香港人去澳門需要14天醫學觀察

澳門隔離前準備，Book定澳門隔離酒店，非澳門人要Book自選酒店，需要持有24小時核酸報告，要提早預約，只需出發前一日做定核酸，咁第二日早上有檢測報告，記得要Print返出黎過關用。（最好打電話去查詢一下大約幾點會出報告，每一間都有少少唔同）除咗要預約做核酸之外，金巴亦無得即場售票，要上網Book ，用QRCode 取票，買飛時揀埋上車時間，2小時一班車，如果早到有位的話可以早D上車。

出發當日過香港關時會check定你有無核酸報告先會比你過關，過關後會見到金巴櫃枱，有工作人員會再check多一次核酸報告，之後分別安排出發去珠海同澳門嘅人分開坐，需要填一份表格-記錄上車人資料，要預先輸入定澳門健康碼，會見到紅碼不可通行(記得Cap低圖）去到澳門過關要先出示。

金巴到達澳門，一落車再一次要出示核酸報告，唔係去一般櫃位過關，岩岩上金巴前輸入嘅澳門健康碼依家就要用啦(我唔記得Cap低，好彩有Wi-Fi要再上網入過，不過就麻煩D囉。)

掃完個Code之後，會安排一個個分隔開嘅座位，需要填3份表格（如果打咗疫苗，需要填寫打咗邊隻和打每一針嘅日期），過一陣會有人收身份證，證件會去到酒店派返。填完哂所有資料後，坐咗大約1小時，入境人員會帶我哋去過海關，之後會跟埋我哋上車到酒店。果日都有20人左右，所以每個人去嘅酒店都唔同，我返酒店足足用咗1小時。

感想：去澳門足足用咗差唔多5個鐘

———————————————————

以上純粹個人感受及分享

#香港 #澳門 #隔離 #14天隔離 #隔離生活 #隔離酒店 #Macau #hongkong