218
28
11
| 餐廳: | 金豪酒家 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
港鐵深水埗站 D2 出口, 步行約4分鐘
繼續閱讀
電話號碼
27256806
營業時間
今日營業
18:00 - 02:00
星期一至日
18:00 - 02:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
生日同屋企人去幫襯，已經一年冇幫襯過，waitress服務態度唔錯，但食物偏鹹，乳鴿鹹到食唔到，最後退咗。點了個海鮮孖寶，龍蝦伊麵和蒜蓉蒸蟶子，龍蝦意麵煮得唔錯，waitress先俾隻龍蝦我哋睇再煮，肉質鮮甜。金磚豆腐都炸得出色，但炒菜偏鹹
繼續閱讀
同朋友去深水埗買電子產品，經過見到呢間中菜幾吸引，小菜款式多，好傳統又正宗，就入去試下。😆首先，點左嘅係避風塘瀨尿蝦肉，呢款菜色係經典，蝦肉炸得金黃酥脆，外脆內嫩，配上避風塘特有嘅香辣調味，香氣四溢，絕對係一道令人食指大動嘅小菜！🍤其次，我哋亦都試左芥辣牛柳粒，呢款小菜比較少見，但估唔到好出色，牛柳粒肉質鮮嫩多汁，每一口都充滿牛肉嘅香味，而且配上芥辣醬汁，味道更加香濃，醬汁同肉嘅結合得恰到好處，絕對係一道濃郁而又清爽嘅菜色！🥩接著，試吓花蛤浸豆苗。豆苗爽脆清甜，而花蛤鮮甜彈牙，配上清淡嘅清湯，令味道更加突出，而且食落仲有清新嘅口感，非常開胃。🥬最後，我哋來品嚐冰火辣魷魚。魷魚外層醬汁鮮辣，內裡彈牙嫩滑！🦑
繼續閱讀
自從朋友帶我食過一次金豪之後，間唔時都想重溫吓😋趁住長假期約班fd食飯吹下水～今晚有特價海鮮孖寶：清蒸沙巴龍躉+蒜蓉粉絲蒸蟶子王4隻👍🏻條魚都好大條，蒸得啱啱好，唔會太熟啲肉粗糙，又唔會有粉紅色夾唔起啲魚肉💯蟶子都大大條，成條筷子咁長😳啲肉配埋辣椒蒜蓉非常惹味👍🏻👍🏻小食今次揀咗椒鹽豆腐，即炸！超香酥，豆腐又好嫩滑，次次都好心急食，結果焫親個嘴😂😂推介✅芥辣牛柳粒勁大碟，勁多牛粒，7-8成熟，所以唔會好硬，粒粒都有芥辣醬薄薄包裹住，個醬經過特別調製，唔係日料魚生點個種青bb washabi，係甜甜地👍🏻好開胃，食多多都唔濟炸蝦球熱辣辣🔥好大隻蝦，個粉又唔會厚，仲食到蝦嘅鮮味，點沙律醬幾好～最後食多個蒜蓉通菜，好少有，炒得清脆爽口✅食咗咁多餸，款款都大碟，份量夠多👍🏻唔洗食飯都夠飽😆個個都飽到捧住個肚走，價錢又抵食，坐成晚都唔趕人走，啱曬一班友仔聚會🍺🍻
繼續閱讀
位置喺嘉頓斜對面，好近地鐵站，勁方便。去到已經有人排緊隊，好彩佢有2個舖位，唔洗等好耐就入得。炸子雞即叫即炸，上枱都出晒煙，雞皮炸得勁脆，仲鎖到肉汁，點少少鹽就夠味。雞皮嘅油脂啱啱好，唔會好油，食完個底都冇乜油浸住。半隻都好大份，4個人食都夠分。炸蝦球啲蝦勁大隻，炸完都好彈牙。師傅仲兜咗沙律醬同埋芝麻，味道好夾，芝麻好香口，而且用咗菠蘿墊底，酸酸甜甜好開胃。芥辣牛柳粒Wasabi味好濃，有啲攻鼻，食得幾過癮。每粒牛柳都掛滿咗啲wasabi，所以每一啖都有wasabi味。再配又甜又脆嘅核桃，好夾，一齊食中和咗更加好食。椒鹽豆腐即叫即炸，上枱趁熱趁脆食，每一粒都有好香嘅椒鹽味，蒜香味都夠，而且好大碟，幾抵食。啫啫通菜燒熱咗個鍋，再倒椒絲通菜落去，jar jar聲，keep住啲菜熱，最後用通菜埋尾，啱啱好。
繼續閱讀
一行4人去深水埗買電腦野，行完之後係附近搵晚餐。見到有間酒樓感覺乾淨企理好地道就去試下。入到去坐位都幾闊落，餐牌有好多選擇。芥辣牛柳粒，本身諗住當開胃菜點知份量大大碟。我好怕食啲好乾身好靭既牛柳粒，但佢完全唔會，食落牛柳粒口感好軟又重牛味，芥末味都幾重，仲加左炸合桃伴碟👍🏻炸合桃超有驚喜。艷影蝦球，朋友好鐘意食蝦就點。每嚿都好大嚿，出邊嘅炸皮又薄又脆。入面係原隻大蝦肉，新鮮彈牙。椒鹽豆腐，一口大小剛剛好。入口皮又薄又脆包住軟滑豆腐口感一流！炸子雞（半隻），半集份量4個人食剛剛好，佢炸野真係值得相當出色，所以炸子雞都冇令人失去。本身雞肉就已經切好大大嚿，而且肥瘦適中。通菜，本身以為呢個會係最平平無奇。但餐廳嘅通菜係上枱之後先係客人面前用燒熱左既熱砂鍋炒香！除咗保持到熱度，仲好夠火候。
繼續閱讀