中原測量師行 Centaline Surveyors

【物業估價中商鋪的估值難度比較高？】

香港政府對入境檢疫措施進行修訂，變為現時「0+3」，市場憧憬通關在即，核心區舖位租務加快、買賣亦增多。不過，大家對商鋪嘅物業估價，認識又有幾多呢？

其實商鋪嘅估價會比一般嘅住宅物業估價難度為高、而且更複雜。所以委托測量師做一份商鋪嘅物業估價報告收費，會比住宅估價報告貴接近一倍，而令商鋪估價難度提高嘅原因，有以下三點！

第一，商鋪市場缺乏商鋪實用面積資料作為參考。可能大家都知道差餉物業估價署會提供住宅物業嘅面積資料，作為計算差餉嘅實用面積。但係，其他物業類別就冇呢種資料公開，導致測量師估算商鋪價值之前，需要事前參考相關物業嘅樓契圖，或者向屋宇署申請查閲有關嘅建築圖，先能夠仔細量度商鋪物業嘅實用面積。

第二，商鋪分析項目更多、更複雜。因爲估算住宅物業時候，只需分析地段、樓層、面積、座向等因素，同參考類似單位成交。但商鋪除咗要參考附近類似嘅商舖買賣作對比，然後再根據各商舖門面闊度、深度、人流幾多等因素差異作出調整，最後得出每項精準分析數據。因此，商舖估價中嘅細項分析特別多。

第三，因整體商鋪嘅成交量越來越少，加上市區不斷重建，而重建項目嘅商鋪部分會變為商場，並由發展商出租。導致市場上商鋪買賣數目下跌，間接令測量師需要搵合適商鋪買賣作對比時，變得相當困難。

如果你對於商鋪估價、舊樓收購、重建、物業估價方面，有任何唔明白嘅地方，可以向我哋中原測量師行專業估價及產業測量部查詢，查詢熱線 (852) 2139 6622。

----------------------------------------------------

想了解更多專業估價及產業測量服務，

歡迎致電：(852) 2139 6622

Email：surveying@mail.centanet.com

物業估價服務 | 報稅估價及印花稅上訴 | 舊樓收購合併

All reactions:

Comment