.
【澳洲】AUD$1租露營車 內部一啲都唔hea - 大食女遊記[Australia Working Holiday]
.
作為一個Backpacker,環島遊時當然要盡量慳錢啦。
.
我地大食女一開始係紐西蘭既環島玩法,而家睇返先知真係世界級,因為我地係每日都住airbnb,仲要靚既,黎到澳洲先試過第一次露營,而今次再升級玩露營車!認真當你訓過露營車之後,你真係唔會再想日日要襯天未黑之前撘好營,又要聽住夜晚有dingo係附近叫,風又颳得大,個營係咁搖你要用腳撐住之餘,耳邊不停有蚊滋聲,真係訓個覺都好忙,絕對唔係你諗得咁fancy
,不過都有好玩之處既。
.
好講返今次架露營車,入面麻雀雖小不過五臟俱全,而且重點係佢租金只需要每日AUD$1(未包$27/day insurance),Backpacker唔會陌生,因為哩種叫relocation campervan,幫間公司還返架車去目的地,點租就好easy,上網打relocation car已經有一堆,有好多中介公司都會列好哂架車既起點終點,包含幾日,total里數(唔同任你開咩),至於出發日期就要每日check住啦,因為多數d中介都會每日update,有時last minute 仲會有travel allowance架!而我地今次租既哩架車就屬於四人campervan,係比較basic既款式,限你三日內由Adelaide開到Melbourne,夜晚訓教就搵去d比campervan泊過夜既地方,要留意唔係每個停車場都可以泊過夜架,捉唔到你就好彩,捉到就罰錢變成偷雞唔到蝕渣米啦!! .