係，電檢條例禁止電影展示國旗或政治歌曲宣傳，就係針對國民黨與共產黨，尤其是共產黨，當年多套大陸同台灣的電影，都被禁止在香港電影院公映或剪得體無完膚。70年代，台灣軍事電影《英烈千秋》，就禁止在香港電影院公映，只准在樂宮戲院公映一場，邀請親台學校及社團觀賞，有國民黨老兵見到「蔣委員長」玉像，就立即致敬或流淚；1980年，台灣政治電影《皇天后土》及《假如我是真的》，港府以「傷害鄰國關係」為理由，被禁止上映，惹來有人批評，搞到要民政署長華樂庭在報章解釋。與此同時，大陸電影《鴉片戰爭》也被禁止上映，原因當然是唱衰英國人，去到80年代尾才獲准公映。