網絡商出大絕！ $108 真無限上網 Plan，抵玩過 SUN Mobile？

左定坤 (Cho Ting Kwan) 2018-01-02 13:21 | 數碼通

真無限數據 Plan 愈出愈便宜，月費價錢同 5GB 21Mbps Plan 的差距愈來愈接近，好多網友都會選擇，寧願俾多少少錢，直接開無限數據 Plan，唔使慳住慳住，任用唔嬲。上年最抵玩的，應該是 Sun Mobile，連埋行政費加埋都係 $164，就有真無限 21Mbps 上網。雖然速度未必及得上全速數據，但其實使用體驗還是不會太差。來到 2018 年，有網絡商就出招，推出了更平價的真無限上網 Plan，$108 有真無限 2Mbps 數據，又係咪超級抵呢？



說的是數碼通，2018 一開波就出大絕，推出了一個網上限時優惠。由即日起至 2018 年 1 月 11 日，只要到 SmarTone 網上商店上台，就可以以 $108 選購真無限全程 2Mbps 數據 (另需 $18 行政費)，並需簽約 18 個月。2Mbps，你話要同 21Mbps 或者全速數據比較，絕對係無得比，不過 2Mbps 速度，用來睇 720p 影片，都沒有問題，但就無得做 tethering。最重要是，無限上網的門檻，又會因此而大大降低，對於要求不算太高的網友來說，無限 2Mbps 相信還是相當夠用。大家覺得，$108 係咪一個好抵玩的選擇呢？留言討論下啦！